హై బ్లడ్ ప్రెజర్ (హైబీపీ) ఉంటే ఆరోగ్యంపై తీవ్ర ప్రభావం పడుతుంది. అందుకే బీపీ అదుపులో ఉండేలా పెరగకుండా జాగ్రత్తలు పాటించాలి. అందుకే హైబీపీ ఉన్న వారు ఫుడ్ విషయంలో మరింత జాగ్రత్తగా ఉండాలి.
Photo: Pexels
కొన్ని రకాల ఆహారాలు తినడం వల్ల బీపీ పెరిగిపోతుంది. అలాంటి వాటికి దూరంగా ఉండాలి. అలా హైబీపీ ఉన్న వారు తీసుకోకూడని ఐదు రకాల ఫుడ్స్ ఏవంటే..
Photo: Pexels
మటన్, బీఫ్ లాంటి రెడ్ మీట్‍ను హైబీపీ ఉన్న వారు ఎక్కువగా తినకూడదు. వీటిని తీసుకుంటే కొలెస్ట్రాల్ శరీరంలో ఎక్కువవుతుంది. బీపీ పెరగటంతో పాటు గుండెకు చేటు జరిగే రిస్క్ ఉంటుంది.
Photo: Pexels
హైబీపీ ఉన్న వారు పచ్చళ్లను ఎక్కువగా తినకూడదు. పచ్చళ్లు నిల్వ ఉండేందుకు ఉప్పును అధికంగా వాడతారు. దీంతో ఇవి తింటే శరీరంలో సోడియం పెరిగి.. బీపీ కూడా అధికమవుతుంది.
Photo: Pexels
అలాగే ఉప్పు అధికంగా ఉండే ఆహారాలు ఎక్కువగా తీసుకోకూడదు. కావాల్సిన దాని కంటే తక్కువగా ఉప్పు వాడాలి. ఉప్పు బ్లడ్ ప్రెజర్‌ను పెంచేస్తుంది. అందుకే సాల్టీ ఫుడ్స్ తినకూడదు.
Photo: Pexels
తీపి పదార్థాలు, ప్రాసెస్డ్ ఫుడ్స్, ఫ్రై చేసిన ఫుడ్స్ కూడా హైబీపీ ఉన్న వారు ఎక్కువగా తీసుకోకూడదు. వీటిలో బ్లడ్ ప్రెజర్‌ను పెంచగల కారకాలు ఉంటాయి. వీటివల్ల కొవ్వు పెరిగే అవకాశాలు కూడా ఉంటాయి.
Photo: Pexels
హైబీపీ ఉన్న వారు ఆల్కహాల్ అసలు తీసుకోకూడదు. దీనివల్ల శరీరంలో బ్లడ్ ప్రెజర్ అమాంతం పెరిగే రిస్క్ ఉంటుంది. అందుకే ఆల్కహాల్ అలవాటు ఉంటే మానేసేయాలి.