CWG 2022 Cricket: చెలరేగిన హర్మన్ప్రీత్, షెఫాలీ.. టీమిండియా ఫైటింగ్ స్కోరు
CWG 2022 Cricket: కామన్వెల్త్ గేమ్స్లో భాగంగా ఆస్ట్రేలియాతో జరగుతున్న తొలి మ్యాచ్లో టాస్ గెలిచి బ్యాటింగ్ ఎంచుకున్న ఇండియన్ వుమెన్స్ టీమ్ ఫైటింగ్ స్కోరు సాధించింది. కెప్టెన్ హర్మన్ప్రీత్ కౌర్, ఓపెనర్ షెఫాలీ వర్మ చెలరేగారు.
బర్మింగ్హామ్: కామన్వెల్త్ గేమ్స్ గోల్డ్ మెడల్ ఫేవరెట్ ఆస్ట్రేలియాతో జరుగుతున్న మ్యాచ్లో ఇండియన్ టీమ్ 20 ఓవర్లలో 8 వికెట్లకు 154 రన్స్ చేసింది. మొదట్లో ధాటిగానే ఇన్నింగ్స్ ప్రారంభించినా.. మధ్యలో వరుసగా వికెట్లు కోల్పోవడంతో భారీ స్కోరు చేసే అవకాశం కోల్పోయింది. ఓపెనర్ షెఫాలీ వర్మ (48), కెప్టెన్ హర్మన్ప్రీత్ కౌర్ (52) చెలరేగడంతో ఇండియా ఆ మాత్రం స్కోరైనా సాధించింది.
కెప్టెన్ హర్మన్ప్రీత్ చివరి వరకూ క్రీజులో ఉండి హాఫ్ సెంచరీ సాధించింది. చివరి ఓవర్లో ఆమె ఔటైంది. హర్మన్ప్రీత్ 34 బాల్స్లోనే 8 ఫోర్లు, ఒక సిక్స్తో 52 రన్స్ చేసింది. మరోవైపు షెఫాలీ వర్మ 33 బాల్స్లో 9 ఫోర్లతో 48 రన్స్ చేసింది. మరో ఓపెనర్ స్మృతి మంధానా 17 బాల్స్లో 24 రన్స్ చేసి ఔటైంది. ఆస్ట్రేలియా బౌలర్లలో జెస్ జోనాసెన్ 4 వికెట్లు, మేగన్ షుట్ 2 వికెట్లు తీశారు.