Thurdsay remedies: గురువారం ఈ పనులు చేస్తే దరిద్రం ఇంట్లో తిష్ట వేసుకుంటుందట

గురువారం దేవగురు బృహస్పతికి అంకితం చేసే రోజు. ఈ రోజున విష్ణువును పూర్తి ఆచారాలతో పూజిస్తారు. ఇది జీవితంలో శ్రేయస్సు, ఆనందాన్ని తెస్తుందని నమ్ముతారు. ఈ రోజున ఉపవాసం ఉండడం, అరటిచెట్టుకు పూజ చేయడం, విష్ణుసహస్త్రాణం పారాయణం చేయడం వల్ల ఇంటికి ఐశ్వర్యం చేకూరుతుంది.

గురువారం నాడు శ్రీమహావిష్ణువును పూజిస్తే ఇంట్లో శాంతి, సంతోషాలు ఉంటాయి. ఈ రోజున చేసే కొన్ని చర్యలు చాలా ప్రయోజనకరంగా ఉంటాయి, అయితే గురువారం కొన్ని పనులు చేస్తే పేదరికం పెరుగుతుంది.

జ్యోతిష్య శాస్త్రం ప్రకారం గురువారం నాడు బట్టలు ఉతకకూడదు. ఈ రోజున సబ్బు వాడటం మంచిది కాదు. మత విశ్వాసాల ప్రకారం, గురువారం సబ్బును ఉపయోగించడం జాతకంలో గురు స్థానాన్ని బలహీన పరుస్తుంది. అందువల్ల సుఖం, ఐశ్వర్యం పోతాయి.

గురువారం డబ్బుకు సంబంధించి ఎటువంటి లావాదేవీలు చేయడం శుభప్రదంగా పరిగణించరు. అప్పులు ఇవ్వకూడదు, తీసుకోకూడదు. గురువారం రోజు ఎవరి నుండి రుణం తీసుకుంటే మీ అప్పులు మరింత పెరుగుతాయి. ఆర్థిక కష్టాలు తప్పవు. డబ్బుకు సంబంధించిన పనులు చేయకూడదు.

పురుషులు గురువారం నాడు జుట్టు, గడ్డం కత్తిరించకూడదు. ఇలా చేయడం వల్ల ఆయురారోగ్యాలు, సంపదలు తగ్గుతాయని నమ్ముతారు. ఈ రోజున పూజా సామాగ్రి, కత్తులు, కత్తెర వంటి పదునైన వస్తువులను కొనడం కూడా అమంగళంగా పరిగణిస్తారు.

గురువారం నాడు గోర్లు కత్తిరించడం కూడా మంచిది కాదు. నమ్మకం ప్రకారం అలా చేయడం వల్ల డబ్బు నష్టం, కుటుంబ సభ్యుల పురోగతిని నిలిపివేస్తుంది. ఈ రోజు జుట్టు కడగడం వల్ల కుండలిలోని గురు భగవాన్ బలహీనపడతారు.