Komatireddy: ఎమ్మెల్యేలను కొనే అలవాటు బిఆర్‌ఎస్‌దే అంటున్న కోమటిరెడ్డి-minister komatireddy says brs has a habit of buying mlas ,తెలంగాణ న్యూస్
తెలుగు న్యూస్  /  తెలంగాణ  /  Komatireddy: ఎమ్మెల్యేలను కొనే అలవాటు బిఆర్‌ఎస్‌దే అంటున్న కోమటిరెడ్డి

Komatireddy: ఎమ్మెల్యేలను కొనే అలవాటు బిఆర్‌ఎస్‌దే అంటున్న కోమటిరెడ్డి

Sarath chandra.B HT Telugu
Jan 24, 2024 12:45 PM IST

Komatireddy: ఎమ్మెల్యేలను, ఎంపీలను కొనే అలవాటు బీఆర్‌ఎస్‌ పార్టీకి ఉందని, అదే పని చేసి ఉంటే కేటీఆర్‌, హరీశ్‌లకే పార్టీ మిగులుతుందని, తాము అలా చేయమని, మంచి పనులు చేస్తే ప్రజలే ఓట్లు వేస్తారని మంత్రి కోమటిరెడ్డి అన్నారు.

 కోమటిరెడ్డి వెంకట్ రెడ్డి
కోమటిరెడ్డి వెంకట్ రెడ్డి

Komatireddy: బీఆర్‌ఎస్ పార్టీలో ఎమ్మెల్యేలు, ఎంపీలను కొనే అలవాటు ఉందని తెలంగాణ కాంగ్రెస్ మంత్రి కోమటిరెడ్డి వెంకట్ రెడ్డి మండిపడ్డారు.

బీఆర్‌ఎస్‌ మాదిరిగానే చేసి ఉంటే ఆ పార్టీలో కేటీ రామారావు, తెలంగాణ ఆరోగ్య, ఆర్థిక మంత్రి హరీశ్‌రావుతో మాత్రమే మిగిలి ఉండేదని మండిపడ్డారు.

ఎమ్మెల్యేలను, ఎంపీలను కొనే అలవాటు బీఆర్‌ఎస్‌ పార్టీకి ఉందని, అదే పని చేసి ఉంటే కేటీఆర్‌, హరీశ్‌లు మాత్రమే అక్కడ పార్టీలో మిగులుతారని, తాము వారిలో ఎమ్మెల్యేల్ని కొనుగోలు చేయమని, మంచి పనులు చేసి ఓట్లు వేయిస్తామని అన్నారు.

ఎన్నికల్లో 64 సీట్లలో గెలిచి 10 సీట్లలో తక్కువ మెజారిటీతో ఓడిపోయామన్నారు. చేవెళ్ల నియోజకవర్గంలో 300 ఓట్లతో ఓడిపోయామని .. మంచి పనులు చేసి రానున్న కాలంలో వందకు పైగా సీట్లు గెలుస్తామన్నారు. తెలంగాణలో BRS పార్టీకి అవకాశం లేదన్నారు.

బిఆర్‌ఎస్‌ నేతలు "అసహనానికి గురికావద్దని, తాము అధికారంలోకి వచ్చి 47 రోజులు మాత్రమేనన్నారు. బీఆర్‌ఎస్ పార్టీకి తగిన సమాధానం చెప్పాల్సిన అవసరం ఉందని, వారికి డిపాజిట్ కూడా రాదన్నారు.

కాంగ్రెస్‌ హయంలో 32 లక్షల ఇందిరమ్మ ఇళ్లు కట్టించామని, 64 సీట్లు పూర్తి మెజారిటీతో గెలిపించామని, దోచుకున్న డబ్బుతో బిఆర్‌ఎస్‌ సీట్లు గెలిపించారని, టిక్కెట్లు ఆలస్యంగా ఇవ్వడం వల్లే 80 సీట్లు తక్కువ వచ్చాయన్నారు. ఎమ్మెల్యేలు, ఎంపీలు, సర్పంచ్‌లను కొనే అలవాటు ఉన్న పార్టీ వారదని ఎద్దేవా చేశారు.

భారత్ జోడో న్యాయ్ యాత్రపై ‘రెచ్చగొట్టే దాడి’ని కోమటిరెడ్డి ఖండించారు మరియు కేంద్రంలోని అధికార పార్టీ "మత రాజకీయాలు" చేయడం మానుకోవాలని అన్నారు. నిరుద్యోగ యువత కోసం, లౌకికవాదం కోసం అలుపెరుగని కృషి చేస్తున్న మన ప్రియతమ నేత రాహుల్‌గాంధీపై జరిగిన దాడిని నిజంగా ఖండిస్తున్నామన్నారు. మతోన్మాద రాజకీయాలు చేయొద్దు.. యువత కోసం ఏదైనా మంచి పని చేయాలన్నారు.

టీ20 వరల్డ్ కప్ 2024