Alibaba to sell Zomato shares: జొమాటో షేర్లను అమ్మేస్తున్న ‘అలీబాబా’

Alibaba to sell Zomato shares: అలీపే సింగపూర్ ప్రైవేట్ లిమిటెడ్ ద్వారా జొమాటో లోని 262.9 మిలియన్ షేర్లను అమ్మాలని అలీబాబా సంస్థ నిర్ణయించుకుంది. ఇది జొమాటోలోని 3.07 శాతానికి సమానం.

Alibaba to sell Zomato shares: 193 మిలియన్ డాలర్లు

జొమాటో లోని తన వాటాలో సుమారు 193 మిలియన్ డాలర్ల విలువైన షేర్లను అలీబాబా అమ్మనుంది. ఇన్ స్టిట్యూషనల్ ఇన్వెస్టర్లకు బ్లాక్ ట్రేడ్ ద్వారా ఈ షేర్లను విక్రయించాలని భావిస్తోంది. ఒక్కొక్క షేరును రూ. 60 ధరను డీల్ ప్రైస్ గా నిర్ణయించింది. ఇది మంగళవారం ట్రేడ్ లో క్లోజింగ్ ప్రైజ్ కన్నా 5.59% తక్కువ. ఈ డీల్ ద్వారా రూ. 1580 కోట్లను పొందాలని అలీబాబా భావిస్తోంది. ఈ షేర్లను అమ్మిన తరువాత కూడా జొమాటోలో అలీబాబాకు దాదాపు 10% వరకు వాటా ఉంటుంది.

Alibaba to sell Zomato shares: ఉబర్ కూడా..

ఈ బ్లాక్ డీల్ కు మోర్గాన్ స్టాన్లీ ఏకైక బ్రోకర్ గా వ్యవహరిస్తోంది. నవంబర్ 30న ఈ డీల్ ముగియనుంది. కాగా, జొమాటో నుంచి ఉబర్, టైగర్ గ్లోబల్ సంస్థలు తమ వాటాను ఇప్పటికే విక్రయించాయి. ఉబర్ ఈ ఆగస్ట్ లో జొమాటోలో ఉన్న తమ మొత్తం 7.8% వాటాను అమ్మేసింది. ఈ డీల్ తో ఉబర్ రూ. 3,088 కోట్లు పొందింది. పేటీఎం, నైకా, పాలసీ బజార్ వంటి సంస్థల నుంచి కూడా ఇలా బ్లాక్ డీల్స్ ద్వారా మేజర్ షేర్ హోల్డర్లు వైదొలగుతున్నారు.