TGPSC Group 2 Results : తెలంగాణ గ్రూప్‌-2 ఫలితాలు విడుదల.. రిజల్ట్ కోసం ఈ లింక్‌పై క్లిక్ చేయండి

తెలంగాణ గ్రూప్‌-2 ఫలితాలు విడుదలయ్యాయి. ఫలితాలు విడుదల చేశారు టీజీపీఎస్సీ చైర్మన్‌ బుర్ర వెంకటేశం. అభ్యర్థుల జనరల్‌ ర్యాంకింగ్‌ లిస్ట్‌ విడుదల అయ్యింది. అభ్యర్థులు తమ ఫలితాలను www.tspsc.gov.in లో చూసుకోవచ్చు.

ఫలితాలు ఇలా..

అధికారిక వెబ్‌సైట్‌ లింక్ ఓపెన్ చేశాక.. గ్రూప్ 2 సర్వీస్ జనరల్ ర్యాకింగ్ అని కనిపిస్తుంది. దానిపై క్లిక్ చేయగానే.. పీడీఎఫ్ ఫార్మాట్‌ వివరాలు ఓపెన్ అవుతాయి. అలాగే ప్రశ్నాపత్రాలు, ఫైనల్ కీ కావాలంటే కూడా అందుబాటులో ఉంది. దానిపై క్లిక్ చేస్తే.. వివరాలు కనిపిస్తాయి. వీటికి సంబంధించి ఏ సమస్య ఉన్నా.. హెల్ప్ లైన్ నంబర్ 040-22445566 నంబర్‌కు కాల్ చేసి సందేహాలు నివృత్తి చేసుకోవచ్చు.

గతేడాది డిసెంబర్‌లో పరీక్షలు..

గ్రూప్-2 పరీక్ష నాలుగు సెషన్లలో జరిగింది. డిసెంబర్ 15 ఉదయం, మధ్యాహ్నం పేపర్ 1, 2.. డిసెంబర్ 16 ఉదయం, మధ్యాహ్నం పేపర్ 3, 4 పరీక్షలు నిర్వహించారు. రాష్ట్రంలోని 33 జిల్లాల్లోని 1368 కేంద్రాలలో పరీక్షలు జరిగాయి. నాలుగు పేపర్ల ప్రాథమిక సమాధాన కీ, మాస్టర్ ప్రశ్నాపత్రాలను జనవరిలో అభ్యర్థి లాగిన్ ద్వారా విడుదల చేశారు. అభ్యంతరాల విండో జనవరి 18న ప్రారంభమై జనవరి 22న ముగిసింది.

అభ్యంతరాలకు అవకాశం..

అభ్యర్థులు తమ అభ్యంతరాలను ఆంగ్లంలో మాత్రమే సమర్పించాలని సూచించారు. వారు తమ వాదనలను ధృవీకరించే రుజువుల ఆన్‌లైన్ కాపీలను అప్‌లోడ్ చేయాల్సి వచ్చింది. రచయిత పేరు, ఎడిషన్, పేజీ నంబర్, ప్రచురణకర్త పేరు, వెబ్‌సైట్ వంటి వివరాలను సమర్పించాల్సి వచ్చింది. ఈ-మెయిల్, వ్యక్తిగత ప్రాతినిధ్యాలు లేని, గడువు మించిన తర్వాత సమర్పించిన అభ్యంతరాలను పరిగణించబోమని టీజీపీఎస్సీ స్పష్టం చేసింది.