Federal Bank hikes FD rates : ఎఫ్డీపై వడ్డీ రేట్లను పెంచిన ఫెడరల్ బ్యాంక్
Federal Bank hikes FD rates : ఫిక్స్డ్ డిపాజిట్లపై వడ్డీ రేట్లను పెంచింది ఫెడరల్ బ్యాంక్. ఆ వివరాలు..
Federal Bank hikes FD rates : ఇటీవలి కాలంలో వివిధ బ్యాంక్లు.. ఫిక్స్డ్ డిపాజిట్ల(ఎఫ్డీ)పై వడ్డీ రేట్లను పెంచుతున్నాయి. తాజాగా ఈ జాబితాలోకి ఫెడరల్ బ్యాంక్ కూడా చేరింది. రూ. 2 కోట్ల కన్నా తక్కువగా ఉండే ఎఫ్డీలపై వడ్డీ రేట్లను పెంటుతున్నట్టు ఫెడరల్ బ్యాంక్ ప్రకటించింది. బ్యాంక్ అధికారిక వెబ్సైట్ ప్రకారం.. పెంచిన వడ్డీ రేట్లు ఆదివారం నుంచే అమల్లోకి వచ్చాయి.
700 డే టెన్యూర్ కలిగిన ఎఫ్డీపై వడ్డీ రేట్లను 50 బేసిస్ పాయింట్లు పెంచింది ఫెడరల్ బ్యాంక్. మిగిలిన వాటన్నింటిలోనూ ఎలాంటి మార్పులను చేయలేదు. తాజా పెంపు అనంతరం.. 700 డే టెన్యూర్ కలిగిన ఎఫ్డీపై వడ్డీ రట్లు.. సాధారణ ప్రజలకు 7.50శాతం, సీనియర్ సిటిజెన్కు 8శాతంగా ఉన్నాయి.
ఫెడరల్ బ్యాంక్ ఎఫ్డీపై వడ్డీ రేట్లు..
Federal Bank FD rates : ఫెడరల్ బ్యాంక్లో.. 7-29 రోజుల మధ్య మెచ్యూర్ అయ్యే ఎఫ్డీలపై వడ్డీ రేట్లు 3శాతంగా ఉన్నాయి. 30-45 రోజుల మధ్య మెచ్యూర్ అయ్యే ఎఫ్డీలపై అది 3.25శాతంగా ఉంది. 46-60 రోజుల మధ్య 3.75శాతం, 61-90 రోజుల మధ్య 4శాతం, 91-119 రోజుల మధ్య 4.10శాతం, 120-180 రోజుల మధ్య 4.25శాతంగా ఉన్నాయి వడ్డీ రేట్లు.
ఇక 181-332 రోజుల మధ్య మెచ్యూర్ అయ్యే ఎఫ్డీలపై 4.80శాతం, 33 రోజులకు మెచ్యూర్ అయితే 5.60శాతం, ఏడాదిలోపు మెచ్యూర్ అయితే 4.80శాతం, ఏడాది- 20 నెలల మధ్యలో అయితే 5.60శాతం వడ్డీ రేట్లను ఇస్తోంది ఫెడరల్ బ్యాంక్. 20 నెలలు- 699 రోజుల మధ్య మెచ్యూర్ అయ్యే ఫిక్స్డ్ డిపాజిట్లపై 5.60శాతం వడ్డీని ఇస్తోంది. 700 రోజుల్లో మెచ్యూర్ అయ్యే ఎఫ్డీపై గతంలో వడ్డీ రేట్లు 7శాతంగా ఉండగా.. తాజా పెంపుతో అది 7.5శాతానికి పెరిగింది. ఇక 701-749 రోజుల మధ్య మెచ్యూర్ అయితే 5.75శాతం, 750 రోజులకు మెచ్యూర్ అయితే 6.50శాతం, 751 రోజులు- మూడేళ్ల కాలానికి 5.75శాతం వడ్డీని ఇస్తోంది.
మూడేళ్ల నుంచి 2221 రోజుల మధ్యలో మెచ్యూర్ అయ్యే ఎఫ్డీలపై.. ఫెడరల్ బ్యాంక్ 6శాతం వడ్డీని ఇస్తోంది. 2222 రోజులు, 2223 అంత కన్నా ఎక్కువ కాలం ఉంటే.. ఎఫ్డీలపై వడ్డీ రేట్లు 6.20శాతం, 6శాతంగ ఉన్నాయి.
ఫెడరల్ బ్యాంక్ త్రైమాసిక ఫలితాలు..
Federal bank Q2 results : కొన్ని రోజుల క్రితమే క్యూ2 ఫలితాలను విడుదల చేసింది ఫెడరల్ బ్యాంక్. సంస్థ స్టాండలోన్ నెట్ ప్రాఫిట్ రూ. 703.7కోట్లుగా నమోదైంది. గతేడాది ఇదే త్రైమాసికంలో అది రూ. 460.3కోట్లుగా ఉండేది. అంటే ఏడాదిలో 53శాతం వృద్ధిచెందినట్టు.
సంబంధిత కథనం