Samsung Galaxy M04 : శాంసంగ్ గ్యాలెక్సీ ఎం04 వచ్చేసింది.. ధర, ఫీచర్స్ ఇవే!
Samsung Galaxy M04 : శాంసంగ్ గ్యాలెక్సీ ఎం04 ఇండియాలో లాంచ్ అయ్యింది. ఈ స్మార్ట్ఫోన్ ధర, ఫీచర్స్ వంటి వివరాలు ఇక్కడ తెలుసుకోండి.
Samsung Galaxy M04 : ఇండియా మార్కెట్లోకి గ్యాలెక్సీ ఎం04ను లాంచ్ చేసింగి శాంసంగ్. ఎంట్రీ లెవల్ స్మార్ట్ఫో్లో 6.5ఇంచ్ హెచ్డీ+ డిస్ప్లే ఉంటుంది. ఇందులో వాటర్డ్రాప్ స్టైల్ నాచ్తో కూడిన ఫ్రెంట్ కెమెరా సైతం ఉంది. ఈ శాంసంగ్ గ్యాలెక్సీ ఎం04లో 128జీబీ స్టోరేజ్తో పాటు 1టీబీ వరకు మైక్రోఎస్డీ కార్డ్ ఆప్షన్ కూడా లభిస్తోంది. మీడియాటెక్ హీలియో పీ35 ఎస్ఓసీతో పాటు 5000 ఎంఏహెచ్ బ్యాటరీ ప్యాక్ దీని సొంతం.
శాంసంగ్ గ్యాలెక్సీ ఎం04 ధర..
ఇండియాలో శాంసంగ్ గ్యాలెక్సీ ఎం04 (4జీబీ ర్యామ్ + 64జీబీ స్టోరేజ్) ధర రూ. 8,499గా ఉంది. ఈ స్మార్ట్ఫోన్ సేల్.. ఈ నెల 16 మధ్యాహ్నం 12 గంటలకు అమెజాన్లో ప్రారంభమవుతుంది.
Samsung Galaxy M04 price in India : శాంసంగ్ ఇండియా వెబ్సైట్లోనూ ఈ స్మార్ట్ఫోన్ అందుబాటులో ఉండనుంది. బ్లూ, గోల్డ్, మింట్ గ్రీన్, వైట్ రంగుల ఆప్షన్స్లో ఇది లభిస్తుంది.
గ్యాలెక్సీ ఎం04 స్పెసిఫికేషన్స్- ఫీచర్స్..
శాంసంగ్ గ్యాలెక్సీ ఎం04 ఎంట్రీ లెవల్ స్మార్ట్ఫోన్లో 6.5ఇంచ్ హెచ్డీ+ డిస్ప్లే ఉంటుంది. ఎల్ఈడీ ఫ్లాష్తో కూడిన డ్యూయెల్ రేర్ కెమెరా సెటప్ దీని సొంతం. 13ఎంపీ ప్రైమరీ కెమెరా, 2 ఎంపీ సెకండరీ కెమెరా సెన్సార్స్ ఇందులో ఉంటాయి. 5ఎంపీ సెల్ఫీ కెమెరా కూడా ఇందులో ఉంటుంది. గ్యాలెక్సీ ఎం04లో 5000ఎంఏహెచ్ బ్యాటరీ ఉంటుంది.
Samsung Galaxy M04 features : శాంసంగ్ గ్యాలెక్సీ ఎం04లో రెండేళ్ల వరకు ఓఎస్ అప్గ్రేడ్స్ను ఇస్తున్నట్టు సంస్థ పేర్కొంది. ఆండ్రాయిడ్ 12 ఓఎస్ ఇందులో ఉంటుంది. 10వాట్ ఛార్జింగ్ అడాప్టర్తో పాటు కనెక్టివిటీలో భాగంగా 4జీ వోల్ట్ఈ, వైఫై బ్లూటూత్, జీపీఎస్, యూఎస్బీ-సీ పోర్ట్, 3.5ఎంఎం ఆడియో జాక్ వంటి ఫీచర్స్ను ఇస్తోంది శాంసంగ్. గ్యాలెక్సీ ఎం04లో ఫింగర్ప్రింట్ సెన్సార్ లేదు. కానీ ఫేస్ అన్లాక్ బయోమెట్రిక్ సెటప్ ఉంది.
సంబంధిత కథనం