జుట్టు మెరుపును, దృఢత్వాన్ని పెంచగలిగే ఐదు రకాల ఫుడ్స్ ఇవి

Photo: Pexels

జుట్టు ఆరోగ్యంలో మనం తినే ఆహారం చాలా కీలకంగా ఉంటుంది. జుట్టు మెరుపు ఎక్కువగా, దృఢంగా ఉండేందుకు కొన్ని ఫుడ్స్ తోడ్పడతాయి. అందుకు తోడ్పడే ఐదు రకాల ఆహారాలు ఏవో ఇక్కడ చూడండి.

Photo: Pexels

కోడిగుడ్లలో బయోటిన్, ప్రొటీన్స్ ఎక్కువగా ఉంటాయి. జుట్టులో తేమను కాపాడి మెరుపు ఉండేలా గుడ్లు చేయగలవు. వెంట్రుకలు ఒత్తుగా, బలంగా ఉండేందుకు సహకరిస్తాయి.

Photo: Pexels

బాదం, ఆక్రోటు లాంటి నట్స్‌లో ఒమేగా-3 ఫ్యాటీ యాసిడ్స్, ప్రొటీన్, మెగ్నిషియం, విటమిన్-ఈ, ఫైబర్ లాంటి పోషకాలు ఉంటాయి. ఇవి జుట్టు రాలడాన్ని తగ్గిస్తాయి. వెంట్రుకల దృఢత్వాన్ని మెరుగుపరుస్తాయి. 

Photo: Pexels

ఉసిరికాయల్లో యాంటీఆక్సిడెంట్లు, యాంటీ ఇన్‍ఫ్లమేటరీ గుణాలు మెండుగా ఉంటాయి. ఇవి తింటే జుట్టు పొడిబారడం తగ్గుతుంది. డాన్‍డ్రఫ్, చిక్కులు కూడా తగ్గేందుకు ఉసిరి తోడ్పడుతుంది. 

Photo: Pexels

పాలకూరలో విటమిన్ సీ, ఏ, ఫోలెట్, ఐరన్ ఎక్కువగా ఉంటాయి. ఇవి జుట్టులో తేమను కాపాడుతాయి. జట్టు రాలడాన్ని కూడా పాలకూర తగ్గించగలదు. 

Photo: Pexels

అవిసె గింజలు, చియా విత్తనాల్లో విటమిన్  బీ6, ఒమేగా-3 ఫ్యాటీ యాసిడ్స్, ప్రొటీన్, జింక్, ఐరన్ మెండుగా ఉంటాయి. ఈ విత్తనాలు ఆహారంలో తీసుకోవడం వల్ల జుట్టు పెరుగుదలకు తోడ్పడతాయి. 

Photo: Pexels

బరువు తగ్గాలనుకుంటే డైట్‍లో ఈ వెజిటేరియన్ ఫుడ్స్ తీసుకోండి!

Photo: Pexels