Auto sales in October : కలిసి వచ్చిన పండుగ సీజన్​.. దూసుకెళ్లిన 'ఆటో' సేల్స్​!

Auto sales in October 2022 : దేశంలో ఆటో రంగానికి పునర్​వైభవం వచ్చినట్టు కనిపిస్తోంది. కొవిడ్​తో డీలా పడిన ఆటో సెక్టార్​కు పండుగ సీజన్​ కలిసివచ్చింది! అక్టోబర్​ నెలలో రీటైల్​ ఆటో సేల్స్​ 28శాతం పెరిగినట్టు ఫాడా(ఫెడరేషన్​ ఆఫ్​ ఆటోమొబైల్​ డీలర్స్​ అసొసియేషన్స్​) సోమవారం వెల్లడించింది.

పండుగ సీజన్​తో జోష్​..

2 వీలర్​, 3 వీలర్​, ప్యాసింజర్​ కార్స్​, ట్రాక్టర్స్​, కమర్షియల్​ వెహికిల్స్​.. ఇలా అన్ని సెగ్మెంట్లల సేల్స్​ విషయంలో గత నెలతో పోల్చుకుంటే.. అక్టోబర్​లో సాధారణం కన్నా ఎక్కువ వృద్ధి నమోదైంది. 2 వీలర్​ సెగ్మెంట్ సేల్స్​​ 26శాతం, 3 వీలర్​ సెగ్మెంట్​లో 66శాతం, ప్యాసింజర్​ కార్స్​ విభాగంలో 28శాతం, ​ ట్రాక్టర్స్​ సెగ్మెంట్​లో 33శాతం, కమర్షియల్​ వాహనాల విభాగంలో 28శాతం వృద్ధి కనిపించింది.

అక్టోబర్​లో.. సేల్స్​తో పాటు యాన్యువల్​ గ్రోత్​ కూడా ఈ ఏడాది పెరిగింది. గతేడాది ఇదే సమయంతో పోల్చుకుంటే.. మొత్తం వాహనాల రీటైల్​.. 48శాతం పెరగడం విశేషం.

Festival season Auto sales : "2022 అక్టోబర్​లో ఆటో రీటైల్​ 48శాతం పెరిగింది. పండుగ సీజన్​ కారణంతో ప్రజల్లో ఉన్న సెంటిమెంట్​ కలిసి వచ్చింది," అని ఫాడా అధ్యక్షుడు మనీష్​ రాజ్​ తెలిపారు.

కొవిడ్​ సంక్షోభం నుంచి ఆటో రంగం బయటపడుతున్నట్టు మనీష్​ రాజ్​ తెలిపారు. సమయానికి తగ్గట్టు కరోనా ఆంక్షలు కూడా తొలగిపోతుండటం కలిసి వచ్చిందని, అందకు తోడు పండుగ సీజన్​ కూడా రావడంతో నూతన ఉత్సాహం లభించిందని స్పష్టం చేశారు. 2019 అక్టోబర్​ తర్వాత ఈ స్థాయిలో టోటల్​ వెహికిల్​ రీటైల్స్​​ వృద్ధిచెందడం ఇదే తొలిసారి అని అన్నారు.

గ్రామీణ భారతంలో డిమాండ్​..

ఇంతకాలం గ్రామీణ భారతంలో సేల్స్​ సరిగ్గా సాగకపోవడం ఆటో రంగాన్ని ఇబ్బంది పెట్టింది. కానీ ఇక్కడ కూడా సెంటిమెంట్​ మారుతోందన్న సంకేతాలు వస్తున్నాయి. గ్రామీణ ప్రాంతాల్లోనూ సేల్స్​ పుంజుకుంటున్నట్టు కనిపిస్తోంది. కొత్త కొత్త వాహనాల లాంచ్​లు, కస్టమర్లను ఆకర్షించే విధంగా స్కీమ్​లను రూపొందించడంతో డిమాండ్​ పెరుగుతోంది.

Tata Motors sales in October : త్రీ వీలర్​ సెగ్మెంట్​లో 66శాతం(ఇయర్​ ఆన్​ ఇయర్​) వృద్ధి నమోదైంది. కానీ 2019తో పోల్చుకుంటే.. ఇది 0.6శాతం తక్కువ.

ఆటో రీటైల్​లో వృద్ధి నమోదుకావాలంటే.. మరో 3-4 నెలల వరకు టూ వీలర్​ సెగ్మెంట్​ మెరుగైన ప్రదర్శన చేయాల్సి ఉంటుంది. అయితే.. మౌలిక వసతులు, క్యాపెక్స్​లో ఎప్పటికప్పుడు అభివృద్ధి కనిపిస్తుండటంతో.. కమర్షియల్​ వాహనాల కొనుగోళ్ల జోరు కొనసాగుతుందని మార్కెట్​ భావిస్తోంది.

అయితే.. కంబషన్​ ఇంజిన్​ నుంచి ప్రజలు నిధానంగా ఎలక్ట్రిక్​ వాహనాలవైపు మొగ్గుచూపుతున్నట్టు ఫాడా నివేదికను గమనిస్తే తెలుస్తోంది.