Mangoes: ఈ మామిడి పండ్లు కిలో రూ.12000, ఏమిటి వీటి స్పెషల్

మామిడి పండ్లలో చాలా రకాలు ఉన్నాయి. ఒక్కోదానికి ఒక్కో ప్రత్యేకత ఉంది. తక్కువ దిగుబడినిచ్చే సింధీ రకం మామిడి పండ్లు బెంగళూరు మార్కెట్లలో అమ్ముడయ్యాయి. ధర వింటే షాక్ అవుతారు.

మామిడి పండ్లు సాధారణంగా కిలో వంద రూపాయల నుంచి అయిదు వందల వరకు ఉంటుంది. కానీ సింధీ రకం మామిడి ధర రూ.3,000 నుంచి రూ.12,000 వరకు అమ్ముడవుతాయి.

ఈ మామిడి పండ్లను పాకిస్తాన్లోని సింధీ ప్రాంతంలో పండించి అక్కడి నుండి ఎగుమతి చేస్తారు. దీని విలక్షణమైన తీపి రుచి, వాసన అదిరిపోతుంది.

పాకిస్తాన్ లాగానే ఈ మామిడి భారతదేశంలో కూడా ప్రాచుర్యం పొందింది. పెద్ద పరిమాణంలో ఉండే పసుపు మామిడి సింధీ ప్రాంతంలో అధికంగా పండుతాయి.

సింధీ మామిడి మాదిరిగానే పశ్చిమ బెంగాల్ లోని ముర్షీదాబాద్ కు చెందిన కోహిదూర్ మామిడి కూడా ప్రసిద్ధి చెందింది. దీని ధర కూడా కిలో రూ.3,000 వరకు ఉంటుందని అంటారు.

అల్ఫోన్సో మామిడి భారతదేశంలో అత్యంత ప్రాచుర్యం పొందిన, రుచికరమైన మామిడి పండ్లలో ఒకటి. రత్నగిరి తీరప్రాంతాలలో, పశ్చిమ భారతదేశంలోని కొంకణ్ ప్రాంతంలో వీటిని పండిస్తారు. దీనిని దక్షిణ గుజరాత్ లో కూడా పండిస్తారు. దీని ధర కిలోకు రూ. 100. 1,500 వరకు విక్రయిస్తారు.

నూర్జహాన్,  మియాజాకి వంటి రకాల మామిడి పండ్లు ధర ఇంకా అధికంగా ఉంటుంది.