ఇంట్లో నుంచే డ్రైవింగ్ లైసెన్స్ రెన్యువల్ చేస్కోండిలా?

మీరు కారు, బైకు ఇలా ఏ వాహనం నడపాలన్నా ముఖ్యంగా ఉండాల్సినవి ఆ వాహన ఆర్​సీ, ఇన్సూరెన్స్​, పొల్యూషన్​ సర్టిఫికెట్​తో పాటు ప్రధానంగా డ్రైవింగ్​ లైసెన్స్. కొత్తగా డ్రైవింగ్​ లైసెన్స్​ తీసుకున్నప్పుడు వయసు ఆధారంగా కొన్నేళ్ల గడువుతో జారీ చేస్తారు. ఈ గడువు ముగిసేలోగా రెన్యూవల్​చేసుకోవాలి. గడువు ముగిసిన 30 రోజుల్లో రెన్యువల్ చేసుకోకుంటే ఫైన్​ చెల్లించాల్సి ఉంటుంది. గడువు ముగిసి చాలా రోజులైతే జరిమానాతో పాటు మళ్లీ కొత్త డ్రైవింగ్​ లైసెన్సు కోసం దరఖాస్తు చేసుకోవాల్సిందే. అందుకే డ్రైవింగ్​ లైసెన్సుపై గడువును చూసుకుని రెన్యూవల్​ చేసుకోవడం మంచి పద్ధతి.

దరఖాస్తు చేస్కోవడం ఎలా?

మొదట రవాణా శాఖ అధికారిక వెబ్​సైట్లోకి https://transport.telangana.gov.in/ వెళ్లి డ్రైవింగ్​ లైసెన్సు సంబంధిత సేవల్లో డ్రైవింగ్​ లైసెన్సు రెన్యూవల్​పై క్లిక్​ చేయాలి. ఇప్పుడు రెన్యువల్​ఆఫ్​ లైసెన్సును ఎంచుకుని పైన క్లిక్​ చేయాలి. తర్వాత డ్రైవింగ్​ లైసెన్సు నెంబరు, జారీ చేసిన ఆర్టీఏ కార్యాలయం, పుట్టిన తేదీ, సెల్​ఫోన్​ నంబరు, క్యాప్చా వంటి వివరాలను నమోదు చేయాలి. రిక్వెస్ట్​ ఓటీపీపై నొక్కితే మీ సెల్​ఫోన్​కి ఓటీపీ వస్తుంది. దీనిని ఎంటర్​ చేసిన తర్వాత గెట్​ డీటెయిల్స్​పై క్లిక్​ చేస్తే మన వివరాలు కనిపిస్తాయి, వచ్చిన విండోలో స్లాట్​ కోసం మనకు నచ్చిన తేదీ, సమయాలను ఎంచుకుని నెక్ట్స్​పై క్లిక్​ చేయాలి.

ఇప్పుడు మనం చెల్లించాల్సిన రుసుం మొత్తాన్ని పరిశీలించి పే నౌపై క్లిక్​ చేస్తే వచ్చిన పేమెంట్​ ఆప్షన్లలో మనకు అనువైన దానిని ఎంచుకుని పే చేస్తే స్లాట్​ బుక్​ అవుతుంది. మెడికల్​ ఫిట్​నెస్​ సర్టిఫికెట్​ వస్తుంది. వీటిని ప్రింట్​ తీసుకోవాలి.మెడికల్​ ఫిట్​నెట్​సర్టిఫికెట్​ను వైద్యాధికారితో సంతకం చేయించి, ఆధార్​, ఒరిజినల్​ డ్రైవింగ్​ లైసెన్సును స్లాట్​ బుక్​ అయిన రోజున ఆర్టీఏ కార్యాలయంలో అందజేస్తే కొద్ది రోజుల్లోనే రెన్యూవల్​ అయిన డ్రైవింగ్​ లైసెన్సు వస్తుంది.

రిపోర్టింగ్ : వేణుగోపాల్ కామోజీ, ఉమ్మడి ఆదిలాబాద్ జిల్లా ప్రతినిధి, హిందూస్తాన్ టైమ్స్ తెలుగు.