TVVP Recruitment 2024 : తెలంగాణ వైద్య విధాన పరిషత్ లో 64 ఉద్యోగాలు - దరఖాస్తులకు మరికొద్ది గంటలే గడువు..!
TVVP Recruitment 2024 : తెలంగాణ వైద్య విధాన పరిషత్ లో సివిల్ అసిస్టెంట్ సర్జన్ పోస్టుల భర్తీకి నోటిఫికేషన్ జారీ అయింది. మొత్తం 64 పోస్టులున్నాయి. దరఖాస్తు గడువు నవంబర్ 26వ తేదీతో పూర్తి కానుంది. https://hyderabad.telangana.gov.in/n వెబ్ సైట్ లోకి వెళ్లి వివరాలు తెలుసుకోవచ్చు.
సివిల్ అసిస్టెంట్ సర్జన్ పోస్టుల భర్తీకి తెలంగాణ వైద్య విధాన పరిషత్ ప్రకటన జారీ చేసిన సంగతి తెలిసిందే. ఇందుకు సంబంధించిన దరఖాస్తుల గడువు దగ్గరపడింది. అర్హులైన అభ్యర్థులు నవంబర్ 26లోపు చేసుకోవాల్సి ఉంటుందని అధికారులు తెలిపారు. దరఖాస్తు గడువు పెంచే అవకాశం లేదు.
ఈ రిక్రూట్ మెంట్ నోటిఫికేషన్ లో భాగంగా మొత్తం 64 ఖాళీలను భర్తీ చేస్తారు. ఈ పోస్టులన్నీ కాంట్రాక్ట్ విధానంలోనే ఉన్నాయి. ఎంపికైన అభ్యర్థులు హైదరాబాద్ పరిధిలోని టీవీవీపీ(తెలంగాణ వైద్య విధాన పరిషత్) ఆసుపత్రుల్లో పని చేయాల్సి ఉంటుంది. అర్హులైన అభ్యర్థులు ఆఫ్ లైన్ ద్వారా దరఖాస్తు చేసుకోవాలి. ఆన్ లైన్ దరఖాస్తులు లేవు.
ముఖ్య వివరాలు:
- ఉద్యోగ ప్రకటన - తెలంగాణ వైద్య విధాన పరిషత్, హైదరాబాద్
- భర్తీ చేసే ఉద్యోగాలు -64
- ఖాళీల వివరాలు - అనస్తీషియా విభాగంలో 11, పీడియాట్రిక్స్‌ విభాగంలో 12 ఖాళీలున్నాయి.జనరల్ మెడిసిన్ విభాగంలో 10, రేడియాలజీ విభాగంలో 8 పోస్టులు ఉండగా… జనరల్ సర్జరీ విభాగంలో మరో 4 ఉన్నాయి.
- అర్హతలు - దరఖాస్తు చేసుకునే అభ్యర్థులు డిప్లొమా, పీజీ/ డీఎన్‌బీ ఉత్తీర్ణత ఉండాలి. దీనికితోడూ పని అనుభవం ఉండాలి.
- వయోపరితిమి - దరఖాస్తు చేసుకునే వారికి 46 ఏళ్లు మించకూడదు.
- నెల జీతం - ఎంపికైన వారికి నెలకు రూ.1,00,000 జీతం చెల్లిస్తారు.
- విద్యార్హతల్లో సాధించిన మార్కుల ఆధారంగా తుది ఫలితాలను ప్రకటిస్తారు.
- ఆఫ్ లైన్ లో దరఖాస్తు చేసుకోవాలి. https://hyderabad.telangana.gov.in/ వెబ్ సైట్ నుంచి దరఖాస్తు ఫామ్ ను డౌన్లోడ్ చేసుకోవాల్సి ఉంటుంది.
- పూర్తి చేసిన దరఖాస్తును “ప్రొగ్రామ్ ఆఫీసర్ (హెచ్ఎస్ అండ్ ఐ), ఫోర్త్ ఫ్లోర్ కమ్యూనిటీ హెల్త్ సెంటర్, ఖైరతాబాద్, హైదరాబాద్” చిరునామాకు పంపించాలి.
- నవంబర్ 26వ తేదీలోపు పంపాల్సి ఉంటుంది.
- అప్లికేషన్ లింక్ - https://cdn.s3waas.gov.in/s36c524f9d5d7027454a783c841250ba71/uploads/2024/11/2024111197.pdf
జత చేయాల్సిన పత్రాలు :
- టెన్త్ మెమో
- స్టడీ కండక్ట్ సర్టిఫికెట్లు (ఒకటి నుంచి 7వ తరగతి)
- పీజీ, డిగ్రీ మార్కుల మెమోలు
- కుల ధ్రువీకరణపత్రం
- ఈడబ్యూఎస్ అభ్యర్థులు సంబంధిత ధ్రువపత్రం సమర్పించాలి
- ఆధార్ కార్డ్
- దివ్యాంగ అభ్యర్థులు సదరం సర్టిఫికెట్లు ఇవ్వాలి.
మరోవైపు హైదరాబాద్ లోని ఇండియన్‌ ఇన్‌స్టిట్యూట్‌ ఆఫ్ కెమికల్‌ టెక్నాలజీ (IICT) నుంచి ఉద్యోగ నోటిఫికేషన్ జారీ అయింది. ఇందులో భాగంగా మొత్తం 29 టెక్నీషియన్ పోస్టులను రిక్రూట్ చేయనున్నారు. ఇంజినీరింగ్ సర్వీస్ విభాగంలో ఈ ఖాళీలు ఉన్నాయి.
దరఖాస్తు చేసుకునే అభ్యర్థులు పదో తరగతితో పాటు సంబంధిత విభాగాల్లో ఐటీఐ పాసై ఉండాలి. వయసు 28 ఏళ్లు మించకూడదని నోటిఫికేషన్ లో పేర్కొన్నారు. ఎంపికైన వారికి నెలకు రూ. 38,483 జీతం చెల్లిస్తారు. ఆన్ లైన్ లో దరఖాస్తు చేసుకోవాలి.
నవంబర్ 27వ తేదీ నుంచి ఆన్ లైన్ అప్లికేషన్లు ప్రారంభమవుతాయి. డిసెంబర్ 26వ తేదీని తుది గడువుగా నిర్ణయించారు. దరఖాస్తు చేసుకునే అభ్యర్థులు రూ. 500 చెల్లించాలి. https://www.iict.res.in/CAREERS వెబ్ సైట్ లోకి వెళ్లి అప్లికేషన్ చేసుకోవాల్సి ఉంటుంది.
