Nykaa Q2 results : క్యూ2లో 330శాతం పెరిగిన నైకా లాభాలు!

Nykaa Q2 results 2022 : 2023 ఆర్థిక ఏడాది రెండో త్రైమాసికం ఫలితాలను మంగళవారం ప్రకటించింది నైకా. ఈసారి 330శాతం లాభాలను నమోదు చేసింది. క్యూ2లో నైకా సంస్థ నెట్​ ప్రాఫిట్​ రూ. 5.2కోట్లుగా నమోదైంది. గతేడాది ఇదేత్రైమాసికంలో నెట్​ ప్రాఫిట్​ రూ. 1కోటిగా ఉంది. జూన్​తో ముగిసిన త్రైమాసికంలో రూ. 5కోట్ల లాభాన్ని అర్జించింది ఈ సంస్థ.

ఆపరేషన్ల ద్వారా వచ్చే ఆదాయాన్ని కూడా పెంచుకుంది నైకా. గతేడాది రూ. 885కోట్లుగా ఉంటే, ఈసారి రూ. 1230కోట్లుగా నమోదైంది. అంటే.. 39శాతం పెరిగినట్టు. ఇక గత త్రైమాసికంతో(రూ. 1,148.4కోట్లు) పోల్చుకుంటే 7శాతం వృద్ధిని సాధించినట్టు.

నైకా షేర్లు అప్​..

అదిరిపోయే రిజల్ట్స్​ నేపథ్యంలో.. నైకా షేర్లు కూడా దూసుకెళుతున్నాయి. ప్రస్తుతం 4.8శాతం లాభంతో నైకా షేరు 1209 వద్ద ట్రేడ్​ అవుతున్నాయి.

స్టాక్​ మార్కెట్​లో గతేడాది నవంబర్​లో లిస్ట్​ అయ్యింది నైకా. అప్పటి నుంచి నష్టాల్లోనే ఉంది. మొత్తం మీద 48శాతం కోల్పోయింది.

రూ. 2,358 వద్ద లిస్ట్​ అయిన నైకా షేరు.. ఇప్పటివరకు 48.79శాతం నష్టపోయింది. ఈ ఏడాదిలోనే ఇప్పటివరకు 42.12శాతం నష్టాలను నమోదు చేసింది. ఇక ఆరు నెలల్లో దాదాపు 30శాతం, నెల రోజుల్లో 7శాతం మేర నష్టాలను చూసింది నైకా షేరు.

బోనస్​ షేర్లు..

నైకా సంస్థ ఇటీవలే 1:5 రేషియోలో బోనస్​ షేర్లను కూడా ప్రకటించింది. అంటే.. నైకాకు చెందిన ఒక షేరు ఉంటే.. 5 షేర్లు వచ్చి చేరుతాయి. ఇందుకు రికార్డ్​ డేట్​ను ఈ నెల 11గా నిర్ణయించింది సంస్థ.