TG High Court Jobs : తెలంగాణ హైకోర్టులో లా క్లర్క్ పోస్టులు - దరఖాస్తులకు ఇవాళే చివరి తేదీ!
Telangana High Court Recruitment:తెలంగాణ హైకోర్టులో లా క్లర్క్ ల భర్తీకి ప్రకటన జారీ అయిన సంగతి తెలిసిందే. ఇందుకు సంబంధించిన దరఖాస్తులు ఇవాళ్టితో(నవంబర్ 23) ముగియనున్నాయి. మొత్తం 33 ఖాళీలు ఉన్నాయి. కాంట్రాక్ట్ ప్రాతిపదికన భర్తీ చేస్తారు.
తెలంగాణ హైకోర్టులో లా క్లర్క్ ల భర్తీకి దరఖాస్తులను స్వీకరిస్తున్నారు. ఈ గడువు ఇవాళ్టితో(నవంబర్ 23) పూర్తి కానుంది. మొత్తం 33 పోస్టులను ఒప్పంద ప్రాతిపదికన భర్తీ చేయనున్నారు. క్లర్క్ పోస్టులకు 3 లేదా 5 సంవత్సరాల లా డిగ్రీని కలిగిన అభ్యర్థులు అర్హులవుతారు.
తెలంగాణహైకోర్టులో పనిచేసేందుకు 31 లా క్లర్క్‌లు, సికింద్రాబాద్ లోని స్టేట్ జ్యుడీషియల్ అకాడమీలో పనిచేసేందుకు 2 లా క్లర్క్‌ల పోస్టులు భర్తీ చేసేందుకు దరఖాస్తులను స్వీకరిస్తున్నారు. ఈ పోస్టులను కాంట్రాక్ట్ ప్రాతిపదికన ఒక సంవత్సరం వ్యవధికి భర్తీ చేస్తారు.
లా క్లర్క్ పోస్టులు - ముఖ్య వివరాలు
- దరఖాస్తుదారుడు తప్పనిసరిగా భారత పౌరుడై ఉండాలి.
- అభ్యర్థికి జులై 1 నాటికి 30 సంవత్సరాల వయస్సు మించకూడదు. ఓబీసీలకు మూడేళ్లు, ఎస్సీ, ఎస్టీలు ఐదేళ్లు, దివ్యాంగులకు పదేళ్ల వయోపరిమితి సడలింపు ఉంటుంది.
- దరఖాస్తు దారుడు గుర్తింపు పొందిన విశ్వవిద్యాలయం నుంచి న్యాయశాస్త్రంలో డిగ్రీని పొంది ఉండాలి. 10+2 పూర్తి చేసిన తర్వాత 5 ఏళ్లు రెగ్యులర్ లా అభ్యసించాలి. లేదా 10+2 పాఠశాల విద్య తర్వాత మూడేళ్ల డిగ్రీ కోర్సు, ఆ తర్వాత 3 సంవత్సరాల రెగ్యులర్ లా డిగ్రీ పూర్తిచేయాలి.
- లా క్లర్క్ నోటిఫికేషన్ విడుదల తేదీకి రెండేళ్ల ముందుగా అభ్యర్థి న్యాయశాస్త్రంలో ఉత్తీర్ణులై ఉండాలి.
- అభ్యర్థి ఏ ఇతర అధ్యయన కోర్సు లేదా ఏదైనా ఇతర వృత్తి కొనసాగించకూడదు.
- లా క్లర్క్ గా విధులు నిర్వహించే సమయంలో తమ చదువు, ఇతర వృత్తులకు దూరంగా ఉండాలి.
- అభ్యర్థులు రిట్రీవల్‌తో సహా కంప్యూటర్ పరిజ్ఞానం కలిగి ఉండాలి. మనుపత్ర, ఎస్సీసీ ఆన్‌లైన్, లెక్సిస్‌నెక్సిస్, వెస్ట్‌లాపై అవగాహన కలిగి ఉండాలి.
- దరఖాస్తుకు సంబంధించిన ప్రోఫార్మా అధికారిక వెబ్‌సైట్‌ https://tshc.gov.in/ లో ఉంచారు.
- ఆఫ్ లైన్ లో దరఖాస్తులను స్వీకరిస్తారు.
- పూర్తి చేసిన దరఖాస్తులను "ది రిజిస్ట్రార్ జనరల్, తెలంగాణ హైకోర్టు, హైదరాబాద్" చిరునామాకు పంపించాలి. వయస్సు, వర్గం, విద్యార్హత రుజువుకు సంబంధిత పత్రాల కాపీలు జోడించాలి.
AIBE 19 ఎగ్జామ్ మరోసారి వాయిదా:
ఆల్ ఇండియా బార్ ఎగ్జామినేషన్ (ఏఐబీఈ 19) మరోసారి వాయిదా పడింది. ఈ మేరకు బార్ కౌన్సిల్ ఆఫ్ ఇండియా (బీసీఐ) ప్రకటించింది. షెడ్యూల్ ప్రకారం నవంబర్ 24న జరగాల్సిన ఈ పరీక్ష,… డిసెంబర్ 1కి వాయిదా వేశారు. అయితే ఈ తేదీని కూడా బీఐసీ మార్చింది. డిసెంబర్ 22వ తేదీన ఈ పరీక్ష నిర్వహించనున్నట్లు తాజాగా ప్రకటించింది.
డిసెంబర్ 15వ తేదీ నుంచి హాల్ టికెట్లు అందుబాటులోకి వస్తాయి. డిసెంబర్ 22వ తేదీన దేశవ్యాప్తంగా పరీక్ష జరగనుంది. తెలంగాణలో హైదరాబాద్ సెంటర్ గా ఉంది. ఏపీలో తిరుపతి, విజయవాడ, విశాఖపట్నం కేంద్రాలుగా ఉన్నాయి.
ఆలిండియా బార్ ఎగ్జామినేషన్లో ఉత్తీర్ణత సాధించాలంటే జనరల్, ఓబీసీ కేటగిరీ అభ్యర్థులు కనీసం 45 శాతం మార్కులు సాధించాలి. ఎస్సీ, ఎస్టీ, వికలాంగ అభ్యర్థులు పరీక్షలో ఉత్తీర్ణత సాధించడానికి కనీస మార్కులు 40 శాతంగా ఉంది. సిలబస్ ప్రకారం AIBE 19లో 19 అంశాలు నుంచి ప్రశ్నలు వస్తాయి. మొత్తం 100 మార్కులకు పరీక్ష ఉంటుంది. మూడు గంటల సమయం ఉంటుంది.
సంబంధిత కథనం