తెలంగాణ అసెంబ్లీ కాలపరిమితి 2024 జనవరిలో పూర్తవుతుంది. ఎన్నికలు డిసెంబరు మొదటి వారంలో ఉంటాయని అంచనా. షెడ్యూలు అక్టోబరు చివరిలో లేదా నవంబరు మొదటి వారంలో వెలువడే అవకాశం ఉంది.

తెలంగాణ, మధ్యప్రదేశ్​, మిజోరం, రాజస్థాన్​, ఛత్తీస్​గఢ్​లో రానున్న నెలల్లో ఎన్నికలు జరగనున్నాయి. వీటిల్లో మిజోరం అసెంబ్లీ గడువు డిసెంబర్​లో ముగియనుంది. మిగిలిన రాష్ట్రాల అసెంబ్లీ గడువు 2024 జనవరిలో ముగుస్తుంది. ఈ నేపథ్యంలో అక్టోబర్​ చివరి వారం లేదా నవంబర్​ మొదటి వారంలో ఎన్నికల షెడ్యూల్​ బయటకి వచ్చే సూచనలు కనిపిస్తున్నాయి.

లోక్​సభ, అసెంబ్లీ ఎన్నికలు కలిపి నిర్వహించవచ్చు. ఈసారి జమిలి ఎన్నికలపై చర్చలు జరుగుతున్నాయి. ఈ వ్యవహారంపై కేంద్రం ఓ కమిటీని కూడా వేసింది. కానీ కమిటీ.. ఇంకా నివేదికను రూపొందించలేదు.

ఈ ప్రశ్నకు దేశంలోని ఓటర్లే సమాధానం చెప్పాలి. ఇప్పటికైతే.. బీజేపీ నేతృత్వంలోని ఎన్​డీఏ బలంగా కనిపిస్తోంది. కానీ విపక్షానికి చెందిన 'ఇండియా' కూడా పుంజుకుంటోంది. బీజేపీ ఓటమే లక్ష్యంగా పావులు కదుపుతోంది.

లోక్​సభ ఎన్నికలు వచ్చే ఏడాది ఏప్రిల్​- మే మధ్యలో జరగొచ్చు. దానిని ఫైనల్​గా భావిస్తే.. అంతకన్నా ముందు జరిగే అసెంబ్లీ ఎన్నికలన్నింటినీ సెమీ-ఫైనల్​గా పరిగణించవచ్చు. ఈసారి తెలంగాణపై పట్టు సాధించాలని బీజేపీ, కాంగ్రెస్​లు కృషిచేస్తున్నాయి. అందుకే తెలంగాణ ఎన్నికలు కూడా హాట్​ టాపిక్​గా మారాయి.