kid's complaint on mother : ‘అమ్మ నా చాక్లెట్లు దొంగలిస్తోంది.. అరెస్ట్ చేయండి’
kid's complaint on mother : ‘అమ్మ నన్ను చాక్లెట్లు తిననివ్వడం లేదు. అరెస్ట్ చేయండి,’ అంటూ పోలీసులకు ఫిర్యాదు చేశాడు ఓ 3ఏళ్ల బాలుడు. ఈ వీడియో ఇప్పుడు వైరల్గా మారింది.
kid's complaint on mother : చిన్న పిల్లలు ఏం చేసినా సరదగా ఉంటుంది. వారి అమాయక చేష్టలు మన ముఖాల్లో చిరునవ్వును తెప్పిస్తాయి. తాజాగా.. మధ్యప్రదేశ్ బుర్హన్పూర్ జిల్లా డేధ్తలై గ్రామంలో ఇలాంటి ఘటనే ఒకటి జరిగింది. అమ్మ చాక్లెట్లు తిననివ్వడం లేదని, ఆమెను అరెస్ట్ చేయాలని పోలీసులకు ఫిర్యాదు చేశాడు ఓ బాలుడు.
'ప్లీజ్.. మా అమ్మను అరెస్ట్ చేయండి..'
ఈ ఘటనకు సంబంధించిన దృశ్యాలు సామాజిక మాధ్యమాల్లో వైరల్గా మారాయి. ఆ బాలుడి వయస్సు 3ఏళ్లు. అతడి తండ్రి.. బాలుడిని పోలీస్ స్టేషన్కు తీసుకెళ్లాడు. అక్కడ.. బాలుడు, తన తల్లి గురించి పోలీసులకు ఫిర్యాదు చేశాడు. చుట్టు పక్కన ఉన్న పోలీసులు తెగ నవ్వుకున్నారు. ఓ పోలీస్ కానిస్టేబుల్.. అతని ఫిర్యాదును సీరియస్గా రాసుకుంటున్నట్టు వీడియోలో కనిపించింది.
Burhanpur viral video : "మా అమ్మ నా చాక్లెట్లు దొంగలిస్తోంది. నన్ను తిన నివ్వడం లేదు. చాక్లెట్లు అడిగితే నన్ను కొడుతోంది. మీరు ఆమెను అరెస్ట్ చేయండి," అని చెప్పుకొచ్చాడు ఆ బాలుడు.
నెట్టింట వీడియో వైరల్..
"స్నానం చేసిన తర్వాత బాలుడి కళ్లకు తల్లి కాటుక రాస్తోంది. కానీ అటు ఇటు తిరిగాడు. చాక్లెట్లు కావాలని మారాం చేశాడు. అప్పుడు అతని తల్లి సరదాగా కొట్టింది. వెంటనే నా దగ్గరికి వచ్చాడు. పోలీస్ స్టేషన్కు తీసుకెళ్లాలని, అమ్మపై ఫిర్యాదు చేయాలని చెప్పాడు. అందుకే నేను ఇక్కడికి తీసుకొచ్చా," అని బాలుడి తండ్రి చెప్పుకొచ్చాడు.
child complaints about his mother : "బాలుడి ఫిర్యాదు చూసి అందరు నవ్వుకున్నాము. ఆ తర్వాత అతడికి నచ్చజెప్పాము. అమ్మకి ఎలాంటి చెడు ఉద్దేశాలు లేవని చెప్పి, తిరిగి ఇంటికి పంపించాము," అని ఎస్ఐ ప్రియాంక నాయక్ తెలిపారు.
ఈ వార్త నెట్టింట వైరల్ అయ్యింది. విన్న వారందరు, బాలుడి చేష్టలు చూసిన వారందరు తెగ నవ్వేసుకుంటున్నారు. చిన్న నాటి రోజులు గుర్తొస్తున్నాయంటూ కామెంట్లు పెడుతున్నారు.
సామాజిక మాధ్యమాల్లో వైరల్గా మారిన దృశ్యాలను ఇక్కడ చూడండి:
సంబంధిత కథనం