JEE Main 2025 : జేఈఈ మెయిన్ ఫలితాలలో సత్తా చాటిన నారాయణ విద్యార్థులు-యాజమాన్యం వెల్లడి

JEE Main 2025 : జేఈఈ మెయిన్ 2025 ఫలితాలలో తమ విద్యార్థులు సత్తా చాటారని నారాయణ విద్యాసంస్థలు ఓ ప్రకటనలో తెలిపాయి. జేఈఈ మెయిన్ 2025 సెషన్ 1లో అద్భుతమైన పనితీరుతో తమ స్థానాన్ని నిలబెట్టుకున్నామని నారాయణ యాజమాన్యం ప్రకటించింది.

'బణీ బ్రాతా మాజీ...300/300 మార్కులు సాధించి , 100 పర్సంటైల్ సాధించారు. ఇది అతని అంకితభావానికి, నారాయణ విద్యా విధానానికి ఒక అద్భుతమైన నిదర్శనం. అతనితో పాటు, ఆయుష్ సింఘాల్ , కుషాగ్ర గుప్తా, విశాద్ జైన్, శివన్ వికాస్ తోష్నివాల్ కూడా 100 పర్సంటైల్‌లను సాధించారు. వీరంతా నారాయణ వారసత్వాన్ని మరింత బలోపేతం చేశారు.

ఈ అసాధారణ విజయానికి తోడు, నారాయణ విద్యార్థులు పలు రాష్ట్రాలలో టాపర్ల జాబితాలో ఆధిపత్యం చెలాయించారు. ఆయుష్ సింఘాల్ రాజస్థాన్ రాష్ట్ర టాపర్‌గా నిలిచారు. కుశాగ్ర గుప్తా కర్నాటకలో అగ్రస్థానంలో నిలిచారు. విశాద్ జైన్ మహారాష్ట్రలో టాప్ నిలిచారు. బణీ బ్రాతా మాజీ తెలంగాణలో అగ్రస్థానంలో నిలిచారు' అని నారాయణ విద్యాసంస్థలు తెలిపాయి.

పంజాబ్‌లో పియుసా దాస్ అత్యధిక స్కోరర్‌గా నిలవగా.. అర్నవ్ జిందాల్, సునయ్ యాదవ్ వరుసగా చండీగఢ్, తమిళనాడులో టాపర్ నిలిచారని నారాయణ యాజమాన్యం పేర్కొంది. శివన్ వికాస్ తోష్నివాల్ గుజరాత్‌లో అగ్రస్థానంలో నిలిచారు. వీరంతా జాతీయ స్థాయిలో తమ విద్యాసంస్థల నైపుణ్యాన్ని తెలియజేశారని వెల్లడించింది.

ప్రత్యేక విద్యా విధానం

నారాయణ విద్యాసంస్థల డైరెక్టర్ డాక్టర్ పి. సింధూర నారాయణ మాట్లాడుతూ.... "నారాయణ విద్యార్థుల విజయాల పట్ల ఎంతో ఆనందంగా ఉంది. నారాయణలో, మేము కేవలం బోధించడం మాత్రమే కాదు. సాధికారత కల్పిస్తాము. మా ప్రత్యేక విద్యావిధానం సమస్య పరిష్కార పద్ధతులతో భావనాత్మక స్పష్టతను కలిగి ఉంటుంది. ప్రతి విద్యార్థి సవాళ్లను ఎదుర్కొనేందుకు సిద్ధంగా ఉండేలా చేస్తుంది" అన్నారు.

"ఈ విజయవాల్లో నారాయణ అభ్యాస విధానం nLearn పాత్ర కీలకం. nLearn మా విద్యార్థులు సిద్ధమయ్యే విధానాన్ని మార్చివేసింది. రియల్-టైమ్ ప్రోగ్రెస్ ట్రాకింగ్, బలమైన పరీక్షా సిరీస్‌తో, మా అధ్యాపకులు తక్షణమే సమస్యలను పరిష్కరించగలరు. ఏ విద్యార్థి కూడా వెనుకబడకుండా చూసుకోవచ్చు" -పి. శరణి నారాయణ, నారాయణ విద్యాసంస్థల డైరెక్టర్

ఇప్పుడు విద్యార్థులంతా జేఈఈ అడ్వాన్స్‌డ్ 2025 పై దృష్టి సారిస్తున్నారని నారాయణ విద్యాసంస్థల మరో డైరెక్టర్ పునీత్ తెలిపారు. మెయిన్స్ లో రాణించిన విద్యార్థులకు శుభాకాంక్షలు తెలిపారు. నాలుగు దశాబ్దాలకు పైగా నారాయణ విద్యాసంస్థలు భారతదేశం అంతటా ఎంతోమంది విద్యార్థుల భవిష్యత్తును తీర్చిదిద్దాయని అన్నారు. ఈ ఫలితాలు నారాయణపై ఉన్న అచంచలమైన నిబద్ధతకు నిదర్శనంగా నిలుస్తాయన్నారు.