క్యాస్ట్​ సర్టిఫికెట్​కు దరఖాస్తు చేశారా..? మీ అప్లికేషన్ స్టేటస్ ఇలా చెక్ చేసుకోండి

కుల ధ్రవీకరణపత్రం….. ప్రతి విద్యార్థితో పాటు ఉద్యోగ అభ్యర్థికి ఎంతో ముఖ్యమైనది. స్కాలర్ షిప్ దరఖాస్తు చేసుకోవాలన్నా… ఏదైనా ఉద్యోగానికి అప్లికేషన్ చేయాలన్నా… ఈ సర్టిఫికెట్ తప్పనిసరి అన్నట్లు ఉంటుంది. అంతేకాదు కేంద్ర, రాష్ట్ర ప్రభుత్వాలు తీసుకువచ్చే పలు పథకాలకు అప్లయ్ చేసుకునే క్రమంలో కూడా క్యాస్ట్ సర్టిఫికెట్ అవసరపడుతోంది.

ప్రస్తుతం ఆన్ లైన్ విధానంలోనే క్యాస్ట్ సర్టిఫికెట్ కోసం దరఖాస్తు చేసుకుంటున్నారు. మీ-సేవా ఆధారంగా అప్లికేషన్ పెట్టుకోవచ్చు. అయితే దరఖాస్తు చేసిన వెంటనే క్షణాల వ్యవధిలోనే ఈ సర్టిఫికెట్ పొందలేం. మండల రెవెన్యూ అధికారి పరిశీలన తర్వాతే… ఈ సర్టిఫికెట్లు జారీ అవుతాయి. వీటిని కూడా మీసేవా ద్వారానే పొందాల్సి ఉంటుంది.

అయిత దరఖాస్తు చేసుకున్న తర్వాత… చాలా మంది మండల కార్యాలయాలను సంప్రదిస్తుంటారు. లేకపోతే మీసేవా కేంద్రాలకు వెళ్లి ఆరా తీస్తుంటారు. అయితే అలా కాకుండా మీ అప్లికేషన్ స్టేటస్ ను సింపుల్ గా తెలుసుకునే వీలు ఉంటుంది. ఆ ప్రాసెస్ ఎలాగో ఇక్కడ తెలుసుకోండి…

అప్లికేషన్ స్టేటస్ ఇలా చెక్ చేసుకోండి:

• ముందుగా తెలంగాణ మీసేవా అధికారిక వెబ్ సైట్ ను ఓపెన్ చేయాలి.
• హోం పేజీలో పలు ఆప్షన్లు కనిపిస్తాయి. ఇందులో Know Your Application Status" అని ఉంటుంది.
• ఇక్కడ మీ అప్లికేషన్ నెంబర్ ను ఎంట్రీ చేయాలి. సెర్చ్ ఆప్షన్ ను క్లిక్ చేయాలి.
• ఇక్కడ కొత్త పేజీ ఓపెన్​ అవుతుంది. ఇక్కడ స్క్రీన్​ మీద కనిపించే టెక్ట్స్​ను సూచించిన బాక్స్​లో ఎంటర్​ చేయాలి. దాని పక్కనే ఉండే సబ్మిట్ నొక్కాలి.
• ఆ తర్వాత ఓపెన్ అయ్యే పేజీలో మీ ట్రాన్సక్షన్ (Transaction Id ) ఐడీ నెంబర్ ను నొక్కి గేట్ డిటేయిల్స్ పై క్లిక్ చేయాలి.
• ఇక్కడ మీ కుల ధ్రువీకరణ పత్రం అప్లికేషన్ స్టేటస్​ డిస్ ప్లే అవుతుంది. రిమార్క్స్​ దగ్గర అప్రూవ్ అని వస్తే సర్టిఫికెట్​ మంజూరు అవుతుంది. ఒకవేళ పెండింగ్ లేదా NA అని వస్తే మరికొంత సమయం పట్టే అవకాశం ఉంటుంది.
• సర్టిఫికెట్​ అప్రూవ్డ్​ అని వస్తే మీరు అప్లై చేసిన మీసేవాకు దగ్గరకు వెళ్లి ఒరిజినల్ ధ్రవీకరణ పత్రాన్ని పొందవచ్చు.

ఈ లింక్ పై క్లిక్ చేసి క్యాస్ సర్టిఫికెట్ అప్లికేషన్ స్టేటస్ తెలుసుకోవచ్చు…