సీఎం కేసీఆర్‌కు వెల్లువెత్తిన జన్మదిన శుభాకాంక్షలు, ఎవరెవరు ఏం అన్నారంటే..!-wishes pour in for telangana cm kcr on his 68th birthday ,తెలంగాణ న్యూస్
తెలుగు న్యూస్  /  Telangana  /  Wishes Pour In For Telangana Cm Kcr On His 68th Birthday

సీఎం కేసీఆర్‌కు వెల్లువెత్తిన జన్మదిన శుభాకాంక్షలు, ఎవరెవరు ఏం అన్నారంటే..!

HT Telugu Desk HT Telugu
Feb 17, 2022 08:42 PM IST

గురువారం తెలంగాణ ముఖ్యమంత్రి కె.చంద్రశేఖర్ రావు 68వ పుట్టినరోజును పురస్కరించుకొని ఆయనకు శుభాకాంక్షలు వెల్లువెత్తాయి. రాష్ట్రపతి రామ్‌నాథ్‌ కోవింద్‌, ప్రధాని నరేంద్ర మోదీ స్వయంగా ఫోన్ చేసి సీఎం కేసీఆర్ కు శుభాకాంక్షలు తెలిపారు.

TS CM KCR (File Photo)
TS CM KCR (File Photo) (Stock Photo)

Hyderabad, February 17 |  గురువారం తెలంగాణ ముఖ్యమంత్రి కె.చంద్రశేఖర్ రావు 68వ పుట్టినరోజును పురస్కరించుకొని శుభాకాంక్షలు వెల్లువెత్తాయి. రాష్ట్రపతి, ప్రధాని, ఉప ప్రధాని మొదలుకొని, సుప్రీంకోర్టు చీఫ్ జస్టిస్, పలు రాష్ట్రాల ముఖ్యమంత్రులు, గవర్నర్లు, సినీ ప్రముఖులు తదితరులు ఆయనకు ఫోన్ల ద్వారా, ఉత్తరాల ద్వారా, సామాజిక మాధ్యమాల ద్వారా జన్మదిన శుభాకాంక్షలు తెలియజేశారు.

ట్రెండింగ్ వార్తలు

నాలుగు కోట్ల తెలంగాణ ప్రజల దశాబ్దాల స్వరాష్ట్ర కలను సాకారం చేసిన ఉద్యమకారుడు కేసీఆర్ అని, అభివృద్ధి, సంక్షేమంలో రాష్ట్రాన్ని దేశంలోనే ఆదర్శంగా నిలిపిన పరిపాలనాదక్షుడని వారు కొనియాడారు.

తెలంగాణ రాష్ట్రాన్ని ప్రగతి పథంలో నడిపిస్తున్న సీఎం కేసీఆర్ సేవలు మున్ముందు దేశానికీ ఎంతో అవసరమని తమ అభిప్రాయాలను, ఆకాంక్షలను వ్యక్తం చేశారు.

సీఎం కేసీఆర్ జన్మదినం సందర్బంగా ప్రముఖులు ఇలా స్పందించారు

  • రాష్ట్రపతి రామ్‌నాథ్‌ కోవింద్‌ సీఎం కేసీఆర్‌కు ఫోన్‌లో జన్మదిన శుభాకాంక్షలు తెలిపారు.
  • ప్రధాని నరేంద్ర మోదీ స్వయంగా ఫోన్ చేసి సీఎం కేసీఆర్ కు జన్మదిన శుభాకాంక్షలు తెలిపారు. అలాగే ట్విట్టర్ ద్వారా.. ‘తెలంగాణ ముఖ్యమంత్రి కేసీఆర్‌కు జన్మదిన శుభాకాంక్షలు. చిరకాలం ఆయురారోగ్యాలతో ఉండాలని ప్రార్ధిస్తున్నాను’ అని ప్రధాని మోదీ ట్వీట్ చేశారు.
  • ఉపరాష్ట్రపతి ఎం.వెంకయ్య నాయుడు లేఖ ద్వారా సీఎం కేసీఆర్ కు పుట్టినరోజు శుభాకాంక్షలు తెలియజేశారు. ‘భగవంతుడు మీకు దీర్ఘాయువు, మంచి ఆరోగ్యం ఇవ్వాలని ప్రార్థిస్తున్నాను. సమాజ హితం కోసం మీరు చేపట్టే కార్యక్రమాల ద్వారా మీ జీవితం కీర్తిమయం, సార్ధకం కావాలని ఆకాంక్షిస్తున్నాను. ముఖ్యంగా తెలుగు భాష, సంస్కృతుల పరిరక్షణ కోసం తెలంగాణ రాష్ట్ర ముఖ్యమంత్రిగా మీరు చేపడుతున్న కార్యక్రమాలు అభినందనీయమైనవి. ప్రజాసేవకు అంకితమై ముందుకు సాగుతున్న మీ జీవితంలో సుఖశాంతులు నిండాలని కోరుకుంటున్నాను’’ అని ఆ లేఖలో పేర్కొన్నారు.
  • సుప్రీంకోర్టు ప్రధాన న్యాయమూర్తి జస్టిస్ ఎన్.వి.రమణ సీఎం కేసీఆర్ కు పుట్టినరోజు శుభాకాంక్షలు తెలిపారు.
  • ముఖ్యమంత్రి కేసీఆర్ కు రాష్ట్ర గవర్నర్ తమిళిసై సౌందరరాజన్ జన్మదిన శుభాకాంక్షలు తెలిపారు. ఈ సందర్భంగా పూల బోకేను పంపారు.
  • సీఎం కేసీఆర్ జన్మదినం సందర్భంగా.. ఏపి సీఎం వై.ఎస్.జగన్మోహన్ శుభాకాంక్షలు తెలిపారు. సీఎం కేసీఆర్ ఆయురారోగ్యాలతో, చల్లగా ఉండాలని ఆకాంక్షిస్తూ ట్వీట్ చేశారు.
  • తమిళనాడు సీఎం ఎం.కె.స్టాలిన్‌ కూడా సీఎం కేసీఆర్‌కు ఫోన్‌లో శుభాకాంక్షలు చెప్పారు. రాష్ట్రాల హక్కులు, స్వయం ప్రతిపత్తి కోసం పోరాడుతున్న నాయకుడు కేసీఆర్ అని కొనియాడారు. రాజ్యాంగం ద్వారా కల్పించిన రాష్ట్రాల హోదాను, సమాఖ్య స్ఫూర్తిని కాపాడుకోవడానికి, హక్కులను పరిరక్షించుకోవడానికి అందరం కలిసి పనిచేద్దామని స్టాలిన్ ట్వీట్ చేశారు.
  • అసోం ముఖ్యమంత్రి హిమంత బిశ్వ శర్మ.. సీఎం కేసీఆర్ కు శుభాకాంక్షలు తెలియజేశారు. కేసీఆర్ కు ఆ తల్లి కామాఖ్య, మహాపురుష్ శ్రీమంత సంకరదేవుని ఆశీస్సులు ఉండాలని వేడుకుంటూ ట్వీట్ చేశారు.
  • కేంద్ర ఆర్థికశాఖ మంత్రి నిర్మలా సీతారామన్, సీఎం కేసీఆర్ కు జన్మదిన శుభాకాంక్షలు తెలియజేశారు.
  • ప్రముఖ సినీనటుడు, మాజీ ఎంపీ చిరంజీవి సీఎం కేసీఆర్ కు జన్మదిన శుభాకాంక్షలు తెలిపారు. ‘మీరు ఎల్లప్పుడూ ఆయురారోగ్యాలతో ఉండాలని, మీ లక్ష్య సాధనకి, ప్రజాసేవకి మీకు ఆ భగవంతుడు అపరిమిత శక్తి సాముర్థ్యాలు ప్రసాదించాలని కోరుకుంటున్నాను’ అని చిరంజీవి ఆకాంక్షిస్తూ ట్వీట్ చేశారు.
  • తెలంగాణ మాజీ గవర్నర్ ఈఎస్ఎల్ నరసింహన్ ముఖ్యమంత్రి కె. చంద్రశేఖరరావుకు జన్మదిన శుభాకాంక్షలు తెలియజేశారు.
  • సీఎం కేసీఆర్ పుట్టినరోజు సందర్భంగా.. పశ్చిమ బెంగాల్ ముఖ్యమంత్రి మమతా బెనర్జీ శుభాకాంక్షలు తెలిపారు.
  • కేంద్రమంత్రి నితిన్ గడ్కరీ, కేరళ ముఖ్యమంత్రి పినరయి విజయన్, హిమాచల్ ప్రదేశ్ గవర్నర్ బండారు దత్తాత్రేయ తదితరులు ట్విట్టర్ ద్వారా సీఎం కేసీఆర్ కు శుభాకాంక్షలు తెలియజేశారు.
  • సీఎం కేసీఆర్ కు జన్మదిన శుభాకాంక్షలు తెలుపుతూ బీజేపీ తెలంగాణ రాష్ట్ర శాఖ అధ్యక్షుడు, ఎంపీ బండి సంజయ్ కుమార్ లేఖ రాశారు. ‘మీరు నిండు నూరేళ్లూ ఆయురారోగ్యాలతో ఉండాలని ఆ భగవంతున్ని ప్రార్థిస్తున్నాను’ అని లేఖలో పేర్కొన్నారు.
  • భువనగిరి ఎంపీ, కాంగ్రెస్ పార్టీ సీనియర్ నాయకుడు కోమటి రెడ్డి వెంకట్ రెడ్డి సీఎం కేసీఆర్ కు జన్మదిన శుభాకాంక్షలు తెలియజేశారు. ఆయురారోగ్యాలతో కలకాలం వర్దిల్లేలా సీఎం కేసీఆర్ ను ఆ దేవుడు దీవించాలని కోమటిరెడ్డి ఆకాంక్షిస్తూ, ట్వీట్ చేశారు.
  • అలాగే, ఆంధ్రప్రదేశ్ మాజీ ముఖ్యమంత్రి నారా చంద్రబాబు నాయుడు ట్విట్టర్ ద్వారా సీఎం కేసీఆర్ కు పుట్టినరోజు శుభాకాంక్షలు తెలిపారు.
  • జనసేన పార్టీ అధ్యక్షుడు, ప్రముఖ సినీనటుడు పవన్ కళ్యాణ్... సీఎం కేసిఆర్ కు పుట్టిన రోజు శుభాకాంక్షలు తెలిపారు.
  • రాజ్యసభ సభ్యులు విజయసాయి రెడ్డి, చంద్రబాబు తనయుడు ఎమ్మెల్సీ నారా లోకేశ్, ఏపీ ఎమ్మెల్యే, సినీనటి రోజా, సినీ నటులు నాగార్జున, మహేశ్ బాబు, నితిన్ తదితరులు కూడా ముఖ్యమంత్రి కేసీఆర్ కు సామాజిక మాధ్యమాల్లో జన్మదిన శుభాకాంక్షలు తెలిపారు.
  • హైదరాబాద్ లోని యూఎస్ కాన్సులేట్ జనరల్ జోయెల్ రీఫ్ మాన్ సీఎం కేసీఆర్ కు ట్వీట్టర్ ద్వారా జన్మదిన శుభాకాంక్షలు తెలియజేశారు. అమెరికాతో సంబంధాలను మరింత పటిష్టపరిచేందుకు సహకరిస్తున్నందుకు ధన్యవాదాలు తెలిపారు.
  • హైదరాబాద్ లోని బ్రిటన్ హై కమిషనర్ డాక్టర్ ఆండ్రూ ఫ్లెమింగ్ ముఖ్యమంత్రి కేసీఆర్ కు జన్మదిన శుభాకాంక్షలు తెలుపుతూ ట్వీట్ చేశారు. యూకే – తెలంగాణ మధ్య భాగస్వామ్యాన్ని మరింత బలోపేతం చేసేందుకు ఎదురుచూస్తున్నామని పేర్కొన్నారు.

WhatsApp channel

సంబంధిత కథనం