Honor Play 6C | బడ్జెట్ ధరలోనే 5G స్మార్ట్‌ఫోన్‌, ఫీచర్లు ఏమున్నాయి?

చైనీస్ స్మార్ట్‌ఫోన్‌ మేకర్ హానర్ నిశబ్దంగా తమ బ్రాండ్ నుంచి Honor Play 6C అనే సరికొత్త స్మార్ట్‌ఫోన్‌ను దేశీయ మార్కెట్లో విడుదల చేసింది. ఈ స్మార్ట్‌ఫోన్‌లో స్నాప్‌డ్రాగన్ 480 5G ప్రాసెసర్ ఉపయోగించారు. దీనిని చౌకైన 5G ప్రాసెసర్ అని కూడా పిలుస్తారు. ఈ ప్రకారంగా Honor Play 6C అనేది ఒక బడ్జెట్ ధరలో లభించే 5G స్మార్ట్‌ఫోన్‌ అవుతుంది. అందువల్ల ఇందులో ఫీచర్లు కూడా మామూలుగా ఉంటాయి.

ఈ హ్యాండ్‌సెట్లోని ప్రధాన అంశాలను పరిశీలిస్తే ఇందులో వాటర్‌డ్రాప్ నాచ్ డిస్‌ప్లే, స్నాప్‌డ్రాగన్ 4-సిరీస్ చిప్, సింగిల్ రియర్ ఫేసింగ్ కెమెరా, ఫాస్ట్ ఛార్జింగ్ సపోర్ట్‌తో కూడిన పెద్ద బ్యాటరీ ఉన్నాయి. హానర్ తమ ఫ్లాగ్‌షిప్ స్మార్ట్‌ఫోన్‌ Honor X40 GTని విడుదల చేస్తుందనుకున్న తరుణంలో ఈ Play 6C ఫోన్‌ను విడుదల చేసింది.

Honor Play 6C రెండు స్టోరేజ్ కాన్ఫిగరేషన్‌లలో అందుబాటులో ఉండగా, మూడు విభిన్న రంగుల్లో లభ్యమవుతోంది. ఇది మ్యాజిక్ నైట్ బ్లాక్, అరోరా బ్లూ , టైటానియం సిల్వర్ అనే మూడు కలర్ ఆప్షన్లలో లభిస్తుంది.

ఇంకా Honor Play 6Cలో స్పెసిఫికేషన్‌లు, ఫీచర్లు అలాగే దీని ధరకు సంబంధించిన మొత్తం సమాచారం ఈ కింద చూడండి.

Honor Play 6C 5G స్మార్ట్‌ఫోన్‌ ఫీచర్లు, స్పెసిఫికేషన్లు

• 90Hz రిఫ్రెష్ రేట్‌ కలిగిన 6.5 అంగుళాల HD+ LCD డిస్‌ప్లే
• 6GB/ 8GB RAM, 128 GB స్టోరేజ్ సామర్థ్యం
• స్నాప్‌డ్రాగన్ 480 ప్రాసెసర్
• వెనకవైపు 13MP కెమెరా
• ఆండ్రాయిడ్ 12 ఆపరేటింగ్ సిస్టమ్
• 5000 mAh బ్యాటరీ సామర్థ్యం, 22.5W ఫాస్ట్ ఛార్జర్

కనెక్టివిటీ కోసం.. 5G, Wi-Fi 802.11ac, బ్లూటూత్ 5.1, GPS, USB-C పోర్ట్ , 3.5mm హెడ్‌ఫోన్ జాక్ ఉన్నాయి.

ప్రస్తుతం ఈ ఫోన్ చైనా మార్కెట్లో అందుబాటులోకి వచ్చింది. త్వరలోనే మిగతా మార్కెట్లలోకి రానుంది. ధర సుమారు రూ. 12 వేల నుంచి రూ. 15 వేల వరకు ఉంది.