Telugu News  /  Telangana  /  Kcr Will Announced National Party On 5th October 2022
టీఆర్ఎస్ అధినేత కేసీఆర్ (ఫైల్ ఫొటో)
టీఆర్ఎస్ అధినేత కేసీఆర్ (ఫైల్ ఫొటో)

KCR New Party: దసరా రోజు జాతీయ పార్టీపై కేసీఆర్ ప్రకటన….?

28 September 2022, 16:26 ISTHT Telugu Desk
28 September 2022, 16:26 IST

KCR National Party: విజయదశమి రోజున సీఎం కేసీఆర్ జాతీయ పార్టీ ప్రకటిస్తారనే చర్చ జోరందుకుంది. ఇందుకోసం ఫామ్ హౌస్ వేదికగా కేసీఆర్ కసరత్తు పూర్తి చేసినట్టు తెలుస్తోంది.

kcr national politics: కేసీఆర్ జాతీయ పార్టీ ఏర్పాటుపై చర్చ ఊపందకుంది. దసరా దగ్గరపడుతున్న వేళ...కొత్త పార్టీ ప్రకటనపై వార్తలు వినిపిస్తున్నాయి. అక్టోబర్ 5వ తేదీన టీఆర్ఎస్ ఎల్పీ సమావేశం నిర్వహించి ప్రకటన చేస్తారనే టాక్ వినిపిస్తోంది. ఎమ్మెల్యే, ఎమ్మెల్సీ, ఎంపీల ఏకాభిప్రాయంతో కేసీఆర్ ప్రకటన చేయనున్నారని తెలుస్తోంది.

ట్రెండింగ్ వార్తలు

కొంతకాలంగా జాతీయ రాజకీయాల్లోకి వెళ్లేందుకు కేసీఆర్ ప్రయత్నాలు చేస్తున్నారు. అనేక వర్గాల నేతలు, మేథావులతో చర్చలు కూడా జరిపారు. దేశవ్యాప్త పర్యటనకు కూడా వెళ్లారు. అయితే పార్టీ ప్రకటనపై కొద్దిరోజులుగా వెనక్కి తగ్గరానే వార్తలు వచ్చాయి. తాజాగా ప్రతిపక్షాలు హర్యానాలో తలపెట్టిన ర్యాలీకి కూడా వెళ్లలేదు. దీంతో ఇప్పట్లో జాతీయ పార్టీ ఉండకపోవచ్చనే చర్చ నడిచింది. అయితే అనూహ్యంగా దసరా రోజు పార్టీని ప్రకటించే అవకాశం ఉందనే వార్తలు బయటికి వస్తున్నాయి.

kcr new party: ఇందుకోసం దసరా రోజున ఆయన ముహూర్తాన్ని కూడా ఎంపిక చేసుకున్నారని సమాచారం. దసరా రోజు మధ్యాహ్నం 1.19 గంటలకు ఆయన టీఆర్ఎస్ఎల్పీ(TRSLP) సమావేశం ఏర్పాటు చేసి జాతీయ పార్టీ పేరును ప్రకటించబోతున్నారని టీఆర్ఎస్ వర్గాల్లో చర్చ జరుగుతోంది. అయితే ఈ విషయంపై ఆ పార్టీ నేతలెవరూ స్పందించలేదు.

వాస్తవానికి జాతీయ పార్టీ ఏర్పాటు అంశానికి సంబంధించి కేసీఆర్ మరికొంత సమయం తీసుకునే అవకాశం ఉందని, మునుగోడు బైపోల్ తర్వాత ప్రకటించే ఛాన్స్ ఉందనే వాదన కూడా ఉంది. ఈ నేపథ్యంలో దసరా రోజు నిజంగానే ప్రకటన ఉంటుందా...? లేదా అనేది ఆసక్తికరంగా మారింది.

టాపిక్