Mahabubnagar IT Park : మహబూబ్నగర్లోని 'ఐటీ టవర్' రెడీ... ప్రత్యేకతలివే
- Mahabubnagar IT Park Updates: మహబూబ్నగర్ సమీపంలో దివిటిపల్లిలో ఐటీ టవర్ ప్రారంభోత్సవానికి సర్వం సిద్ధమైంది. మే 6వ తేదీన మంత్రి కేటీఆర్ ఈ ఐటీ టవర్ ను ప్రారంభించనున్నారు. ఇందుకు సంబంధించి ముఖ్య విషయాలు ఏంటో చూద్దాం…..
- Mahabubnagar IT Park Updates: మహబూబ్నగర్ సమీపంలో దివిటిపల్లిలో ఐటీ టవర్ ప్రారంభోత్సవానికి సర్వం సిద్ధమైంది. మే 6వ తేదీన మంత్రి కేటీఆర్ ఈ ఐటీ టవర్ ను ప్రారంభించనున్నారు. ఇందుకు సంబంధించి ముఖ్య విషయాలు ఏంటో చూద్దాం…..
(1 / 5)
ద్వితీయశ్రేణి నగరాల్లో సాఫ్ట్వేర్ సేవల విస్తరణ లక్ష్యంగా ముందుకు సాగుతోంది తెలంగాణ ప్రభుత్వం. ఇందులో భాగంగా మహబూబ్ నగర్ జిల్లాలోనూ ఐటీ సేవలను ప్రారంభించనున్నారు. ఫలితంగా ఉపాధికల్పనపై నిరుద్యోగులకు కొత్త ఆశలు చిగురిస్తున్నాయి. ఇప్పటికే ప్రభుత్వం… వరంగల్, కరీంనగర్, ఖమ్మం, సిద్ధిపేటలో ఈ తరహా ఐటీ టవర్ లను ప్రారంభించింది.
(2 / 5)
మహబూబ్నగర్ జిల్లా దివిటిపల్లి వద్ద 2018 జులై 7న ఈ ఐటీ టవర్ కు శంకుస్థాపన చేసింది ప్రభుత్వం. ఐటీ, మల్టీపర్పస్ ఇండస్ట్రీయల్ కారిడార్ పనులు దాదాపు పూర్తి అయ్యాయి. యువతకు ఉపాధి కల్పన కోసం 5 ఎకరాల్లో చేపట్టిన ఐటీ టవర్ నిర్మాణ పనులు పూర్తయ్యాయి. ఈ టవర్లో సంస్థల ఏర్పాటుకు అమెరికా, లండన్కు చెందిన సంస్థలు ముందుకొచ్చినట్లు ప్రభుత్వం ప్రకటించింది.
(3 / 5)
40 కోట్ల రూపాయలతో నాలుగు అంతస్థుల్లో ఈ ఐటీ టవర్ ను నిర్మించారు. 19 వేల 370 చదరపు అడుగుల విస్తీర్ణంలో ఏర్పాటు చేశారు. పారిశ్రామికవాడ పనులు పూర్తైతే 100కు పైగా ఐటీ పరిశ్రమలు వచ్చే అవకాశం ఉన్నట్లు అధికారుల అంచనా వేస్తున్నారు.
(4 / 5)
నాలుగేళ్ల పాటు స్థానికులకు ఏటా 10 వేల ఉద్యోగాల కల్పన లక్ష్యంగా ఐటీ రంగం అభివృద్ధికి ప్రభుత్వం ప్రణాళికలు రూపొందించింది. పరోక్షంగా మరో 10 వేల మందికి ఇక్కడ ఉపాధి లభించే అవకాశముందని అంచనా వేస్తోంది. ఈ టవర్ ప్రాంగణంలోనే ప్రత్యేకంగా నైపుణ్య శిక్షణాభివృద్ధి కేంద్రాన్ని ఏర్పాటు చేశారు.
(5 / 5)
తొలి ఏడాదిలో ఇక్కడ పరిశ్రమల ఏర్పాటుకు 18 సంస్థలు ముందుకొచ్చినప్పటికీ… ఇప్పటి వరకు ఏ కంపెనీ కార్యకలాపాలు ప్రారంభించలేదు. ఐటీ టవర్ అందుబాటులోకి రావడం వల్ల సాప్ట్వేర్ సంస్థలు కార్యకలాపాలు మొదలు పెట్టేందుకు మార్గం సుగమం అవుతుందని అధికారులు అంచనా వేస్తున్నారు. ఐటీ టవర్ ప్రారంభోత్సవం సందర్భంగా ఏర్పాటు చేయనున్న మంత్రి కేటీఆర్ ప్రసంగించనున్నారు. ఈ ఏర్పాట్లను మంత్రి శ్రీనివాస్ గౌడ్ దగ్గరుండి పర్యవేక్షిస్తున్నారు.
ఇతర గ్యాలరీలు