Telangana News Live August 22, 2024: Siddipet : ఇంత అమానుషమా..? వ్యక్తి అంత్యక్రియలకు ఒక్కరూ రాని వైనం! కుల పెద్దల ఆదేశాలే అసలు కారణం!

• సిద్దిపేట జిల్లాలోని బొప్పాపూర్ గ్రామంలో అమానుష ఘటన చోటు చేసుకుంది. భూవివాదంలో కుల పెద్దల ఆదేశాలకు లోబడి… ఓ వ్యక్తి అంత్యక్రియల్లో పాల్గొనేందుకు ఒక్కరూ కూడా రాలేదు.  డప్పులు కొట్టేందుకు కూడా గ్రామంలో ఉండేవారు రాకపోవటంతో వేరే గ్రామం నుంచి తీసుకువచ్చి కార్యక్రమాన్ని ముగించారు

• యాదాద్రి కేంద్రంగా రుణమాఫీపై రాజకీయ రగడ మొదలైంది. మాజీ మంత్రి హరీశ్ రావు పాప ప్రక్షాళన పూజల నిర్వహించగా.. ఇందుకు వ్యతిరేకంగా స్థానిక కాంగ్రెస్ ఎమ్మెల్యే బీర్ల ఐలయ్య యాదవ్… శుద్ది కార్యక్రమం చేపట్టారు. వాటర్ ట్యాంకర్లతో మాఢ వీధులను క్లీన్ చేయించారు. 

• Hyderabad: సోషల్ మీడియాలో ఫేమస్ అయ్యేందుకు కొందరు యువకులు పిచ్చి పచ్చి పనులు చేస్తున్నారు. తాజాగా ఓ యూట్యూబర్ చేసిన పని హైదరాబాద్‌లోని కూకట్‌పల్లిలో అలజడి సృష్టించింది. అతని చర్యలు ఉంటాయా అని నెటిజన్లు పోలీసులను ప్రశ్నిస్తున్నారు.

• Revanth Reddy: కేంద్రంలోని ఎన్డీయే సర్కారు, ప్రముఖ పారిశ్రామికవేత్తలు ఆదానీ, అంబానీలపై సీఎం రేవంత్ రెడ్డి సంచలన వ్యాఖ్యలు చేశారు. ఈ నలుగురు దేశం పాలిట దుష్ట చతుష్టయంగా తయారయ్యారని విమర్శించారు. హైదరాబాద్‌లో జరిగిన ఆందోళన కార్యక్రమంలో రేవంత్ ఈ కామెంట్స్ చేశారు.

• Rythu Runa Mafi: ఆరు గ్యారెంటీల హామీతో అధికారంలోకి వచ్చిన కాంగ్రెస్.. రాష్ట్ర ప్రజలను అడ్డంగా మోసం చేస్తోందని.. మాజీ మంత్రి హరీష్ రావు ఆరోపించారు. రైతు రుణ మాఫీ దానికి ఉదాహరణ అని విమర్శించారు. రుణమాఫీపై బీఆర్ఎస్ తెలంగాణ వ్యాప్తంగా ఆందోళన చేస్తోంది. 

• గ్రూప్‌-2 పరీక్షల షెడ్యూల్‌ను టీజీపీఎస్సీ విడుదల చేసింది.  డిసెంబర్‌ 15, 16 తేదీల్లో పరీక్షలు నిర్వహించనున్నట్లు వెల్లడించింది. ఈ మేరకు గురువారం ప్రకటనను జారీ చేసింది. ఉదయం, మధ్యాహ్నం రెండు సెషన్లలో పరీక్షలు జరగనున్నాయి.

• TGSRTC: తెలంగాణలో ఆర్టీసీ బస్సులు ఎక్కే వారి సంఖ్య రోజురోజుకూ పెరుగుతోంది. కానీ.. రద్దీకి తగ్గట్టు బస్సులు మాత్రం ఉండటం లేదు. ఇటీవల జరిగిన ఘటనలు దీన్ని రుజువు చేస్తున్నాయి. తాజాగా సిరిసిల్ల డిపోకు చెందిన బస్సు 55 మంది ఎక్కాల్సి ఉండగా.. ఏకంగా 110 మంది ఎక్కారు.

• దక్షిణ కాశీగా పేరొందిన వేములవాడ శ్రీ రాజరాజేశ్వరస్వామి ఆలయంలో ఏసీబీ అధికారులు సోదాలు చేపట్టారు. ఏసీబీ అధికారులతో పాటు తూనికలు కొలతలు, ఫుడ్ సేఫ్టీ అధికారులు కూడా మెరుపు దాడులు నిర్వహించారు. శాంపిల్స్ సేకరించి రికార్డులు తనిఖీ చేశారు.

• TG LAWCET 2024 Counselling : టీజీ లాసెట్ - 2024 కౌన్సెలింగ్ కు  సంబంధించి అధికారులు కీలక అప్డేట్ ఇచ్చారు. ఆన్ లైన్ రిజిస్ట్రేషన్ గడువును ఆగస్టు 24వ తేదీ వరకు పొడిగించారు. ముందుగా ప్రకటించిన షెడ్యూల్ లో కూడా పలు మార్పులు చేశారు. ఆగస్టు 31వ తేదీన ఫస్ట్ ఫేజ్ సీట్ల కేటాయింపు ఉంటుందని ప్రకటించారు.

• సూర్యాపేట జిల్లాలోని తుంగతుర్తిలో టెన్షన్ వాతావరణం నెలకొంది. రుణమాఫీపై బీఆర్ఎస్ నిరసన దీక్ష చేపట్టింది. ఈ క్రమంలోనే బీఆర్ఎస్, కాంగ్రెస్ కార్యకర్తల మధ్య ఘర్షణ చోటు చేసుకుంది. ఒక్కసారిగా ఇరువర్గాల మధ్య రాళ్ల దాడి జరిగింది. పోలీసులు లాఠీలకు పని చెప్పి…చెదరగొట్టే ప్రయత్నం చేశారు.

• MLC Kavitha: బీఆర్ఎస్ ఎమ్మెల్సీ కల్వకుంట్ల మరోసారి అస్వస్థతకు గురయ్యారు. తిహార్‌ జైలులో ఉన్న కవిత అస్వస్థతకు గురవగా.. జైలు అధికారులు ఆసుపత్రికి తరలించారు. ఢిల్లీ ఎయిమ్స్‌లో కవితకు వైద్య పరీక్షలు నిర్వహించారు. ఢిల్లీ లిక్కర్ స్కామ్ కేసులో అరెస్టైన కవిత.. ప్రస్తుతం తీహార్ జైల్లో ఉన్నారు.

పూర్తి స్టోరీ చదవండి