తెలంగాణకు ఐఎండీ అలర్ట్... ఈ 4 రోజులు ఈదురుగాలులతో కూడిన వర్షాలు...! ‘ఎల్లో’ హెచ్చరికలు జారీ
తెలంగాణలో మరో 4 రోజులపాటు వర్షాలు పడనున్నాయి. ఈ హైదరాబాద్ వాతావరణ కేంద్రం వివరాలను వెల్లడించింది. ఈదురుగాలులతో కూడిన వానలు పడే అవకాశం ఉందని పేర్కొంది. ఈ మేరకు పలు జిల్లాలకు ఎల్లో హెచ్చరికలను జారీ చేసింది.
నైరుతి రుతుపవనాల ప్రభావంతో తెలంగాణలో వర్షాలు కురుస్తున్నాయి. మరో నాలుగు రోజుల పాటు కూడా ఇదే పరిస్థితి ఉంటుందని వాతావరణశాఖ తెలిపింది. అయితే భారీ వర్షాలు కాకుండా… ఈదురుగాలులతో కూడిన వర్షాలు పడే అవకాశం ఉందని అంచనా వేసింది.
ఎల్లో హెచ్చరికలు జారీ…
హైదరాబాద్ వాతావరణ కేంద్రం ఆదివారం(జూన్ 0) ఉదయం బులెటిన్ ప్రకారం….ఇవాళ పలుచోట్ల తేలికపాటి నుంచి ఒక మోస్తారు వర్షాలు పడుతాయి. ఇక నిర్మల్, సిరిసిల్ల, కరీంనగర్, పెద్దపల్లి, భూపాలపల్లి, ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్, వరంగల్, హన్మకొండ, జనగాం, సిద్ధిపేట, భువనగిరి, రంగారెడ్డి, హైదరాబాద్, మేడ్చల్, కామారెడ్డి, మహబబ్ నగర్ ,నాగర్ కర్నూల్ జిల్లాల్లో ఈదురుగాలులతో కూడిన వర్షాలు పడే అవకాశం ఉంది. ఈ జిల్లాలకు ఎల్లో హెచ్చరికలు జారీ అయ్యాయి.
రేపు(జూన్ 02) భూపాలపల్లి, ములుగు, కొత్తగూడెం, ఖమ్మం, నల్గొండ, సూర్యాపేట, మహబూబాబాద్, వరంగల్, హన్మకొండ, జనగాం, సిద్ధిపేట, భువనగిరి, రంగారెడ్డి, హైదరాబాద్, మేడ్చల్, వికారాబాద్, సంగారెడ్డి, మెదక్, కామారెడ్డి, మహబూబ్ నగర్, నాగర్ కర్నూల్ జిల్లాల్లో ఈదురుగాలులతో కూడిన వాననలు పడే ఛాన్స్ ఉంది. ఎల్లో హెచ్చరికలు జారీ అయ్యాయి.
ఎల్లుండి(జూన్ 03) ఆదిలాబాద్, ఆసిఫాబాద్, మంచిర్యాల, నిర్మల్, నిజామాబాద్, నిర్మల్, సిరిసిల్ల, కరీంనగర్, పెద్దపల్లి, భూపాలపల్లి, వరంగల్, హన్మకొండ, జనగాం, రంగారెడ్డి, హైదరాబాద్, మేడ్చల్, వికారాబాద్, సంగారెడ్డి, మెదక్, కామారెడ్డి, మహబూబ్ నగర్, నాగర్ కర్నూల్, వనపర్తి, నారాయణపేట, గద్వాల జిల్లాల్లో ఈదురుగాలులతో కూడిన వానలు పడే అవకాశం ఉందని హైదరాబాద్ వాతావరణ కేంద్రం తెలిపింది.
ఇవాళ హైదరాబాద్ నగరంలోని కొన్ని ప్రాంతాల్లో తేలికపాటి వర్షాలు పడొచ్చు. కొన్నిచోట్ల ఈదురుగాలులు వీచే అవకాశం ఉందని హైదరాబాద్ వాతావరణ కేంద్రం తెలిపింది. ఎలాంటి హెచ్చరికలు లేవని స్పష్టం చేసింది.
ఏపీలో వర్షాలు:
ఏపీలో కూడా రెండు మూడు రోజులపాటు వర్షాలు కురిసే అవకాశం ఉంది. ఇవాళ (జూన్ 1) కృష్ణా,ఎన్టీఆర్,గుంటూరు, బాపట్ల,ప్రకాశం,పల్నాడు,నంద్యాల, నెల్లూరు,అన్నమయ్య,చిత్తూరు, తిరుపతి జిల్లాల్లో కొన్నిచోట్ల తేలికపాటి వర్షాలు కురిసే అవకాశం ఉంది. రేపు ఉత్తరాంధ్ర,కృష్ణా,ఎన్టీఆర్, గుంటూరు,బాపట్ల జిల్లాల్లో కొన్నిచోట్ల తేలికపాటి-మోస్తారు వర్షాలు కురిసే అవకాశం ఉందని ఏపీ విపత్తుల నిర్వహణ సంస్థ తెలిపింది.
