RCB IPL 2024 : మరో 'బుమ్రా'ను సిద్ధం చేస్తున్న ఆర్సీబీ.. ఇక బౌలింగ్​ కష్టాలు దూరం!

Mahesh kumar RCB : జస్ప్రీత్​ బుమ్రా లాంటి బౌలర్​.. ప్రతి టీమ్​లో ఉండాలని అందరు కోరుకుంటారు. మరీ ముఖ్యంగా.. ఐపీఎల్​లో ఇప్పటివరకు ఒక్క ట్రోఫీ గెలవని రాయల్​ ఛాలెంజర్స్​ బెంగళూరుకు బుమ్రా లాంట్​ బౌలర్​ కచ్చితంగా కావాలి! అనాదిగా ఐపీఎల్​ ఆడుతున్నా.. ఒక్కసారి కూడా ఆర్సీబీ కప్​ కొట్టకపోవడానికి కారణం ఆ జట్టు బౌలింగ్​ ప్రదర్శన అని అందరికి తెలిసిన విషయమే. ఆర్సీబీ యాజమాన్యం.. బౌలింగ్​ యూనిట్​పై ఫోకస్​ చేయాలని అభిప్రాయాలు వెలువడుతున్న సమయంలో... ఓ వీడియో ఇంటర్నెట్​ని షేక్​ చేస్తోంది. బుమ్రా బౌలింగ్​ యాక్షన్​తో.. ఓ వ్యక్తి ఆర్సీబీ నెట్​ సెషన్​లో బౌలింగ్​ చేస్తుండటం ఆ వీడియోలో కనిపించింది. ఆ వ్యక్తి పేరు మహేశ్​ కుమార్​.

అచ్చు బుమ్రాలాగే బౌలింగ్​ చేస్తున్న మహేశ్ కుమార్​..

ఆర్సీబీ నెట్​ సెషన్​కి సంబంధించిన ఒక వీడియో తాజాగా సోషల్​ మీడియాలో వైరల్​ అయ్యింది. అందులో.. నెట్​ బౌలర్​గా ఉన్న మహేశ్ కుమార్​.. అచ్చు జస్ప్రీత్​ బుమ్రాలాగే బౌలింగ్​ వేస్తూ కనిపించాడు. ఇద్దరి బౌలింగ్​ యాక్షన్​ దాదాపు ఒకే విధంగా ఉండాటన్ని చూసి.. నెటిజన్లు షాక్​ అవుతున్నారు.

IPL 2024 updates : ఈ మహేశ్​ కుమార్​.. 2022లో గుజరాత్​ టైటాన్స్​ జట్టులో ఉన్నాడు. కానీ ఇప్పుడు ఆర్సీబీ నెట్స్​లో బౌలింగ్​ చేస్తున్నాడు. అది కూడా.. వరల్డ్​ క్లాస్​ బౌలర్​ జస్ప్రీత్​ బుమ్రాలాగా! మరి మహేశ్ కుమార్​ని ఆర్సీబీ సానపెడుతుందో లేదో చూడాలి! ఒక వేళ మహేశ్ తన బౌలింగ్​ని మెరుగుపరుచుకుని.. బుమ్రాలా ప్రదర్శన చేయగలిగితే.. అతడిని ఆర్సీబీ వదులుకోకూడదు. బ్యాటర్లపై కోట్లు కోట్లు ఖర్చు చేసే జట్టు.. మహేశ్​పై ఫోకస్​ చేయాలని ఆర్సీబీ ఫ్యాన్స్​ అనుకుంటున్నారు.

సోషల్​ మీడియాలో వైరల్​గా మారిన ముకేశ్​ కుమార్​ ఆర్సీబీ వీడియోను ఇక్కడ చూడండి..

ఇదీ చూడండి:- IPL 2024 Playoffs scenarios: ఐపీఎల్ ప్లేఆఫ్స్‌కు వెళ్లేది ఎవరు? ఆర్సీబీకి ఇంకా ఛాన్స్ ఉందా? ఇక్కడ చూడండి

ఐపీఎల్​ 2024లో ఆర్సీబీ..

RCB IPL 2024 : ఐపీఎల్​ 2024లో ఆర్సీబీ చెత్త ప్రదర్శన కొనసాగుతోంది! 10 మ్యాచ్​లు ఆడి.. మూడింట్లో గెలిచి, 7సార్లు ఓడిపోయిన ఆ జట్టు.. 6 పాయింట్లతో ఐపీఎల్​ 2024 పాయింట్స్​ టేబుల్​లో చిట్ట చివరి స్థానంలో ఉంది. ఊరటనిచ్చే ఒకే ఒక్క విషయం.. చివరి 2 మ్యాచ్​లు ఆర్సీబీ గెలవడం. దాదాపు నెల రోజుల తర్వాత గెలుపు బాట పట్టిన డూప్లెసిస్​ సేన.. ఇంకా ప్లేఆఫ్​ రేస్​ నుంచి ఔట్​ అవ్వలేదు. అలా అని.. ప్లేఆఫ్​కు చేరడటం కూడా అంత సులభం కాదు. ఇక్కడి నుంచి ఆర్సీబీ అన్ని మ్యాచ్​లు గెలవాలి.. మంచి రన్​రేట్​ సంపాదించుకోవాలి, అప్పటికీ. ఇతర జట్ల ప్రదర్శనపై ఆధారపడాల్సి ఉంటుంది.

మరోవైపు.. ఐపీఎల్​ 2024 ఆరెంజ్​ క్యాప్​ రేస్​లో టాప్​లో కొనసాగుతున్న విరాట్​ కోహ్లీ. ఆర్సీబీ తరఫున ఈ సీజన్​లో ఇప్పటికే 500 రన్స్​ సాధించాడు. అంతేకాదు.. స్ట్రైక్​ రేట్​ని కూడా పెంచుకున్నాడు.