TS ePASS Scholarship Updates: విద్యార్థులకు అలర్ట్... స్కాలర్​షిప్ దరఖాస్తుల గడువు పెంపు - లాస్ట్ డేట్ ఎప్పుడంటే..?

TS ePASS Scholarship Updates: స్కాలర్​షిప్ దరఖాస్తుల గడువు విషయంలో మరోసారి గడువు పెంచింది తెలంగాణ ప్రభుత్వం. 2023-24 విద్యాసంవత్సరానికి ఉపకార వేతనాలు, రెన్యూవల్‌, కొత్త విద్యార్థుల దరఖాస్తు గడువును మార్చి 31వ తేదీ వరకు పొడిగించింది. అర్హులైన విద్యార్థులు ఉపకార వేతనాలకు దరఖాస్తు చేసుకోవాలని సూచించింది.

ఈ విద్యా సంవత్సరానికి స్కాలర్ షిప్ ల(TS ePass Scholarship 2023-24 Application Last Date)కు సంబంధించి దరఖాస్తుల స్వీకరణ ప్రక్రియ ఆగస్టు 19న ప్రారంభమైంది. ఈ గడువు డిసెంబర్ 31, 2023తో ముగియపోయినుంది. ఆ తర్వాత కూడా గడువు పొడిగించింది తెలంగాణ సర్కార్. జనవరి 31 వరకు అవకాశం కల్పించింది. చాలా మంది విద్యార్థులు దరఖాస్తులు చేసుకోకపోవటంతో… మార్చి 31వ తేదీ వరకు గడువు పెంచింది. ఈ అవకాశాన్ని విద్యార్థులు ఉపయోగించుకోవాలని ఓ ప్రకటనలో కోరింది.

కొత్తగా దరఖాస్తులు చేసుకోవాల్సిన విద్యార్థులు 5.50 లక్షలు ఉండగా…. ఇప్పటివరకు 4,20,262 మంది దరఖాస్తు చేసుకున్నట్లు అధికారులు తెలిపారు. మరో లక్ష మందిపైగా అప్లయ్ చేసుకోవాల్సి ఉంది. అర్హత కలిగిన ఎస్సీ, ఎస్టీ, బీసీ, ఈబీసీ విద్యార్థులు https://telanganaepass.cgg.gov.in/. వెబ్ సైట్ లోకి వెళ్లి దరఖాస్తు చేసుకోవచ్చు. ఇక రెన్యూవల్ చేసుకోలేని విద్యార్థులు కూడా ఈ గడువులోపు చేసుకునే అవకాశం ఉంది.

ఇలా ప్రాసెస్ పూర్తి చేసుకోవచ్చు,,,,

అర్హత కల విద్యార్థులు తెలంగాణ ఈపాస్ అధికారిక వెబ్‌సైట్ https://telanganaepass.cgg.gov.in/  లోకి వెళ్లాలి.

'Fresh Registration' అనే ఆప్షన్​ పై నొక్కాలి. అప్పుడు బ్రౌజర్​లో మీ స్కాలర్ షిప్ సంబంధిత అప్లికేషన్ ఫారమ్ ఓపెన్ అవుతుంది.

మీ వివరాలను ఎంటర్ చేసి.. అవసరమైన పత్రాలను అప్​లోడ్ చేయాలి.

ఇక చివరగా.. అప్లికేషన్​లో మీరు నమోదు చేసిన వివరాలను సమీక్షించుకుని "Submit" చేయాలి.

ఆ తర్వాత అప్లికేషన్ ప్రింట్ అవుట్ తీసుకొని.. భవిష్యత్తు అవసరాల కోసం అప్లికేషన్​ రిఫరెన్స్ నంబర్​ను నోట్ చేసుకోవాలి.

ఇక రెన్యూవల్ విద్యార్థులు కూడా ఇదే మాదిరిగా ప్రాసెస్ చేసుకోవాలి. అయితే వారు  Renewal Registration అనే ఆప్షన్​పై నొక్కి….రెన్యూవల్ ప్రక్రియను పూర్తి చేయవచ్చు.