Minister KTR: ఓ పౌరుడిలా నా బాధ్యతను నిర్వర్తించా

<ul><li>తెలంగాణ అసెంబ్లీ ఎన్నికల పోలింగ్‌ ప్రశాంతంగా కొనసాగుతోంది. మొత్తం 119 అసెంబ్లీ నియోజకవర్గాలకు ఇవాళే ఎన్నికల పోలింగ్ జరుగుతోంది. ఈ ఉదయం 7 గంటలకు మొదలైంది. ప్రజలు, సినీ రాజకీయ ప్రముఖులు ఓటు వేసేందుకు ఆయా పోలింగ్‌ కేంద్రాల వద్ద బారులు తీరారు. భారత రాష్ట్ర సమితి వర్కింగ్‌ ప్రెసిడెంట్‌, మంత్రి కేటీఆర్‌ తన ఓటు హక్కు వినియోగించుకున్నారు. బంజారాహిల్స్‌ నందినగర్‌ లో గల ఓ పోలింగ్‌ బూత్‌లో భార్యతో కలిసి ఓటు వేశారు.</li></ul>

Telangana Elections 2023 | కుటుంబ సమేతంగా ఓటు వేసిన రాజకీయ నాయకులు

<ul><li>తెలంగాణలో అసెంబ్లీ ఎన్నికలకు ఓటింగ్ ప్రక్రియ కొనసాగుతోంది. ఆయా నియోజకవర్గాల్లో ప్రముఖ రాజకీయ నాయకులు తమ ఓటు హక్కును కుటుంబ సమేతంగా కలిసి ఉపయోగించుకున్నారు. ఓటు హక్కు వినియోగంచుకున్న వారిలో TPCC అధ్యక్షుడు రేవంత్ రెడ్డి, కేంద్రమంత్రి కిషన్ రెడ్డి, ఎమ్మెల్సీ కవిత, కాంగ్రెస్ నాయకుడు అజారుద్దీన్ ఉన్నారు. మరింత మంది నాయకులు ఇప్పటికే పోలింగ్ కేంద్రాలకు చేరుకొని ఓటు హక్కును వినియోగించుకునేందుకు సిద్ధంగా ఉన్నారు. అధికార బీఆర్ఎస్ సహా కాంగ్రెస్, బీజేపీలు గెలుపుపై ధీమా వ్యక్తం చేస్తున్నారు. ఉదయం 7 గంటలకు ప్రారంభమైన ఈ పోలింగ్ సాయంకాలం 5 గంటల వరకు ఉంటుంది. సమస్యాత్మక ప్రాంతాల్లో 4 గంటల వరకే పోలింగ్ జరగనుంది.</li></ul>

TS Assembly Elections | ఎన్నికల వేళ తెలంగాణలోని మావోయిస్టు ప్రభావిత ప్రాంతాల్లో భారీ భద్రత

<ul><li>తెలంగాణ రాష్ట్ర వ్యాప్తంగా అసెంబ్లీ ఎన్నికల పోలింగ్‌ మొదలైంది. ఉదయం 7 గంటలకు పోలింగ్‌ కేంద్రాల్లో ఎన్నికల సిబ్బంది పోలింగ్‌ను ప్రారంభించారు. పలుచోట్ల ఈవీఎంలు మొరాయించినట్లు తెలిసింది. రాష్ట్రంలోని మెుత్తం 119 నియోజకవర్గాలకు ఎన్నికలు జరగుతున్నాయి. సమస్యాత్మక ప్రాంతాల్లో 4 గంటల వరకే పోలింగ్‌ కొనసాగనున్నది. సిర్పూర్‌, చెన్నూర్‌, బెల్లంపల్లి, మంచిర్యాల, ఆసిఫాబాద్‌, మంథని, భూపాలపల్లి, ములుగు, పినపాక, ఇల్లందులో సాయంత్రం 4 గంటల వరకే పోలింగ్‌ కొనసాగుతుందని ఈసీ తెలిపింది. ఈ ఎన్నికల్లో 2,290 మంది అభ్యర్థులు బరిలో నిలిచారు. ఎన్నికల్లో 221 మంది మహిళా అభ్యర్థులు ఉన్నారు. 3,26,18,205 మంది ఓటర్లు వారి భవితవ్యాన్ని నిర్ణయించనున్నారు.</li></ul>

Telangana Assembly Elections 2023 | ఓటు హక్కు వినియోగించుకున్న మెగా ఫ్యామిలీ

<ul><li>తెలంగాణ రాష్ట్రవ్యాప్తంగా అసెంబ్లీ ఎన్నికల పోలింగ్ కొనసాగుతోంది. 18 ఏళ్లు నిండిన అందరూ తమ ఓటు హక్కుని ఉపయోగించుకుంటున్నారు. టాలీవుడ్ ప్రముఖలు సైతం తెల్లవారుజామునే పోలింగ్ కేంద్రాలకు వచ్చి తమ ఓటు వేశారు. ఓటు వేసిన వారిలో మెగాస్టార్ చిరంజీవి, ఎన్టీఆర్, అల్లు అర్జున్, కీరవాణి, సుమంత్ ఉన్నారు. ప్రతి ఒక్కరు పోలింగ్ కేంద్రాలకు చేరుకొని తమ ఓటు హక్కుని ఉపయోగించుకోవాలని కోరారు. ఓటు హక్కు ఉపయోగిస్తేనే మంచి నాయకుడు వస్తారని డైరెక్టర్ తేజ అన్నారు. ఓటు వేయకుండా మాట్లాడే వారు, మెుదట ఓటు హక్కు వినియోగించుకోవాలని సూచించారు.</li></ul>

Election 2023 Live: మిజోరాంలో 40, ఛత్తీస్‌గఢ్‌లో 20 స్థానాలకు పోలింగ్ ప్రారంభం

<ul><li>మిజోరాం, ఛత్తీస్‌గఢ్‌లలో అసెంబ్లీ ఎన్నికలకు పోలింగ్ ప్రారంభమైంది. మిజోరాంలో మెుత్తం స్థానాలకు ఇవాళే పోలింగ్ నిర్వహిస్తుండగా, సమస్యాత్మక ప్రాంతమైన ఛత్తీస్‌గఢ్‌లో మాత్రం తొలి విడతలో 20 స్థానాలకు పోలింగ్ జరుగుతోంది. ఉదయాన్నే ఓటు వేసేందుకు ప్రజలు పోలింగ్ స్టేషన్లకు వచ్చారు. భన్‌పురి అసెంబ్లీ నియోజకవర్గం ఎన్నికల్లో ఓటు వేసేందుకు ఓటర్లు పోలింగ్ కేంద్రం వెలుపల క్యూలో నిల్చొని ఉన్నారు. ఉదయాన్ని పోలింగ్ స్టేషన్ కు వచ్చిన మిజోరాం ముఖ్యమంత్రి జోరంథాంగా తన ఓటు హక్కును వినియోగించుకున్నారు. ఇక ఛత్తీస్‌గఢ్‌లోని 20 సీట్లలో చాలా వరకు నక్సల్స్ ప్రభావిత బస్తర్ డివిజన్‌లోనే ఉన్నాయి. మొత్తం 20 సీట్లలో 12 స్థానాలు షెడ్యూల్డ్ తెగలకు, ఒకటి షెడ్యూల్డ్ కులాల కేటగిరీకి రిజర్వ్ చేశారు. ఉదయం 8 గంటల నుంచి సాయంత్రం 5 గంటల వరకు పోలింగ్ జరగనుంది. మిజోరాంలో ఉదయం 7 గంటల నుంచి సాయంత్రం 4 గంటల వరకు పోలింగ్ జరగనుంది.</li></ul>

Latest Videos

Minister KTR: ఓ పౌరుడిలా నా బాధ్యతను నిర్వర్తించా

Coverage