Telangana News Live November 19, 2024: Narsapur Police : 7 ఏళ్ల క్రితం మరణించిన వ్యక్తిపై నర్సాపూర్ పోలీసులు కేసు నమోదు
తెలంగాణ లైవ్ న్యూస్ అప్‌డేట్స్, తాజా వార్తలు, బ్రేకింగ్ న్యూస్, పొలిటికల్ స్టోరీలు, క్రైమ్ న్యూస్, ప్రభుత్వ స్కీములు, ఇంకా మరెన్నో వార్తలు విశేషాలతో ఎప్పటికప్పుడు ఇక్కడ లైవ్ బ్లాగులో చూడొచ్చు.
Tue, 19 Nov 202404:38 PM IST
Narsapur Police : భూవిదాదంలో ఎలాంటి విచారణ చేపట్టకుండా ఏడేళ్ల క్రితం చనిపోయిన వ్యక్తిపై పోలీసులు నమోదు చేశారు. నర్సాపూర్ పోలీసులు ఓ వర్గానికి కొమ్ముకాస్తూ నిర్లక్ష్యంగా ప్రవర్తిస్తున్నారని మరో వర్గం విమర్శిస్తుంది.
Tue, 19 Nov 202404:18 PM IST
CM Revanth Reddy : తెలంగాణలో కేసీఆర్ పార్టీని మొలక ఎత్తనియ్యమని సీఎం రేవంత్ రెడ్డి అన్నారు. ప్రజా సమస్యలపై మాట్లాడేందుకు కేసీఆర్ కు దమ్ముంటే అసెంబ్లీకి రావాలని సవాల్ విసిరారు. రాష్ట్ర అభివృద్ధిని అడ్డుకుంటే జైల్లో వేస్తామన్నారు.
Tue, 19 Nov 202403:12 PM IST
ACB Arrests Tahsildar : పెద్దపల్లి జిల్లా అంతర్గాం తహసీల్దార్ ఏసీబీకి చిక్కారు. రూ.12 వేలు లంచం తీసుకుంటూతహసీల్దార్ ఉయ్యాల రమేష్, ఆర్ఐ శ్రీధర్ ఏసీబీకి చిక్కారు. ఇద్దరిని అరెస్టు చేసి రూ.12 వేలు సీజ్ చేశారు.
Tue, 19 Nov 202402:49 PM IST
Ameenpur Lake FTL : సంగారెడ్డి జిల్లా అమీన్ పూర్ పెద్ద చెరువులోకి వ్యర్థ జలాలు చేరుతుండడంతో ఎఫ్టీఎల్ పరిధి 93 ఎకరాల నుంచి 460 ఎకరాలకు పెరిగింది. దీంతో చెరువు దిగువన ఉన్న సుమారు 5 వేల ప్లాట్లు నీట మునిగాయి. ఈ ప్లాట్లను హైడ్రా కమిషనర్ పరిశీలించారు.
Tue, 19 Nov 202412:51 PM IST
- South Central Railway : శబరిమలకు వెళ్లే భక్తుల సంఖ్య రోజురోజుకూ పెరుగుతోంది. దీంతో భక్తుల రద్దీకి తగ్గట్టు రైల్వే ఏర్పాట్లు చేస్తోంది. ముఖ్యంగా సౌత్ సెంట్రల్ రైల్వే అయ్యప్ప భక్తుల కోసం ప్రత్యేక రైళ్లు నడుపుతోంది. తాజాగా.. 26 ప్రత్యేక రైళ్లను నడుపుతున్నట్టు దక్షిణ మధ్య రైల్వే వెల్లడించింది.
Tue, 19 Nov 202412:15 PM IST
Nagarjuna Sagar Project : నాగార్జున సాగర్ ప్రాజెక్టు జల విద్యు్త్ కేంద్రంలో విద్యుత్ ఉత్పత్తికి బ్రేక్ పడింది. ఈ ఏడాది భారీ వర్షాలతో సాగర్, శ్రీశైలం ప్రాజెక్టులు నిండు కుండల్లా మారాయి. దీంతో రికార్డు స్థాయిల్లో విద్యుత్ ఉత్పత్తి జరిగింది.
Tue, 19 Nov 202412:02 PM IST
- Nagarjuna Sagar : నాగార్జునసాగర్‌లో విద్యుత్ ఉత్పత్తికి బ్రేక్ పడింది. కేఆర్ఎంబీ జోక్యంతో విద్యుత్ ఉత్పత్తిని జెన్‌కో నిలిపివేసింది. ఇప్పటివరకు రికార్డు స్థాయిలో 1657 మిలియన్ యూనిట్ల ఉత్పత్తి జరిగింది. అటు శ్రీశైలంలో 1646 మిలియన్ యూనిట్ల విద్యుత్ ఉత్పత్తి జరిగినట్టు తెలుస్తోంది.
Tue, 19 Nov 202411:13 AM IST
High Court On Contract Employees : కాంట్రాక్టు ఉద్యోగుల రెగ్యులరైజేషన్ చెల్లదని, జీవో 16ను రద్దు చేస్తూ తెలంగాణ హైకోర్టు తీర్పు ఇచ్చింది. గత ప్రభుత్వం జీవో 16 ద్వారా 8 వేల మంది కాంట్రాక్టు ఉద్యోగులను రెగ్యులరైజ్ చేసింది. ఇది రాజ్యాంగ విరుద్ధమని హైకోర్టు తాజాగా తీర్పు ఇచ్చింది.
Tue, 19 Nov 202411:00 AM IST
- Kodangal : లగచర్లలో అధికారులపై దాడి కేసు మరో మలుపు తిరిగింది. ఈ కేసులో కీలక నిందితుడు సురేష్ ట్విస్ట్ ఇచ్చాడు. కలెక్టర్ బృందంపై దాడి కేసులో సురేష్ ఏ2గా ఉన్నాడు. అతని కోసం పోలీసులు రోజుల తరబడి గాలిస్తున్నారు. తాజాగా లుకౌట్ నోటీసులు కూడా జారీ చేశారు. ఈ కేసులో పరిగి డీఎస్పీపై బదిలీ వేటు వేశారు.
Tue, 19 Nov 202410:38 AM IST
- TG Aarogyasri Scheme : తెలంగాణ ప్రభుత్వం రాజీవ్ ఆరోగ్యశ్రీపై మరింత ఫోకస్ పెట్టింది. ఆరోగ్యశ్రీ విషయంలో త్వరలోనే కీలక నిర్ణయాలు తీసుకోనుంది. ముఖ్యంగా.. ఈ పథకం కింద చికిత్స అందించే ఆసుపత్రుల సంఖ్యను పెంచే అవకాశం కనిపిస్తోంది. దీనికి సంబంధించి 8 ముఖ్యమైన అంశాలు ఇలా ఉన్నాయి.
Tue, 19 Nov 202407:59 AM IST
- Hyderabad : ఆయనకు మతిస్థిమితం లేదు. ఆరేళ్ల కిందట తప్పిపోయాడు. జూబ్లిహిల్స్ పెద్దమ్మ గుడి ఏరియాలో తిరుగుతుండగా.. అనాథ ఆశ్రమం వారు ఆశ్రయం ఇచ్చారు. అదే ఆశ్రమంలో అన్నదానం చేయడానికి వచ్చిన అతని కూతుళ్లకు కనిపించాడు. దీంతో కూతుళ్లు కన్నీరు పెట్టుకున్నారు. ఈ వీడియో వైరల్ అవుతోంది.
Tue, 19 Nov 202407:26 AM IST
- Hyderabad Crime : ఆ ఇంట్లో పెళ్లి సందడి నెలకొంది. మరికొన్ని గంటల్లో పెళ్లి జరగనుంది. మగవారు పెళ్లి పనుల్లో బిజీగా ఉండగా.. ఆడవాళ్లు కొత్త బట్టలు, బంగారు ఆభరణాలను చూస్తు మురిసిపోయారు. అంతలోనే ఊహించని ఘటన జరిగింది. పెళ్లి ఇంట విషాదం నెలకొంది.
Tue, 19 Nov 202405:46 AM IST
- TG Electric Vehicles : దేశ రాజధాని ఢిల్లీలో కాలుష్యం కోరలు చాస్తోంది. దీంతో స్కూల్స్ బంద్ చేసే పరిస్థితి వచ్చింది. తెలంగాణలో అలాంటి పరిస్థితి రావొద్దంటే.. ఎలక్ట్రిక్ వాహనాలు వాడాలని మంత్రి పొన్నం ప్రభాకర్ విజ్ఞప్తి చేశారు. తెలంగాణలో కొత్త ఈవీ పాలసీని తీసుకొచ్చామని వివరించారు.
Tue, 19 Nov 202405:15 AM IST
- Hyderabad Weather : తెలంగాణలో రాత్రిపూట ఉష్టోగ్రతలు పడిపోతున్నాయి. దీంతో 3 రోజులుగా చలి తీవ్రత పెరిగిపోయింది. ముఖ్యంగా హైదరాబాద్ నగరం చలికి వణికిపోతోంది. ఉత్తర, దక్షిణ భాగ్యానగరంలో అత్యల్ప ఉష్ణోగ్రతలు నమోదవుతున్నాయి. దీంతో జాగ్రత్తగా ఉండాలని వైద్యులు సూచిస్తున్నారు.
Tue, 19 Nov 202404:58 AM IST
- TG Raithu Bharosa: రాష్ట్ర వ్యాప్తంగా ఖరీఫ్ సీజన్ దాదాపు ముగిసినట్టే. ఇప్పటికే ఖరీఫ్ వరి ధాన్యం మార్కెట్ ను ముంచెత్తుతోంది. వరి ధాన్యం కొనుగోళ్ల గురించి సర్కారు చెబుతున్న మాటలకు, క్షేత్ర స్థాయిలో మిల్లర్ల వ్యవహార శైలికి ఏ మాత్రం పొంతన లేదు.
Tue, 19 Nov 202404:14 AM IST
- Kodangal : లగచర్లలో అధికారులపై దాడి వ్యవహారం ఢిల్లీ వరకు వెళ్లింది. అటు పరిగి డీఎస్పీపై వేటు పడింది. మరోవైపు పోలీసుల విచారణలో కీలక అంశాలు వెలుగులోకి వచ్చాయి. ఈ ఘటనకు సంబంధించి అడిషనల్ డీజీపీ మహేశ్ భగవత్ కీలక అంశాలను సేకరించారు. వాటిల్లోని 10 కీలక విషయాలు ఇలా ఉన్నాయి.
Tue, 19 Nov 202404:13 AM IST
- TG TET 2024 Registration: తెలంగాణ టెట్ 2024 రిజిస్ట్రేషన్ గడువు మరో రెండు రోజుల్లో ముగియనుంది. ఏటా రెండు సార్లు టెట్ నిర్వహిస్తామని కాంగ్రెస్ ప్రభుత్వం ప్రకటించింది. ఇందులో భాగంగా 2024-25 నోటిఫికేషన్ విడుదల చేసింది.
Tue, 19 Nov 202412:07 AM IST
- Warangal Celebrations: రాష్ట్రంలో కాంగ్రెస్ ప్రభుత్వం ఏర్పడి ఏడాది పూర్తవుతున్న సందర్భంగా నిర్వహించనున్న ప్రజాపాలన విజయోత్సవ సంబరాలకు వరంగల్ సిద్ధమైంది. మంగళవారం వరంగల్ మహానగరంలోని ఆర్ట్స్ కాలేజీ గ్రౌండ్ లో ప్రజాపాలన విజయోత్సవ సభ నిర్వహించేందుకు ఇప్పటికే ఏర్పాట్లు పూర్తి చేశారు.
