Accenture layoffs 2023 : భారీగా జాబ్ కట్స్కు సిద్ధమైన దిగ్గజ ఐటీ కంపెనీ!
Accenture layoffs 2023 : దిగ్గజ ఐటీ సంస్థ యాక్సెంచర్.. తమ సంస్థలోని 19వేలకుపైగా మంది ఉద్యోగులను తొలగిస్తోంది. ఈ మేరకు ఓ ప్రకటన విడుదల చేసింది.
Accenture layoffs 2023 : తమ సంస్థలో పనిచేస్తున్న 19వేలకుపైగా ఉద్యోగులను తొలగిస్తున్నట్టు.. దిగ్గజ ఐటీ కంపెనీ యాక్సెంచర్ ప్రకటించింది. అంతేకాకుండా వార్షిక ఆదాయం, లాభాల అంచనాలను తగ్గిస్తున్నట్టు పేర్కొంది. అంతర్జాతీయంగా ఆర్థిక వ్యవస్థ బలహీనపడుతోందన్న సంకేతాలను యాక్సెంచర్ తాజా ప్రకటన మరింత బలపరిచింది.
ట్రెండింగ్ వార్తలు
ఆర్థిక మాంద్యం భయాల నేపథ్యంలో ఏడాది కాలంగా ఐటీ కంపెనీలు గడ్డు పరిస్థితులను ఎదుర్కొంటున్నాయి. కంపెనీ లాభాలు పడిపోతుండటంతో.. సంస్థలు కాస్ట్ కటింగ్వైపు మొగ్గుచూపుతున్నాయి. ఈ నేపథ్యంలో లక్షలాది మంది ఉద్యోగాలు కోల్పోతున్నారు. ఈ జాబితాలోకి యాక్సెంచర్ కూడా చేరింది. వార్షిక ఆదాయ వృద్ధి, లాభాల అంచనాలను తగ్గించేసింది.
Accenture layoffs news : రెవెన్య గ్రోత్ గతంలో 8-11శాతం మధ్యలో ఉంటుందని అంచనా వేసిన యాక్సెంచర్.. ఇప్పుడు దానిని సవరించి.. 8శాతంగానే ఉంటుందని పేర్కొంది. ఈపీఎస్ (అర్నింగ్ పర్ షేర్) సైతం.. గతంలో చెప్పిన 11.20 డాలర్లు- 11.52డాలర్ల కన్నా.. 10.84డాలర్లు- 11.06డాలర్ల మధ్యలో ఉంటుందని తాజా అంచనాలను విడుదల చేసింది. ప్రస్తుత త్రైమాసికంలో కంపెనీ ఆదాయం 16.1 బిలియన్ డాలర్లు- 16.7బిలియన్ డాలర్ల మధ్యలో ఉంటుందని అంచనా వేసింది.
Accenture layoffs latest news : తాజాగా చేపడుతున్న లేఆఫ్స్లో సగానిపైగా ఉద్యోగాలు.. నాన్ బిల్లెబుల్ కార్పొరేట్ ఫంక్షన్స్ (క్లైంట్కు బిల్ వేయలేని కార్యకలాపాలను పర్యవేక్షించే ఉద్యోగాలు)లోనే ఉంటుందని యాక్సెంచర్ స్పష్టం చేసింది.
యాక్సెంచర్ ఒక్కటే కాదు.. మరో దిగ్గజ కంపెనీ కాగ్నిసెంట్ సైతం ఆర్థిక వృద్ధిని తగ్గించింది. గత నెలలో ఈ మేరకు ఓ ప్రకటన చేసింది.
అమెజాన్లో లేఆఫ్ సీజన్..!
Amazon layoffs 2023 : ఆమెజాన్లో లేఆఫ్ సీజన్ కొనసాగుతోంది. తాజాగా రానున్న కొన్ని వారాల్లో ఆమెజాన్ వెబ్ సర్వీస్, హెచ్ఆర్, అడ్వర్టైజింగ్, లైవ్ స్ట్రీమింగ్ సర్వీస్ విభాగాల నుంచి సుమారు 9 వేల మంది ఉద్యోగులను తొలగించాలని నిర్ణయించారు. గత నెలలోనే ఆమెజాన్ సుమారు 18 వేల మంది ఉద్యోగులకు ఉద్వాసన పలికింది. వారిలో ఎక్కువమంది హెచ్ఆర్, రిక్రూటింగ్ టీమ్ ల వారే ఉన్నారు. పూర్తి వివరాల కోసం ఇక్కడ క్లిక్ చేయండి.
సంబంధిత కథనం