Tata Nano | ఈ ‘నానో’ కారు విలువ రూ. 22కోట్లు..!
నానో కారు విలువ రూ. 22కోట్లు ఏంటి అని అనుకుంటున్నారా? అయితే చదివేయండి మరి..
Tata Nano gold plus | 'టాటా నానో'.. దిగ్గజ వ్యాపారవేత్త రతన్ టాటా డ్రీమ్ ప్రాజెక్ట్. నానో పేరు వింటే.. ప్రపంచంలోనే అత్యంత చౌకైన కారు అన్న విషయం గుర్తొస్తుంది. ప్రతి సామాన్యుడి కల నెరవేర్చేందుకు టాటా మోటార్స్.. నానోను తీసుకొచ్చింది. అయితే టాటా మోటార్స్లో అత్యంత ఖరీదైన కారు కూడా నానోనే అని మీకు తెలుసా? అవును.. ఆ నానో కారు విలువ రూ. 22కోట్లు.
2011లో నానో కారును ప్రత్యేకంగా మేక్ఓవర్ చేశారు. 80కేజీల 22క్యారెట్ గోల్డ్, 15కేజీల వెండి, డైమండ్, రూబీస్, ఖరీదైన జెమ్స్టోన్స్తో నానో కారును రూపొందించారు. ఫలితంగా దాని విలువ రూ. 22కోట్లకు చేరింది.
టైటాన్ ఇండస్ట్రీస్లో భాగమైన గోల్డ్ప్లస్ జ్యువెలరీస్.. ప్రమోషన్లలో భాగంగా ఈ కారును రూపొందించింది. దీనికి 'గోల్డ్ప్లస్ నానో' అని పేరు పెట్టింది.
అయితే ఈ గోల్డ్ప్లస్ నానో కారు అమ్మకానికి లేదు. దేశంలో 5వేల ఏళ్ల ప్రస్తానానికి చిహ్నంగా రూ. 22కోట్లు విలువ చేసే కారును తీసుకొచ్చింది. ఇందుకోసం అనేకమంది నిపుణులు పనిచేశారు. ఫలితంగా ప్రపంచంలోనే తొలి గోల్డ్ కారుగా గోల్డ్ప్లస్ నానో నిలిచింది!
సంబంధిత కథనం
టాపిక్