గులాబీ దళపతికి లేఖాస్త్రం...! కవిత పేర్కొన్న పాజిటివ్, నెగిటివ్ విషయాలివే

బీఆర్ఎస్ పార్టీలో కీలక పరిణామం చోటు చేసుకుంది. పార్టీలో కీలక నేతగా ఉన్న ఎమ్మెల్సీ కవిత… పార్టీ అధినేత కేసీఆర్ కు సంచలన లేఖ రాశారు. పార్టీలోని పరిస్థితులపై ఆందోళనను వ్యక్తం చేశారు. ఎల్కతుర్తి సభకు సంబంధించి కొన్ని పాజిటివ్ అంశాలను ప్రస్తావిస్తూనే…. మరికొన్ని లోపాలను సూటిగా ఎత్తి చూపారు. ఈ లేఖను మే 2వ తేదీను రాసినట్లు ఉంది. అయితే ఈ లేఖలో కవిత పేర్కొన్న పాజిటివ్, నెగిటివ్ అంశాలెంటో చూస్తే….

కవిత పేర్కొన్న పాజిటివ్ అంశాలు:

• డాడీ(కేసీఆర్)…. ఎల్కతుర్తి సభలో మీ ప్రసంగం కోసం క్యాడర్ అంతా చివరి వరకు వేచి ఉన్నారు.
• సభలో ఆపరేషన్ కగార్ గురించి మాట్లాడటం చాలా మందికి నచ్చింది.
• కాంగ్రెస్ ఫెయిల్.. ఫెయిల్ అని చెప్పటం చాలా బాగుందని అనుకుంటున్నారు.
• పహల్గాం అమరులకు మౌనం పాటించటం బాగుంది.
• రేవంత్ రెడ్డి పేరును ప్రస్తావించి తిట్టకపోవటం చాలా మందికి నచ్చిన అంశం. ఆయన మిమల్ని రోజూ విమర్శిస్తున్నప్పటికీ… మీరు హుందాగా ఉన్నారని ఫీడ్ బ్యాక్ వచ్చింది.
• తెలంగాణ అంటే బీఆర్ఎస్, తెలంగాణ అంటే కేసీఆర్ అని మీరు బలంగా చెబుతారని చాలా మంది అనుకున్నారు.
• తెలంగాణ తల్లి విగ్రహం మార్చటం, తెలంగాణ గీతం విషయాన్ని మీరు ప్రస్తావిస్తారని ఎదురుచూశారు.
• ఓవరాల్ గా మీ నుంచి ఇంకొంచెం పంచ్ ఎక్స్ పెక్ట్ చేశారు. సభ విజయవంతం ద్వారా నేతలు, శ్రేణులు సంతృప్తి చెందారు.

నెగిటివ్ ఫీడ్ బ్యాక్ :

• సభలో ఉర్దూలో మాట్లాడకపోవటం
• వక్ఫ్ బిల్లు గురించి మాట్లాడకపోవటం
• బీసీలకు 42 శాతం రిజర్వేషన్ల అంశాన్ని విస్మరించటం
• ఎస్సీ వర్గీకరణ అంశం మీద మాట్లాడకపోవటం
• ఇంత పెద్ద మీటింగ్ కు పాత ఇంఛార్జ్ లనే ఇచ్చారు. వాళ్లు పాత పద్ధతిలోనే తెలంగాణ ఉద్యమకారులకు సదుపాయాలు కల్పించలేదని ఫీడ్ బ్యాక్ కొన్ని నియోజకవర్గాల్లో వచ్చింది.
• మళ్లీ పాత ఇంఛార్జులకే లోకల్ బాడీ ఎన్నికల భీఫామ్ లను పార్టీ ఇస్తుందని ఇంఛార్జులు చెప్పుకుంటున్నట్లు కొన్ని దగ్గర్ల నుంచి తెలిసింది.
• లోకల్ బాడీ ఎన్నికల్లో సర్పంచ్ కు పోటీ చేసే వాళ్లు రిలాక్స్ గా ఉన్నారు. కానీ ఎంపీటీసీ, జెడ్పీటీసీ, ఎంపీపీలుగా ఉండాలనుకునేవాళ్లు ఇంఛార్జుల నుంచి కాకుండా పార్టీ ద్వారా భీపామ్ లు అందాలని కోరుతున్నారు.
• మీరు సభకు చేరుకునేలోపు పార్టీలోని పలువురు నేతలకు మాట్లాడే అవకాశం ఇస్తే బాగుండేదని చాలా మంది అన్నారు.
• ధూం-ధామ్…. కార్యకర్తలను ఆకట్టుకోవటంలో ఫెయిల్ అయింది.
• బీజేపీపై మీద మీరు కేవలం 2 నిమిషాలు మాత్రమే మాట్లాడారు. వాళ్లతో భవిష్యత్తులో పొత్తు పెట్టుకుంటారేమో అని ఊహాగానాలు మొదలయ్యాయి. పర్సనల్ గా నాకు కూడా బలంగా మాట్లాడాలని ఉండే. నేను వాళ్లతో బాధపడ్డాను కదా… అందుకని కావొచ్చు…! బట్ ఇంకొంచెం బీజేపీని టార్గెట్ చేయాల్సిందేమో.
• కాంగ్రెస్ మీద క్షేత్రస్థాయిలో నమ్మకం పోయింది. బీజేపీ అలర్ట్నెట్ అవుతుదేమో అన్న ఆలోచనను మన క్యాడర్ వ్యక్తపరుస్తోంది.
• ఎమ్మెల్సీ ఎన్నికల్లో మనం పోటీ చేయకుండా బీజేపీకి సాయపడ్డాం అన్న సందేశాన్ని కాంగ్రెస్… ప్రజల్లోకి బలంగా తీసుకెళ్లింది.
• చాలా మంది మీతో ఫొటోలు దిగాలని, చేయి కలపాలని అంటుంటే చాలా సంతోషంగా అనిపించింది.
• మీ యాక్సిస్ దొరకటం లేదని జెడ్పీటీసీ, జెడ్పీ ఛైర్మన్, ఎమ్మెల్యే స్థాయి నేతలు బాధపడుతున్నారు. సెలెక్టివ్ యాక్సిస్ అని ఫీల్ అవుతున్నారు. ప్రతి ఒక్కర్ని కలిసే ప్రయత్నం చేయండి.
• ఇప్పటికైనా ఒకటి లేదా రెండు రోజులు ఫ్లీనరీ ఏర్పాటు చేయండి. కేడర్ కు దిశానిర్దేశం చేయండి. కొంచెం ఈ విషయం సీరియస్ గా ఆలోచించండి. “స్వారీ ఫర్ లాంగ్ లెటర్” అని కవిత తన లేఖలో పేర్కొన్నారు.