TGPSC Group 1 : తెలంగాణ గ్రూప్ 1 ప్రిలిమ్స్ ఫలితాలు విడుదల - 1:50 నిష్పత్తిలోనే అభ్యర్థుల ఎంపిక, లిస్ట్ ఇదే-tgpsc group 1 prelims results released at httpswwwtspscgovin ,తెలంగాణ న్యూస్
తెలుగు న్యూస్  /  తెలంగాణ  /  Tgpsc Group 1 : తెలంగాణ గ్రూప్ 1 ప్రిలిమ్స్ ఫలితాలు విడుదల - 1:50 నిష్పత్తిలోనే అభ్యర్థుల ఎంపిక, లిస్ట్ ఇదే

TGPSC Group 1 : తెలంగాణ గ్రూప్ 1 ప్రిలిమ్స్ ఫలితాలు విడుదల - 1:50 నిష్పత్తిలోనే అభ్యర్థుల ఎంపిక, లిస్ట్ ఇదే

Maheshwaram Mahendra Chary HT Telugu
Jul 07, 2024 11:50 AM IST

TGPSC Group1 Prelims Results 2024 : తెలంగాణ గ్రూప్ 1 ప్రిలిమ్స్ ఫలితాలు విడుదలయ్యాయి. 1:50 రేషియోలో మెయిన్స్కి అభ్యర్థులను ఎంపిక చేశారు.

గ్రూప్ -1 ప్రిలిమ్స్ ఫలితాలు విడుదల
గ్రూప్ -1 ప్రిలిమ్స్ ఫలితాలు విడుదల

తెలంగాణ గ్రూప్-1 ప్రిలిమ్స్ ఫలితాలు వచ్చేశాయి. మెయిన్స్కు ఎంపికైన అభ్యర్థుల జాబితాను వెబ్సైట్లో ఉంచారు. 1:50 రేషియోలో గ్రూప్-1 మెయిన్స్కి అభ్యర్థులను ఎంపిక చేసినట్లు తెలంగాణ పబ్లిక్ సర్వీస్ కమిషన్ ప్రకటించింది. మొత్తం 31,382 మంది అభ్యర్థులు మెయిన్స్‌కు అర్హత సాధించారు. https://www.tspsc.gov.in/ వెబ్ సైట్ లోకి వెళ్లి ఫలితాలను చెక్ చేసుకోవచ్చు.

గ్రూప్ 1 ప్రిలిమ్స్ ఫలితాలతో పాటే ఫైనల్ కీని కూడా పబ్లిక్ సర్వీస్ కమిషన్ ప్రకటించింది. వెబ్ సైట్ లో ఫైనల్ కీ అందుబాటులో ఉంది. మెయిన్స్ ఎంపికైన వారి హాల్ టికెట్ల వివరాలతో కూడిన జాబితాను విడుదల చేసింది.

జూన్‌ 9న గ్రూప్ 1 ప్రిలిమ్స్‌ పరీక్షను నిర్వహించిన సంగతి తెలిసిందే. ఈ ఎగ్జామ్ కు మొత్తం 3.02 లక్షల మందికిపైగా అభ్యర్థులు హాజరయ్యారు. అభ్యంతరాల స్వీకరణ తర్వాత… ప్రిలిమ్స్ ఫలితాలను ప్రకటించారు.

అక్టోబరులో మెయిన్స్ పరీక్షలు….

మరోవైపు ఇప్పటికే గ్రూప్ 1 మెయిన్స్ పరీక్షల షెడ్యూల్ కూడా విడుదలైంది. అక్టోబర్‌ 21 నుంచి 27 వరకు ఈ పరీక్షలను నిర్వహించనున్నారు. గ్రూప్-1 మెయిన్స్ లో ఆరు పేపర్లు ఉంటాయి. ప్రతీ పేపర్ ను 3 గంటల వ్యవధిలో 150 మార్కులకు నిర్వహిస్తారు. మెయిన్ పరీక్షలను ప్రతీ రోజు మధ్యాహ్నం 2.30 గంటల నుంచి సాయంత్రం 5.30 వరకు నిర్వహిస్తారు.

షెడ్యూల్ :

  •  జనరల్ ఇంగ్లిష్(క్వాలిఫైయింగ్ పేపర్) - అక్టోబర్ 21, 2024.
  • పేపర్-I (జనరల్ ఎస్సే) -అక్టోబర్ 22, 2024.
  • పేపర్-II (చరిత్ర, సంస్కృతి, భూగోళశాస్త్రం) - అక్టోబర్ 23, 2024.
  • పేపర్ -III (ఇండియన్ సొసైటీ, రాజ్యాంగం, అడ్మినిస్ట్రేషన్) - అక్టోబర్ 24, 2024.
  • పేపర్ -IV (ఎకానమీ, డెవలప్మెంట్) - అక్టోబర్ 25, 2024.
  • పేపర్- V (సైన్స్ &సాంకేతికత, డేటా ఇన్టర్ప్రెటేషన్ ) - అక్టోబ్ 26, 2024.
  • పేపర్-VI (తెలంగాణ ఉద్యమం, రాష్ట్ర నిర్మాణం) - అక్టోబర్ 27, 2024.

గ్రూప్-1 ప్రిలిమినరీ పరీక్షకు హాజరైన అభ్యర్థులకు టీజీపీఎస్సీ కీలక ప్రకటన విడుదల చేసింది. గ్రూప్-1 మెయిన్స్ పరీక్షలను 21/10/2024 నుంచి 27/10/2024 వరకు హైదరాబాద్‌లో నిర్వహించనున్నట్లు ప్రకటించింది. మెయిన్స్ పరీక్షను ఇంగ్లిష్, తెలుగు, ఉర్దూ భాషల్లో నిర్వహిస్తారు.

మెయిన్ పరీక్షలో జనరల్ ఇంగ్లిష్ తప్ప మిగిలిన పేపర్లను అభ్యర్థులు ఎంచుకున్న భాషల్లో రాయాలి. గ్రూప్-1 మెయిన్స్ లో మొత్తం 06 పేపర్లు ఉంటాయి. వీటిని అభ్యర్థి ముందుగా ఎంచుకున్న మాధ్యమంలోనే రాయాల్సి ఉంటుంది. పేపర్‌లో కొంత భాగాన్ని ఇతర భాషలో రాయడానికి అభ్యర్థికి అనుమతి లేదు. ఇంగ్లిష్ లో కొంత భాగం, తెలుగు లేదా ఉర్దూలో మిగిలిన భాగం రాయడానికి అనుమతి లేదని టీజీపీఎస్సీ ప్రకటనలో తెలిపింది.

WhatsApp channel