Telangana Tourism : 'రామప్ప' టెంపుల్ ను చూశారా..? తక్కువ ధరలోనే కొత్త టూర్ ప్యాకేజీ, బోటింగ్ కూడా ఉంటుంది..!

రామప్ప దేవాలయం ఓరుగల్లును పరిపాలించిన కాకతీయ రాజులు నిర్మించిన చారిత్రక దేవాలయం. ఈ ఆలయానికి ఎంతో చరిత్ర ఉంది. దీనినే రామలింగేశ్వర దేవాలయం అని కూడా వ్యవహరిస్తారు. దేవుడి పేరు మీదుగా కాకుండా ప్రధాన శిల్పి పేరు మీదుగా ఆలయం ఉండటం ఇక్కడి ప్రత్యేకత. ఈ దేవాలయం పక్కనే రామప్ప సరస్సు ఉంది.

యూనెస్కో వరల్డ్ హెరిటేజ్ ప్రాంతంగా కూడా రామప్ప గుర్తింపు పొందిన సంగతి కూడా తెలిసిందే. ఈ ఆలయాన్ని చూసేందుకు దేశవ్యాప్తంగా పర్యాటకులు వస్తుంటారు. అయితే ఈ ఆలయాన్ని చూసేందుకు తెలంగాణ టూరిజం కొత్త టూర్ ప్యాకేజీని తీసుకొచ్చింది.

"UNESCO World Heritage Site - Ramappa Temple' పేరుతో హైదరాబాద్ నుంచి ఈ ప్యాకేజీని ఆపరేట్ చేస్తోంది. ఏసీ మినీ బస్సులో జర్నీ ఉంటుంది. ప్రతి శనివారం, ఆదివారం తేదీల్లో జర్నీ ఉంటుంది.

టూర్ షెడ్యూల్ :

• 06:30 AM : హైదరాబాద్ లోని యాత్రినివాస్ నుంచి బస్సు బయల్దేరుతుంది.
• 06:45 AM : పర్యాటక భవన్ కు చేరుకుంటుంది.
• 10:00 AM To 12:45 PM : హన్మకొండకు చేరుకుంటారు. స్థానికంగా ఉండే ఆలయాన్ని చూస్తారు.
• 01:00 PM : హరిత కాకతీయలో లంచ్ ఉంటుంది.
• 01:50 PM : రామప్పకు బయల్దేరుతారు.
• 03:15 PM To 04:15 PM : రామప్ప ఆలయాన్ని దర్శించుకుంటారు.
• 04:20 PM To 04:40 PM : రామప్ప సరసులో బోటింగ్ ఉంటుంది.(15 నిమిషాలు మాత్రమే)
• 04:45 PM To 05:30 PM : రామప్ప వద్ద ఉన్న హరిత కాకతీయలో టీ బ్రేక్ ఉంటుంది.
• 05:30 PM : హైదరాబాద్ కు తిరుగు ప్రయాణమవుతారు.
• 09:30 PM : హైదరాబాద్ కు చేరుకోవటంతో టూర్ ముగుస్తుంది.

చూసే ఆలయాలు:

1. భద్రకాళి ఆలయం, వరంగల్
2. పద్మాక్షి అమ్మవారి ఆలయం, వరంగల్
3. వెయ్యి స్తంభాల గుడి, వరంగల్.
4. రామప్ప గుడి

ఈ ప్యాకేజీ ధరలు చూస్తే పెద్దలకు రూ. 2800గా ఉంది. పిల్లలకు 2,240గా నిర్ణయించారు. https://tourism.telangana.gov.in/ వెబ్ సైట్ లోకి వెళ్లి వివరాలు తెలుసుకోవచ్చు.

NOTE: హైదరాబాద్ - రామప్ప టూర్ ప్యాకేజీ బుకింగ్ లింక్ : https://tourism.telangana.gov.in/toursList?type=Road&groupCode=2&serviceCode=352&journeyDate=2024-11-17&adults=2&childs=0