EPFO: ఉద్యోగులకు తీపికబురు! అధిక పెన్షన్ కోసం దరఖాస్తు చేసుకునే అవకాశం

Feb 21, 2023, 02:00 PM IST Chatakonda Krishna Prakash

Feb 21, 2023, 02:00 PM , IST

అధిక పెన్షన్ కోసం దరఖాస్తు చేసుకునే అవకాశాన్ని ఎంప్లాయిస్ ప్రావిడెంట్ ఫండ్ ఆర్గనైజేషన్ (EPFO) తీసుకొచ్చింది. 2014 ఆగస్టు 31కు ముందు ఎంప్లాయిస్ పెన్షన్ స్కీమ్ (EPS)లో చేరిన వారు ఈ అధిక పెన్షన్ కోసం దరఖాస్తు చేసుకోవచ్చు.

(1 / 5)

ఎంప్లాయిస్ పెన్షన్ స్కీమ్ (EPS) కింద అధిక పెన్షన్ కోసం దరఖాస్తు చేసుకునే అవకాశాన్ని ఈపీఎఫ్‍ఓ తీసుకొచ్చింది. ఉద్యోగి, సంస్థ.. ఉమ్మడిగా ఇందుకోసం దరఖాస్తు చేయాల్సి ఉంటుంది. 2022 నవంబర్‌లో సుప్రీం కోర్టు ఇచ్చిన ఆదేశాల మేరకు ఈ అధిక పెన్షన్ సదుపాయాన్ని ఈపీఎఫ్‍వో అందుబాటులోకి తెచ్చింది. మార్గదర్శకాలను వెల్లడించింది. 2014 ఆగస్టు 31కు ముందు ఈపీఎస్ స్కీమ్‍లో చేరి కొనసాగుతున్న వారు ఈ అధిక పెన్షన్‍కు అప్లై చేసుకోవచ్చు. (EPFO)

(2 / 5)

2014లో ఈపీఎస్ వేతన గరిష్ఠ పరిమితిని రూ.6,500 నుంచి రూ.15,000కు పెంచింది ఈపీఎఫ్‍వో. బేసిక్ శాలరీలోని 8.33 శాతానికి సమామైన మొత్తాన్ని సంస్థలు.. ఈపీఎస్ కోసం జమ చేస్తున్నాయి. (Mint)

(3 / 5)

అధిక పెన్షన్ కోసం ఈ ఉమ్మడి దరఖాస్తులను సమర్పించేందుకు అతిత్వరలో యూఆర్ఎల్‍ను అందుబాటులోకి తీసుకురానున్నట్టు చెప్పింది ఈపీఎఫ్‍వో. దీని ద్వారా ఆన్‍లైన్‍లో దరఖాస్తు చేసుకోవచ్చు. యూఆర్ఎల్ ద్వారా డిజిటల్‍గా లాగిన్ అయి అప్లికేషన్ సమర్పించవచ్చు. అధిక పెన్షన్ కోసం దరఖాస్తులు సమర్పించేందుకు మార్చి 3 ఆఖరు తేదీగా ఉంది.(Reuters)

(4 / 5)

అధిక పెన్షన్ కోసం చేసే ప్రతీ దరఖాస్తు డిజిటల్ రికార్డు అవుతుందని ఈవీఎఫ్‍వో మార్గదర్శకాల్లో ఉంది. దరఖాస్తుదారులకు అప్లికేషన్ రిసిప్ట్ నంబర్‌ను కూడా ఈవీఎఫ్‍వో ఇవ్వనుంది. (Mint)

(5 / 5)

ఈవీఎఫ్‍వో కార్యాలయం ఇన్‍చార్జులు ఈ ఉమ్మడి ఆప్షన్ దరఖాస్తులను పరిశీలిస్తారు. ఈ-మెయిల్, పోస్ట్, ఎస్ఎంఎస్‍ల ద్వారా వారి నిర్ణయాన్ని తెలియజేస్తారు. (MINT_PRINT)

ఇతర గ్యాలరీలు