Best smartphones for 2023 : న్యూ ఇయర్కి గిఫ్ట్ ప్లాన్ చేస్తున్నారా? ఈ స్మార్ట్ఫోన్స్ ఇవ్వండి!
Best smartphone For 2023 : న్యూ ఇయర్కి.. మీకు ఇష్టమైన వారికి గిఫ్ట్ ఇద్దామని ప్లాన్ చేస్తున్నారా? అయితే ఓసారి ఈ స్మార్ట్ఫోన్ లిస్ట్ చూడండి..
Smartphones as New Year gifts : ఇంకొన్ని రోజుల్లో 2022 ముగుస్తుంది. దేశంలో ఇప్పటికే న్యూ ఇయర్ వైబ్స్ మొదలైపోయాయి. ట్రావెలింగ్, షాపింగ్తో ప్రజలు బిజీబిజీగా గడపుతున్నారు. ఇంకొందరు.. తమకు ఇష్టమైన వారికి తీపి జ్ఞాపకంగా గిఫ్ట్లు కొనాలని భావిస్తున్నారు. వీరిలో మీరూ ఉన్నారా? ఈ న్యూ ఇయర్కి.. మీకు నచ్చిన వారికి స్మార్ట్ఫోన్ను గిఫ్ట్గా ఇస్తే బాగుంటుందని అనుకుంటున్నారా? అయితే.. మీకోసమే ఈ లిస్ట్..
ఐఫోన్ 14 ప్రో:-
iPhone 14 Pro : ఐఫోన్ 14 ప్రో కన్నా బెస్ట్ గిఫ్ట్ ఇంకేదైనా ఉంటుందా? ప్రీమియం స్మార్ట్ఫోన్ను మీరు గిఫ్ట్గా ఇద్దామని అనుకుంటుంటే.. ఇదే ది బెస్ట్! ప్రస్తుతం ఐఫోన్ 14 ప్రో ధర రూ. 1,29,900గా ఉంది. ఇది గిఫ్ట్గా ఇస్తే.. ఎవరైనా సరే మీ ప్రేమను అర్థం చేసుకోవాల్సిందే.
ఐఫోన్ 13:-
iPhone 13 price :'ఐఫోన్ 14 ప్రో ధర ఎక్కువగా ఉంది, తక్కువలో ప్రీమియం స్మార్ట్ఫోన్ ఉంటే బాగుంటుంది,' అని భావిస్తున్నారా? అయితే ఐఫోన్ 13 మీకోసమే ఎదురుచూస్తోంది. ఫ్లిప్కార్ట్లో దీని ధర రూ. 65,999గా ఉంది. ఆఫర్లు, ఎక్స్ఛేంజ్లతో ధర మరింత తగ్గే అవకాశం ఉంది.
శాంసంగ్ గ్యాలెక్సీ ఎస్22- అల్ట్రా:-
Samsung Galaxy S22 Ultra : ఫ్లిప్కార్ట్లో ఇయర్ ఎండ్ సేల్ నడుస్తోంది. పలు ప్రీమియం సెగ్మెంట్ స్మార్ట్ఫోన్స్పై మంచి డీల్స్ లభిస్తున్నాయి. శాంసంగ్ గ్యాలెక్సీ ఎస్ 22 అల్ట్రా.. ఈ వరుసలో ముందుంటుంది. దీని లాంచ్ ప్రైజ్ రూ. 1,09,999 కాగా.. ఇప్పుడు ఇది రూ. 99,888కే లభిస్తోంది. బ్యాంక్ ఆఫర్స్తో ధర మరింత తగ్గుతుంది.
శాంసంగ్ గ్యాలెక్సీ ఎస్22 లాంచ్ ప్రైజ్ రూ. 72,999గా ఉంది. కానీ ఫ్లిప్కార్ట్ ఇయర్ ఎండ్ సేల్లో ఇది కేవలం రూ. 52,900కే లభిస్తుండటం విశేషం.
గూగుల్ పిక్సెల్ 7:-
Google Pixel 7 offers : గూగుల్ పిక్సెల్ 7 8జీబీ ర్యామ్, 128జీబీ స్టోరేజ్ వేరియంట్ ధర రూ. 59,999గా ఉంది. ఫెడరల్ బ్యాంక్ క్రెడిట్ కార్డ్పై రూ. 3000 ఆఫర్ లభిస్తోంది. ఎక్స్ఛేంజ్ ఆఫర్ కింద రూ. 20,500 కూడా తగ్గుతుంది. మంచి డీల్ కదూ..!
నథింగ్ ఫోన్ 1:-
నథింగ్ ఫోన్ 1 ప్రస్తుత ధర రూ. 27,499గా ఉంది. న్యూ ఇయర్కి ఈ స్మార్ట్ఫోన్ కొనడం మంచి నిర్ణయం అవుతుంది!
అయితే.. కొన్ని స్మార్ట్ఫోన్ సంస్థలు 2023ని గ్రాండ్గా ప్రారంభించేందుకు ఏర్పాట్లు చేసుకుంటున్నాయి. ఈ క్రమంలోనే జనవరి నుంచి పలు మోడల్స్ లాంచ్ అవ్వనున్నాయి. ఇప్పుడు కాకపోతే.. అప్పుడైనా మీరు న్యూ ఇయర్ గిఫ్ట్ను ప్లాన్ చేసుకోవచ్చు!
సంబంధిత కథనం