Elon Musk Twitter : ‘ట్విట్టర్ సీఈఓగా ఉండాలా? వద్దా?’- ఎలాన్ మస్క్ పోల్!
Elon Musk Twitter CEO : ట్విట్టర్ సీఈఓగా ఎలాన్ మస్క్ రాజీనామా చేసే సూచనలు కనిపిస్తున్నాయి. మరికొన్ని గంటల్లో ఈ విషయంపై క్లారిటీ వస్తుంది.
Elon Musk Twitter poll : ట్విట్టర్లో మరో సంచలన పోల్ పెట్టారు ఆ సంస్థ సీఈఓ ఎలాన్ మస్క్. ట్విట్టర్ సీఈఓ పదవి నుంచి తప్పుకోవాలా? వద్దా? అన్న విషయంపై పోల్ను ఏర్పాటు చేశారు. ఎలాంటి ఫలితం వచ్చినా, దానికి కట్టుబడి ఉంటానని ప్రకటించారు.
ట్రెండింగ్ వార్తలు
మరికొన్ని గంటల్లో రాజీనామా..?
భారత కాలమానం ప్రకారం.. సోమవారం సాయంత్రం 4:30 గంటల వరకు ఈ పోల్ ఆన్లైన్లో ఉంటుంది. అంటే.. ట్విట్టర్ సీఈఓగా మస్క్ కొనసాగుతారా లేదా అనేది మరికొన్ని గంటల్లో తేలిపోతుంది. అయితే.. ఈ పోల్కు ఇప్పటివరకు వచ్చిన స్పందన మాత్రం.. మస్క్కు ప్రతికూలంగానే ఉంది. ట్విట్టర్ హెడ్ పదవి నుంచి తప్పుకోవాలా? అన్న పోల్కు 57.6శాతం మంది 'యెస్' అన్నారు. 42.4శాతం మంది 'నో' అన్నారు. ఇదే కొనసాగితే.. ట్విట్టర్ సీఈఓగా ఎలాన్ మస్క్ తప్పుకోవడం ఖాయంగా కనిపిస్తోంది!
Elon Musk Twitter CEO : 'మీరు ఏం కోరుకుంటే, అదే జరుగుతుంది. అందుకే జాగ్రత్తగా కోరుకోండి,' అంటూ మరో ట్వీట్ చేశారు ఎలాన్ మస్క్. సీఈఓ పదవికి రాజీనామా చేసినప్పటికీ.. భవిష్యత్తులో కీలక విధానాల మార్పులపై పోల్స్ నిర్వహిస్తూ ఉంటానని స్పష్టం చేశారు.
ట్విట్టర్ టేకోవర్ తర్వాత సామాజిక మాధ్యమంలో అనేక మార్పులు తీసుకొచ్చారు ఎలాన్ మస్క్. వేలాది మందిని ఉద్యోగాల నుంచి తొలగించారు. అనేక విధానాలను మార్చేశారు. ఫలితంగా ఆయనపై విమర్శలు, ఆరోపణలు వెల్లువెత్తాయి. 'సీఈఓగా రాజీనామా చేసి, టెస్లాపై దృష్టి పెట్టాలి' అని మస్క్కు చాలా మంది చెబుతున్నారు. ట్విట్టర్ను కొన్నప్పటి నుంచి టెస్లాను పట్టించుకోవడం లేదని ఆరోపిస్తున్నారు. ఇది టెస్లా షేర్లపై ప్రతికూలంగా మారుతోందని అంటున్నారు.
Elon Musk Twitter CEO resignation : టెస్లాతో పాటు స్పేస్ఎక్స్, ది బోరింగ్ కంపెనీ, న్యూరాలింక్, మస్క్ ఫౌండేషన్కు ఆయన సీఈఓగా కొనసాగుతున్నారు. వాస్తవానికి.. ట్విట్టర్ సీఈఓగా ఎక్కువ కాలం ఉండనని గతంలోనే మస్క్ చెప్పారు.
Elon Musk latest news : మరోవైపు మస్క్ పోల్ కింద కామెంట్ల వర్షం కురుస్తోంది. "యెస్ అని ఓటు వేసేవారందరు ఒక విషయం గుర్తుపెట్టుకోవాలి. సీఈఓ పదవి నుంచి తప్పుకున్నా.. ట్విట్టర్ యజమాని ఎలన్ మస్కే. రోజూవారీ కార్యకలాపాల నుంచి ఆయన తప్పుకుంటారు అంతే. అన్నింటి మీద తుది నిర్ణయం మస్క్దే ఉంటుంది. అలాంటిప్పుడు.. మీరు వేసే 'యెస్' ఓటుకు అర్థం ఉండదు కదా!" అంటూ ఓ నెటిజన్.. మస్క్ పోల్ కింద్ కామెంట్ చేశాడు.
