డయాబెటిస్ ఉన్న వారు ఆహారం విషయంలో చాలా జాగ్రత్తలు పాటించాలి. బ్లడ్ షుగర్ పెరగకుండా డైట్ పాటించాలి. పండ్లలో విషయంలోనూ కొన్ని సూచనలు ఫాలో కావాలి. గ్లెసెమిక్ ఇండెక్స్ తక్కువగా ఉన్న పండ్లను తీసుకోవాలి.
Photo: Pexels
అందుకే డయాబెటిస్ ఉన్న వారు దానిమ్మ పండ్లను తినొచ్చా అనే డౌట్ ఉంటుంది. నేచురల్ షుగర్ ఉండటంతో పండ్ల విషయంలో ఈ సందేహాలు వస్తుంటాయి. మధుమేహం ఉన్న వారు దానిమ్మ తీసుకోవచ్చా అనేది ఇక్కడ తెలుసుకోండి.
Photo: Pixabay
దానిమ్మ పండులో గ్లెసెమిక్ ఇండెక్స్ చాలా తక్కువగా ఉంటుంది. అందుకే డయాబెటిస్ ఉన్న వారు ఈ పండును తినొచ్చు.
Photo: Pexels
నేచురల్ షుగర్ తక్కువగా ఉండే పండ్లలో దానిమ్మ కూడా ఒకటి. అందుకే ఇది తిన్నా శరీరంలో గ్లూకోజ్ లెవెల్స్ అమాంతం పెరగవు. దీంతో డయాబెటిస్ ఉన్న వారికి ఈ పండు సూటవుతుంది.
Photo: Pexels
దానిమ్మలో ఫోలిఫెనాల్స్ సహా మరిన్ని యాంటీఆక్సిడెంట్లు, కీలకమైన పోషకాలు ఉంటాయి. ఈ పండు రెగ్యులర్గా తింటే గుండె ఆరోగ్యానికి మేలు జరుగుతుంది. బ్లడ్ షుగర్ లెవెల్స్ అదుపులో ఉండేందుకు కూడా తోడ్పడుతుంది.
Photo: Pexels
డయాబెటిస్ ఉన్న వారు దానిమ్మను మోస్తరుగానే తినాలి. మరీ అతిగా తినకూడదు. ఎక్కువగా తింటే ఇందులో తక్కువగా ఉండే నేచురల్ షుగర్ కూడా ప్రతికూలంగా మారుతుంది. అందుకే ఓ మోతుదు మేర తినాలి.
Photo: Pexels
డయాబెటిస్ ఉన్న వారు దానిమ్మను జ్యూస్ కంటే పండులాగే తినాలి. జ్యూస్ చేస్తే ఫైబర్ తగ్గి షుగర్ కంటెంట్ పెరిగే అవకాశం ఉంటుంది. అందుకే దానిమ్మ గింజలను నేరుగా తినడం మంచిది.