Lok Sabha Election 2024: ఓటర్ ఐడీ లేకపోయినా ఓటేయొచ్చు.. ఈ డాక్యుమెంట్స్ లో ఏది ఉన్నా చాలు, ఓటు వేయవచ్చు..

ఎన్నికల్లో ఓటు వేయడం 18 సంవత్సరాలు నిండిన భారతీయులందరి బాధ్యత. ఓటు వేయడానికి ఓటరు ఐడీ కార్డు లేకపోయినా పర్లేదు. కింద పేర్కొన్న ఏదైనా డాక్యుమెంట్ తీసుకువెళ్లి ఓటేయండి. 

ఆధార్ కార్డు ఓటు వేయడానికి గుర్తింపు కార్డుగా ఉపయోగపడుతుంది.

నేషనల్ పాపులేషన్ రిజిస్టర్ ప్రకారం రిజిస్ట్రార్ జనరల్ ఆఫ్ ఇండియా జారీ చేసిన స్మార్ట్ కార్డ్ కూడా ఓటు వేయడానికి గుర్తింపు కార్డుగా ఉపయోగపడుతుంది.

భారత ప్రభుత్వం జారీ చేసిన పాస్ పోర్ట్ కూడా ఓటు వేయడానికి గుర్తింపు కార్డుగా ఉపయోగపడుతుంది.

దివ్యాంగులకు జారీ చేసే యూనీక్ డిజెబిలిటీ ఐడీ కార్డు కూడా ఓటు వేయడానికి గుర్తింపు కార్డుగా ఉపయోగపడుతుంది.

చెలామణిలో ఉన్న డ్రైవింగ్ లైసెన్స్ కూడా ఓటు వేయడానికి గుర్తింపు కార్డుగా ఉపయోగపడుతుంది.

పాన్ కార్డు (PAN Card) ను కూడా ఓటరు గుర్తింపు కార్డుగా ఉపయోగించవచ్చు. 

కేంద్ర, రాష్ట్ర ప్రభుత్వాలు, ప్రభుత్వ రంగ సంస్థల ఉద్యోగుల ఐడీ కార్డులను కూడా ఓటరు గుర్తింపు కార్డుగా ఉపయోగించవచ్చు.

ఉపాధి హామీ పథకానికి సంబంధించి జాబ్ కార్డును కూడా ఓటు వేయడానికి గుర్తింపు కార్డుగా ఉపయోగించవచ్చు. అలాగే, కేంద్ర కార్మిక శాఖ జారీ చేసే హెల్త్ ఇన్సూరెన్స్ స్మార్ట్ కార్డును కూడా ఓటు వేసేందుకు గుర్తింపు కార్డుగా వాడవచ్చు. 

పెన్షన్ పొందుతున్నట్లు ధ్రువీకరించే పెన్షన్ డాక్యుమెంట్ తో కూడా ఓటు వేయవచ్చు. అయితే, ఆ డాక్యుమెంట్ పై మీ ఫొటో తప్పకుండా ఉండాలి.. 

బ్యాంక్ లు, పోస్ట్ ఆఫీస్ లు జారీ చేసే పాస్ బుక్ ను తీసుకువెళ్లి కూడా ఓటేసి రావచ్చు.అయితే, ఆ పాస్ బుక్ పై మీ ఫొటో కచ్చితంగా ఉండాలి.