Govt Jobs 2024 : వరంగల్ 'నిట్' నుంచి మరో ఉద్యోగ నోటిఫికేషన్ - దరఖాస్తులకు సెప్టెంబర్ 26 ఆఖ‌రు తేదీ

వరంగల్‌లోని నేషనల్ ఇన్‌స్టిట్యూట్ ఆఫ్‌ టెక్నాలజీ (నిట్) నుంచి మరో ఉద్యోగ నోటిఫికేషన్ విడుదలైంది. ఇటీవలే నాన్ - టీచింగ్ పోస్టుల భర్తీకి ప్రకటన జారీ చేయగా… తాజాగా కాంట్రాక్ట్ ప్రాతిపదికన పలు రకాల పోస్టులను భర్తీ చేయనుంది. ఈ మేరకు వివరాలను వెల్లడించారు.

మొత్తం నాలుగు ఖాళీలు ఉన్నాయి. ఇందులో లీగల్ అడ్వైజర్‌, ఫైర్‌ సేఫ్టీ ఆఫీసర్,అర్కిటెక్ట్‌, ట్రైనింగ్‌ అండ్‌ ప్లేస్‌మెంట్‌ ఆఫీసర్ పోస్టులు ఉన్నాయి. లీగల్ అడ్వైజర్ పోస్టుకు సంబంధించి మూడేళ్ల పాటు న్యాయవాదిగా పని అనుభవం ఉండాలి. మిగతా పోస్టులకు సంబంధించి నిర్ణయించిన అర్హతలు ఉండాలి.

అర్హత కలిగిన అభ్యర్థులు https://nitw.ac.in/Careers/ వెబ్ సైట్ లోకి వెళ్లి దరఖాస్తు చేసుకోవాలి. ఆన్ లైన్ దరఖాస్తులకు సెప్టెంబర్ 26వ తేదీని తుది గడువుగా నిర్ణయించారు. పోస్టును బట్టి జీతభత్యాలను నిర్ణయించారు. ఎగ్జామ్, ఇంటర్వూ, పని అనుభవం ఆధారంగా పై ఉద్యోగాలను భర్తీ చేయనున్నారు.

నాన్ - టీచింగ్ ఉద్యోగాలు:

ఇటీవలనే వరంగల్ నిట్ నుంచి నాన్ టీచింగ్ పోస్టుల భర్తీకి ప్రకటన జారీ అయింది. మొత్తం 10 ఖాళీలు ఉన్నాయి. అర్హత కలిగిన అభ్యర్థులు ఆన్ లైన్ ద్వారా దరఖాస్తులు చేసుకోవాల్సి ఉంటుంది. సెప్టెంబర్ 9వ తేదీని తుది గడువుగా నిర్ణయించారు. https://nitw.ac.in/Careers/ వెబ్ సైట్ లోకి వెళ్లి ప్రాసెస్ పూర్తి చేసుకోవాలని అధికారులు ఓ ప్రకటనలో తెలిపారు.

ముఖ్య వివరాలు :

• ఉద్యోగ ప్రకటన - నేషనల్ ఇన్‌స్టిట్యూట్ ఆఫ్‌ టెక్నాలజీ (నిట్), వరంగల్
• ఉద్యోగాలు - నాన్ - టీచింగ్ పోస్టులు
• మొత్తం ఖాళీలు - 10 (ప్రిన్సిపల్ టెక్నికల్ ఆఫీసర్‌ - 02, ప్రిన్సిపల్ స్టూడెంట్స్‌ యాక్టివిటీ అండ్ స్పోర్ట్స్‌ ఆఫీసర్‌ - 01, Deputy Registrar - 02, అసిస్టెంట్ రిజిస్ట్రార్ - 01, టెక్నికల్ ఆఫీసర్‌ - 01, అసిస్టెంట్ ఇంజినీర్‌ - 03)
• పై పోస్టుల్లో కొన్ని డైరెక్ట్ రిక్రూట్ మెంట్, మరికొన్ని డిప్యూటేషన్ ప్రాతిపదికన భర్తీ చేస్తారు.
• పోస్టును అనుసరించి విద్యార్హతలను పేర్కొన్నారు. పూర్తిస్థాయి నోటిఫికేషన్ లో వివరాలను చూడొచ్చు
• దరఖాస్తు - ఆన్ లైన్
• దరఖాస్తులు ప్రారంభం - ఆగస్టు 16, 2024వ తేదీ నుంచి ప్రారంభమయ్యాయి.
• దరఖాస్తులకు చివరి తేదీ - సెప్టెంబర్ 09, 2024.
• దరఖాస్తు ఫీజు - రూ. 1000 చెల్లించాలి. ఎస్సీ, ఎస్సీ, దివ్యాంగ, మహిళా అభ్యర్థులకు ఫీజు లేదు.
• ఎంపిక విధానం - వచ్చిన దరఖాస్తులను పరిశీలించి షార్ట్ లిస్ట్ చేస్తారు. ఆయా అభ్యర్థులను ఇంటర్వ్యూకు ఎంపిక చేస్తారు. ధ్రువపత్రాల పరిశీలన ఆధారంగా తుది ఎంపిక ఉంటుంది.
• అధికారిక వెబ్ సైట్ - https://nitw.ac.in/Careers/ 
• ఏమైనా సందేహాలు ఉంటే recruit_admn@nitw.ac.in మెయిల్ అడ్రస్ ద్వారా సంప్రదించవచ్చు.