Five Star Business Finance IPO: ఈ ఐపీఓ కు అప్లై చేయొచ్చా?

Five Star Business Finance IPO: Five Star Business Finance భారత్ లోని బ్యాంకింగేతర ఆర్థిక సంస్థల్లో ఒకటి. ఇది దక్షిణ భారతదేశంలో ప్రముఖ బ్యాంకింగేతర ఆర్థిక సంస్థ. చిన్న, సూక్ష్మ తరహా రుణాల రంగంలో దక్షిణ భారత్ లో ఇది మెరుగైన పొజిషన్ లో ఉంది. ఈ సంస్థ ఐపీఓ బుధవారం ప్రారంభమైంది. ఈ ఐపీఓ ద్వారా రూ. 1960 కోట్లను సమీకరించాలని సంస్థ భావిస్తోంది. ఐపీఓ ప్రారంభమైన తొలిరోజు ఈ షేరు GMP రూ. 12 కి చేరింది.

Five Star Business Finance IPO: నవంబర్ 9 నుంచి 11 వరకు

మదుపర్లు ఈ IPO కు నవంబర్ 9 నుంచి నవంబర్ 11 వరకు దరఖాస్తు చేసుకోవచ్చు. ఇది 100 per cent offer for sale (OFS) ఐపీఓ. ఈ IPO పూర్తి వివరాలు..

• దరఖాస్తు తేదీలు: నవంబర్ 9 నుంచి నవంబర్ 11
• ధరల శ్రేణి: రూ. 450 నుంచి రూ. 474
• బిడ్డర్లు మొత్తం 13 లాట్ల వరకు అప్లై చేసుకోవచ్చు. ఒక్కో లాట్ లో 32 షేర్లు ఉంటాయి.
• నవంబర్ 16న అలాట్ మెంట్ ప్రారంభమవుతుంది. ఈ ఐపీఓ అధికారిక రిజిస్ట్రార్ KFin Technologies Limited. నవంబర్ 18న షేర్లు డీమ్యాట్ అకౌంట్లో డిపాజిట్ అవుతాయి.
• ఈ సంస్థ స్టాక్ మార్కెట్లో నవంబర్ 21న లిస్ట్ అయ్యే అవకాశముంది.
• మెజారిటీ అనలిస్ట్ లు ఈ ఐపీఓకు బై(BUY) ఆప్షన్ ఇచ్చారు. లిస్టింగ్ గెయిన్స్ కోరుకునేవారితో పాటు, లాంగ్ టర్మ్ ప్రయోజనాలు కోరుకునేవారు కూడా దరఖాస్తు చేసుకోవచ్చని సూచిస్తున్నారు.