Gestational Hypertension। గర్భస్థ రక్తపోటును నివారించేందుకు సహజ మార్గాలు ఇవిగో!

సాధారణంగా గర్భం దాల్చిన 20 వారాల తర్వాత లేదా డెలివరీకి దగ్గరగా ఉన్న సమయంలో స్త్రీలలో గర్భస్థ రక్తపోటు సమస్య నిర్ధారణ అవుతుంది. ప్రసవించిన తర్వాత గర్భధారణ రక్తపోటు సాధారణంగా తగ్గిపోతుంది. అయితే ఆ లోపు దీనిని సహజంగా ఎలా తగ్గించుకోవాలో ఇక్కడ చూడండి. 

స్త్రీలలో గర్భస్థ రక్తపోటు సమస్య నివారణకు ఆయుర్వేద వైద్యురాలు డాక్టర్ దీక్షా భావ్సర్ కొన్ని చిట్కాలను పంచుకున్నారు, అవేంటో చూద్దాం.

సాధారణ ఉప్పుకు బదులుగా హిమాలయన్ గులాబీ ఉప్పను ఉపయోగించండి. అధిక ఉప్పు, చక్కెరను కలిగి ఉన్న అన్ని ఆహారాలను నివారించండి.

తేలికపాటి నడక: గర్భిణీలు ఉదయం లేదా సాయంత్రం వేళలో ఒక 30 నిముషాల పాటు నడకకు వెళ్లండి. ఒకరి తోడును తీసుకెళ్లి ప్రశాంతమైన పార్కులో లేదా మీ ఇంటి ఆవరణలో నడవడం చేయవచ్చు. 

ప్రాణాయామం:  ప్రతిరోజూ 15 నిమిషాల పాటు అనులోమ-విలోమ ప్రాణయామం ఆచరించణ్డి. 10 నిమిషాల కాల భ్రమరి ప్రాణాయామం చేయండి. ప్రతిరోజూ 11 ఓంకార (ఓం పఠణ) అభ్యాసం చేయండి. ఇవి మిమ్మల్ని ప్రశాంతంగా ఉంచుతాయి. 

గాడ్జెట్‌లను నివారించండి: నిద్ర లేచిన వెంటనే, పడుకునే ముందు 1 గంట పాటు మొబైల్ ఫోన్‌లతో సహా అన్ని రకాల ఎలక్ట్రానిక్ గాడ్జెట్‌లను ఉపయోగించడం మానుకోండి

ప్రినేటల్ యోగా: ప్రతి రోజూ గర్భిణీ స్త్రీలకు అవసరమయ్యే ప్రినేటల్ యోగాను ప్రాక్టీస్ చేయండి. యోగా గురువు మార్గదర్శకత్వంలో దీన్ని చేయడం ఉత్తమం. 

తాజాగా ఎప్పటికప్పుడు ఇంట్లో వండిన తాజా భోజనం మాత్రమే తినండి, బయటి ఆహారాలు అసలే వద్దు.

కూరగాయలు, పండ్లు వంటి పొటాషియం, మెగ్నీషియం అధికంగా ఉండే ఆహారాలను తినండి.

గర్భధారణ సమయంలో అధిక రక్తపోటును నియంత్రించడానికి సీజనల్ పండ్లను క్రమం తప్పకుండా తీసుకోండి.

ప్రతిరోజు కనీసం 1 జామకాయ తినండి (శీతాకాలంలో). ఇది వికారం, మలబద్ధకం నుండి ఉపశమనం పొందడంలో సహాయపడుతుంది.

కాఫీ, టీలు, ధూమపానం, ఆల్కహాల్, అధిక చక్కెర కలిగిన శీతల పానీయాలను నివారించండి

ఆధ్యాత్మిక పుస్తకాలను చదవడం ద్వారా, ఓదార్పునిచ్చే ప్రసంగాలు వినడం,  ప్రశాంతమైన పాటలను వినడం ద్వారా మీ రోజును ముగించండి.