India T20 world cup squad : ఐపీఎల్​ 2024 ప్రదర్శనతో వరల్డ్​ కప్​ టీమ్​ పిక్​ చేస్తే? కోహ్లీ ఔట్​!-what if selectors picked india t20 world cup squad based on just ipl 2024 ,క్రికెట్ న్యూస్
తెలుగు న్యూస్  /  క్రికెట్  /  India T20 World Cup Squad : ఐపీఎల్​ 2024 ప్రదర్శనతో వరల్డ్​ కప్​ టీమ్​ పిక్​ చేస్తే? కోహ్లీ ఔట్​!

India T20 world cup squad : ఐపీఎల్​ 2024 ప్రదర్శనతో వరల్డ్​ కప్​ టీమ్​ పిక్​ చేస్తే? కోహ్లీ ఔట్​!

Sharath Chitturi HT Telugu
Apr 28, 2024 02:36 PM IST

T20 world cup India squad : ఐపీఎల్​ 2024 ఆధారంగా టీ20 వరల్డ్​ కప్​ జట్టు ఎంపిక చేస్తే.. ఎవరెవరికి చోటు దక్కుతుంది? ఎవరికి దక్కదు? ఇక్కడ చూద్దాము..

ఐపీఎల్​ 2024 ఆధారంగా టీ20 వరల్డ్​ కప్​ జట్టు ఎంపిక చేస్తే..
ఐపీఎల్​ 2024 ఆధారంగా టీ20 వరల్డ్​ కప్​ జట్టు ఎంపిక చేస్తే..

India squad for T20 world cup : జూన్​లో టీ20 వరల్డ్​ కప్​ జరగనుంది. ఈ నేపథ్యంలో ఇండియన్​ ప్లేయర్లకు ఐపీఎల్​ 2024 చాలా కీలకంగా మారింది. ఇందులో మంచి ప్రదర్శన చేసి.. టీమిండియా టీ20 వరల్డ్​ కప్​ జట్టులో చోటు సంపాదించుకోవాలని చాలా మంది ప్లేయర్లు కృషి చేస్తున్నారు. వాస్తవానికి.. ఒక్క ఐపీఎల్​ ప్రదర్శన ఆధారంగా.. టీ20 వరల్డ్​ కప్​ జట్టును ఎంపిక చేయరని మనందరికి తెలుసు. కానీ.. ఒక వేళ​ పిక్​ చేస్తే? జట్టులో ఎవరెవరు ఉంటారు? ఎవరు టీమిండియా నుంచి బయటకు వెళతారు? ఈ లిస్ట్​పై ఓ లుక్కేద్దాము..

ఐపీఎల్​ 2024 ప్రదర్శన ఆధారంగా.. టీ20 వరల్డ్​ కప్​ జట్టును పిక్​ చేస్తే..

ఓపెనర్లు:- అభిశేక్​ శర్మ, రోహిత్​ శర్మ, ఇషాన్​ కిషన్​.

టీమిండియాలో ఓపెనింగ్​ కోసం పోటీ తీవ్రంగా ఉంటుంది. చాలా మంది టఫ్​ ఫైట్​ ఇస్తారు. విరాట్​ కోహ్లీ ఐపీఎల్​లో ఓపెనింగ్​ చేస్తాడు. ఈ లెక్కన అతడిని ఓపెనింగ్​ స్లాట్​కి ఎంపిక చేయాలని భావించినా.. అలా జరగకపోవచ్చు! ఐపీఎల్​ 2024లో ఆరెంజ్​ క్యాప్​ రేస్​లో మొదటి స్థానంలో ఉన్నప్పటికీ.. విరాట్​ కోహ్లీని స్ట్రైక్​ రేట్​ సమస్య వెంటాడుతోంది. అతను నిదానంగా పరుగులు చేస్తుండటాన్ని చాలా మంది విమర్శిస్తున్నారు. అదే సమయంలో.. సన్​రైజర్స్​ హైదరాబాద్​ తరఫున విధ్వంసం సృష్టిస్తున్న అభిషేక్​ శర్మ మంచి ఆప్షన్​ అవుతాడు. 8 ఇన్నింగ్స్​లో 218.8 స్ట్రైక్​ రేట్​తో 288 రన్స్​ చేశాడు. ఓవర్​కు 12.38 రన్స్​ చేస్తున్నాడు. 3 బాల్స్​కి ఒక బౌండరి బాదుతున్నాడు. టీ20 వరల్డ్​ కప్​లో ఇంతకు మించి ఏం కావాలి?

Virat Kohli T20 world cup : ఇక ముంబై ఇండియన్స్​ తరఫున ఆడుతున్న రోహిత్​ శర్మ- ఇషాన్​ కిషన్​లు పవర్​ప్లేలో మంచి ప్రదర్శన చేస్తున్నారు. వీరిద్దరు.. ఓవరుకు 10 పరుగులు చేస్తున్నారు. ప్రతి 3.2 బాల్స్​కి బౌండరి బాదుతున్నారు. 160 స్ట్రైక్​ రేట్​తో రోహిత్​ శర్మ 311 రన్స్​ చేయగా.. ఇషాన్​ కిషన్​ 165.62 స్ట్రైక్​ రేట్​తో 212 పరుగులు సాధించాడు.

మిడిల్​ ఆర్డర్​ బ్యాటర్లు:- రియాన్​ పరాగ్​, సంజు సామ్​సన్​, రిషభ్​ పంత్​, దినేశ్​ కార్తి, శశాంక్​ సింగ్​.

లక్నో సూపర్​ జెయింట్స్​ మ్యాచ్​లో 33 బాల్స్​లో 71 పరుగులు చేసి..టీ20 వరల్డ్​ కప్​కి తనను తీసుకోవాలా వద్దా? అన్న సందేహాన్ని.. కొట్టిపారేశాడు. సంజూ సామ్​సన్​ చేసిన 385 రన్స్​లో 153 పరుగులు మిడల్​ ఓవర్స్​ (7-16)లోనే వచ్చాయి. అతని స్ట్రైక్​ రేట్​ 159.38గా ఉంది.

రియాన్​ పరాగ్​.. 8 ఇన్నింగ్స్​లలో 160 స్ట్రైక్​ రేట్​తో 332 రన్స్​ చేశాడు. పంత్​.. 43 బాల్స్​లో 83 రన్స్​ చేసి, తాను కూడా రేస్​లో ఉన్నట్టు డిక్లేర్​ చేశాడు.

IPL 2024 latest news : ఇక ఫినీషర్​ అనగానే ఎంఎస్​ ధోనీ గుర్తొస్తాడు. కానీ అతను ఇంటర్నేషనల్​ క్రికెట్​కి గుడ్​ బై చెప్పేశాడు. అతని స్థానంలో దినేశ్​ కార్తి, శశాంక్​లు టీ20 వరల్డ్​ కప్​లో టీమిండియాకు మంచి పిక్​ అవుతారు. ఇద్దరు వరుసగా.. 253.7, 212.12 స్ట్రైక్​ రేట్​తో ఐపీఎల్​ 2024 ఆఢుతున్నారు.

ఆల్​ రౌండర్స్​:- అక్షర్​ పటేల్​, శివమ్​ దూబే..

చెన్నై సూపర్​ కింగ్స్​ మిడిల్​ ఆర్డర్​ బ్యాటర్​ శివమ్​ దూబే.. 196.67 స్ట్రైక్​ రేట్​తో స్పిన్నర్లను ఉతికారేస్తున్నాడు. అంతేకాదు.. 7-16 ఓవర్లలో అతని స్ట్రైక్​ రేట్​ 166గ ఉంది. మరోవైపు.. అక్ష పటేల్​ ఈ సీజన్​లో బాగా రాణిస్తున్నాడు. బ్యాటర్లు విధ్వంసం సృష్టిస్తున్నప్పటికీ.. 7. ఎకానమీతో 7 వికెట్లు పడగొట్టాడు. 135.35 స్ట్రైక్​ రేట్​తో 134 రన్స్​ చేశాడు.

T20 world cup 2024 : ఐపీఎల్​ 2024లో రవీంద్ర జడేజా ప్రదర్శన అంతంత మాత్రంగానే ఉంది. ఇక హార్దిక్​ పాండ్యా ప్రదర్శన కూడా అంతే! ఐపీఎల్​ ప్రదర్శన ఆధారంగా చూస్తే.. వీరిని పక్కన పెట్టక తప్పదు.

బౌలర్లు:- కుల్దీప్​ యాదవ్​, జస్ప్రీత్​ బుమ్రా, సందీప్​ శర్మ, నటరాజన్​, యుజ్వెందర్​ చాహల్​.

ఈ ఐపీఎల్​ 2024లో అదిరిపోయే ప్రదర్శన చేస్తున్నాడు జస్ప్రీత్​ బుమ్రా. ఇప్పటికే 14 వికెట్లు తీశాడు. టీమిండియా టీ20 వరల్డ్​ కప్​ జట్టులో బుమ్రా ప్లేస్​ ఫిక్స్​ అనుకోండి. అటు 13 వికెట్లతో చాహల్​, 12 వికెట్లతో కుల్దీప్​ కూడా రాణిస్తున్నారు. మరోవైపు.. రాజస్థాన్​ రాయల్స్​ బౌలర్​ సందీప్​ శర్మ.. 4 మ్యాచ్​లలో 8 వికెట్లు తీసి అందరిని ఆకట్టుకున్నాడు. ఎస్​ఆర్​హెచ్​ బౌలర్​ నటరాజన్​ సైతం.. ఈ సీజన్​లో 11 వికెట్లు తీశాడు. మరీ ముఖ్యంగా.. డెత్​ ఓవర్స్​లో మంచి బౌలింగ్​ చేస్తున్నాడు.

ఇది కేవలం.. ఐపీఎల్​ 2024 ప్రదర్శన ఆధారంగానే అంచనా వేసిన టీమ్​. మరి వీరిలో ఎంతమంది టీ20 వరల్డ్​ కప్​ స్క్వాడ్​లో చోటు దక్కించుకుంటారో చూడాలి.

IPL_Entry_Point

సంబంధిత కథనం