TG Ekalavya Schools: తెలంగాణ ఏకలవ్య గురుకుల పాఠశాలల్లో ప్రవేశాలకు నోటిఫికేషన్ విడుదల
TGEMRS Admissions: తెలంగాణ ఏకలవ్య మోడల్ రెసిడెన్షియల్ స్కూల్స్ సొసైటీ నిర్వహిస్తున్న పాఠశాలల్లో ఆరో తరగతిలో ప్రవేశాలకు అడ్మిషన్ నోటిఫికేషన్ విడుదలైంది. ప్రవేశ పరీక్ష ఆధారంగా ప్రవేశాలు కల్పిస్తారు.
TGEMRS Admissions: తెలంగాణ ఏకలవ్య మోడల్ రెసిడెన్షియల్ స్కూల్స్ సొసైటీ నిర్వహిస్తున్న పాఠశాలల్లో ఆరోతరగతిలో ప్రవేశాలకు అడ్మిషన్ నోటిఫికేషన్ విడుదలైంది.

2025-26 విద్యా సంవత్సరంలో ఆరో తరగతిలో చేరేందుకు అర్హులైన విద్యార్థులు అడ్మిషన్ టెస్ట్కు దరఖాస్తు చేయాల్సి ఉంటుంది. తెలంగాణలో రాష్ట్ర వ్యాప్తంగా 23 ఏకలవ్య గురుకుల పాఠశాలల్ని నిర్వహిస్తున్నారు. ఈ స్కూళ్లలో మొత్తం 1380 సీట్లు అందుబాటులో ఉన్నాయి. 2025-26 విద్యా సంవత్సరంలో ఆరో తరగతిలో ప్రవేశాల కోసం తాజా నోటిఫికేషన్ విడుదలైంది.
తెలంగాణ ఏకలవ్య మోడల్ స్కూల్స్...
రాజ్యాంగ నిబంధన 46 ప్రకారం, కేంద్ర ప్రభుత్వం, రాష్ట్ర ప్రభుత్వాలు గిరిజన ప్రాంతాలలో విద్య విస్తరణకు ఎక్కువ ప్రాధాన్యతనిచ్చాయి. గిరిజన విద్యార్థులకు నాణ్యమైన విద్యను అందించడానికి 1997-98 సంవత్సరంలో ప్రవేశపెట్టిన మోడల్ రెసిడెన్షియల్ స్కూళ్ల స్థాపన ద్వారా విద్యా అభివృద్ధికి ఒక చొరవ తీసుకున్నారు.
దేశంలోని వివిధ గిరిజన సాంద్రత కలిగిన రాష్ట్రాలలో 6 నుండి 12వ తరగతి వరకు 100 మోడల్ రెసిడెన్షియల్ స్కూళ్లను ఏర్పాటు చేయడానికి రాజ్యాంగం యొక్క 275 (1) అధికరణం కింద నిధులలో ఒక భాగాన్ని ఉపయోగించాలని గిరిజన వ్యవహారాల మంత్రిత్వ శాఖ నిర్ణయించింది.దీనికి అనుగుణంగా తెలంగాణలో 23 మోడల్ స్కూల్స్ ఏర్పాటు చేశారు. ఈ పాఠశాలల్లో నాణ్యమైన విద్యతోపాటు గిరిజన విద్యార్థుల అన్ని విధాలుగా అభివృద్ధి చెందేలా శిక్షణ కల్పిస్తారు.
ప్రవేశాలు ఇలా…
తెలంగాణ ఏకలవ్య మోడల్ స్కూల్లో అడ్మిషన్ పొందాలనుకునే విద్యార్ధులు ఆన్లైన్లో దరఖాస్తు చేయాల్సి ఉంటుంది. జనవరి 17వ తేదీ నుంచి దరఖాస్తులు వెబ్సైట్లో అందుబాటు ఉంటాయి. ఫిబ్రవరి 16వ తేదీ వరకు దరఖాస్తు చేసుకోవచ్చు. ప్రవేశపరీక్షలో వచ్చిన మార్కుల ఆధారంగా అడ్మిషన్లు కల్పిస్తారు.
ఏకలవ్య మోడల్ స్కూల్లో అడ్మిషన్లకు సంబంధించిన పూర్తి వివరాలకు వెబ్సైట్ను సందర్శించండి.
తెలంగాణలో ఆదిలాబాద్, మహబూబ్నగర్, మహబూబాబాద్, ఎల్లారెడ్డిగూడ- రాజన్న సిరిసిల్ల, కామారెడ్డి, మర్రిమడ్ల-రాజన్న సిరిసిల్ల,సీరోల్-మహబూబాబాద్, ఇందల్వాయ్- నిజామాబాద్, గండులపల్లి- కొత్తగూడెం భద్రాద్రి, కల్వకుర్తి- భద్రాద్రి కొత్త గూడెం, పాల్వంచ, సిర్పూర్-అసిఫాబాద్, ఉట్నూర్-ఆదిలాబాద్, గుండాల-కొత్తగూడెం, బయ్యారం-మహబూబాబాద్, ఇంద్రవెల్లి- ఆదిలాబాద్, చర్ల-కొత్తగూడెం, దమ్ముగూడెం- కొత్తగూడెం, ములకలపల్లె-కొత్తగూడెం, సింగరేణి-ఖమ్మం, కొత్తగూడ -మహబూబాబాద్, గూడూర్-మహబూబాబాద్లో ఏకలవ్య పాఠశాలలు ఉన్నాయి.
పాఠశాలల జాబితా వాటి వివరాలను ఈ లింకు ద్వారా చూడొచ్చు. https://tsemrs.telangana.gov.in/schoolList.php