TSLPRB Alert: పోలీసు బోర్డు కీలక నిర్ణయం..ఆ అభ్యర్థులకు మళ్లీ ఈవెంట్స్

TSPLRB Latest News: తెలంగాణలో ఎస్ఐ, కానిస్టేబుల్ పోస్టుల ప్రక్రియ వేగంగా సాగుతోంది. ఇప్పటికే ప్రిలిమ్స్ ఫలితాలు రాగా.. వెంటనే ఈవెంట్స్ కూడా పూర్తి చేసింది రిక్రూట్ మెంట్ బోర్డు. మెయిన్స్ పరీక్ష తేదీలను కూడా ఖరారు చేసింది. కొద్దిరోజుల కిందట అభ్యర్థులకు ఏడు మార్కులు కలపాలని కూడా బోర్డు నిర్ణయించిన సంగతి కూడా తెలిసిందే. అయితే తాజాగా మరో కీలక నిర్ణయం తీసుకుంది. తాజాగా హైకోర్టు ఇచ్చిన ఆదేశాల మేరకు…1 సెం.మీ లేదా అంతకన్నా తక్కువ కలిగి ఉన్నారన్న కారణంతో డిస్ క్వాలిఫై అయిన వారికి మళ్లీ ఈవెంట్స్ నిర్వహించనున్నట్లు స్పష్టం చేసింది. ఈ మేరకు వివరాలను వెల్లడించింది

ఈ నెల 10వ తేదీ ఉదయం 8 గంటల నుంచి 12వ తేదీ సాయంత్రం 8 గంటల వరకు దరఖాస్తు చేసుకోవాలని తెలంగాణ పోలీస్ రిక్రూట్మెంట్ బోర్డ్ పేర్కొంది. దరఖాస్తు చేసుకున్న అభ్యర్థులకు హైదరాబాద్ లోని అంబర్ పేట పోలీస్ గ్రౌండ్స్, కొండాపూర్ 8వ బెటాలియన్లో ఈవెంట్స్ నిర్వహించనున్నట్లు వివరించింది.

ఇదిలా ఉంటే ఎస్‌ఐ, కానిస్టేబుల్‌ ప్రిలిమినరీ రాత పరీక్షలో మల్టిపుల్‌ ప్రశ్న విషయంలో అందరికీ మార్కులు కలపాలని హైకోర్టు ఇచ్చిన ఆదేశాలను కూడా అమలు చేస్తోంది బోర్డు. ఇప్పటికే అర్హత పొందిన అభ్యర్థులు పార్ట్ 2 కంప్లీట్ చేశారు.వీరు ఫిబ్రవరి 8 ఉదయం 8గం నుంచి 12వ తేది రాత్రి 10గం వరకూ దేహదారుఢ్య పరీక్షల హాల్‌టికెట్లు డౌన్‌లోడ్‌ చేసుకోవచ్చని బోర్డు వివరించింది. ఫిబ్రవరి 15 నుంచి ఫిజికల్ ఈవెంట్స్ నిర్వహించనున్నారు. ఇదిలా ఉండగానే… మళ్లీ ఎత్తు విషయంలో నిర్ణయం తీసుకోవటంతో మరికొంత మంది కూడా మెయిన్స్ కు అర్హత సాధించే అవకాశం ఉంది. అయితే మరోవైపు ఇలా అర్హత ఇవ్వటంపై ఇప్పటికే పాస్ అయినవారు అసంతృప్తిని వ్యక్తం చేశారు. పోటీని మరింత పెంచుతున్నారంటూ విమర్శిస్తున్నారు.