Lunar Eclipse 2022 : హైదరాబాద్‌లో చంద్రగ్రహణం ఎప్పుడు.. ఎంతసేపు ఉంటుంది?

Lunar Eclipse November 2022 : ఈ ఏడాది చివరి చంద్రగ్రహణం(Chandra Grahanam) సాయంత్రం ఏర్పడనుంది. ఏప్రిల్ లో ఒకేసారి చంద్రగ్రహణం ఏర్పడింది. హైదరాబాద్‌(Hyderabad)లోని ప్రజలు సాయంత్రం 05:43 గంటలకు చంద్రగ్రహణాన్ని చూడొచ్చు. సుమారు 1 గంట 46 నిమిషాలు ఉంటుంది. అయితే ఈ చంద్రగ్రహణం కొన్ని నగరాల్లో సంపూర్ణంగా కనిపించనుంది. మరికొన్ని నగరాల్లో పాక్షికంగా మాత్రమే కనిపిస్తుంది. గ్రహణాన్ని చూసేందుకు ప్రత్యేక పరికరాలు ఏం ఏవసరం లేదని నిపుణులు అంటున్నారు.

హైదరాబాద్ లో చంద్రగ్రహణం(Hyderabad Chandra Grahanam) సాయంత్రం 5.40కి ప్రారంభవుతుంది. 7.26 గంటలకు ముగియనుంది. మొత్తంగా 1.46 నిమిషాల పాటు ఉంటుంది. సంపూర్ణ చంద్రగ్రహణంతో యాదగిరి(Yadagiri Temple) గుట్ట లక్ష్మీ నరసింహ స్వామి ఆలయం తలుపు మూసివేశారు. ఉదయం ఆలయంలో నిత్య కైంకర్యాలు పూర్తి చేసి 8.15 గంటలకు ఆలయాన్ని క్లోజ్ చేశారు. రాత్రి 8 గంటలకు ఆలయాన్ని తెరిచి సంప్రోక్షణ చేస్తారు. బుధవారం ఉదయం 9 నుంచి స్వామి వారి దర్శనాలతో పాటు, నిత్య కైంకర్యాలు యథావిధిగా జరుగుతాయి.

చంద్రగ్రహణం కారణంగా కొమురవెల్లి మల్లికార్జున స్వామి ఆలయాన్ని(Komuravelli Mallikarjuna Temple) కూడా మూసివేశారు. ఉదయం 6గంటల నుంచి రాత్రి 7 గంటల వరకు తలుపులు మూసే ఉండనున్నాయి. ఆలయంలో అన్ని రకాల ఆర్జిత సేవలు సైతం రద్దు చేశారు. రాత్రి 7 గంటలకు ఆలయ సంప్రోక్షణ, స్వామివారికి అభిషేకం, మంగలహారతి, నివేదన నిర్వహిస్తారు. రాష్ట్రంలోని వివిధ ఆలయాలను కూడా మూసేశారు.

చంద్రగ్రహణం(Lunar Eclipse) ముగిసిన తర్వాతే ఆలయాల తెరుచుకుంటాయి. పూజారులు దేవాలయాలను శుద్ధిచేసి పూజ చేయనున్నారు. ఇంట్లో కూడా శుద్ధి అనంతరం పూజ చేయాలని చెబుతున్నారు. గ్రహణం ముగిసిన తర్వాత స్నానం చేసి ఏదైనా వస్తువు దానం చేయాలని అంటుంటారు. ఇలా చేస్తే.. గ్రహణం ప్రతికూల ప్రభావం ఉండదని నమ్మకం.

సూర్యుడు, భూమి, చంద్రుడు ఒకే లైన్​లోకి చేరితే చంద్రగ్రహణం(Chandra Grahanam 2022) ఏర్పడుంది. భూమి నీడలోకి వెళుతుండటంతో.. చంద్రుడు కొద్దిసేపు దర్శనమివ్వడు. సంపూర్ణ చంద్రగ్రహణం సమయంలో.. భూమి నీడలోని అత్యంత చీకటి ప్రాంతంగా పిలిచే 'అంబ్రా' చోటకు చంద్రుడు చేరుకుంటాడు. అదే సమయంలో సూర్య కిరణాలు.. భూమి వాతావరణం గుండా ప్రయాణించి చంద్రుడికి చేరుతాయి. ఈ సమయంలో చంద్రుడు ఎర్రగా కనిపిస్తాడు. దీనినే 'బ్లడ్​ మూన్​' అని కూడా పిలుస్తారు.