TG Graduate MLC Voter Registration : ఎమ్మెల్సీ ఓటు నమోదు చేసుకున్నారా..? మరికొద్ది గంటలే గడువు, అప్లికేషన్ విధానం ఇలా

ఉత్తర తెలంగాణలోని పలు జిల్లాల్లో ఎమ్మెల్సీ ఎన్నికల ప్రక్రియ నడుస్తోంది. వచ్చే ఏడాది నిజామాబాద్, ఆదిలాబాద్, మెదక్, కరీంనగర్ జిల్లాలతో కూడిన టీచర్, గ్రాడ్యుయేట్ ఎమ్మెల్సీ స్థానాలకు ఎన్నికలు జరగనున్నాయి. అయితే ఇందుకోసం ఓటరు నమోదు ప్రక్రియ కొనసాగుతోంది. నాలుగు జిల్లాల పరిధిలో ఉన్న ఆయా నియోజకవర్గాలకు చెందిన అర్హత కలిగిన ఓటర్లు దరఖాస్తు చేసుకుంటున్నారు. అయితే ఈ గడువు దగ్గరపడింది.

మరికొద్ది గంటలే గడువు…!

పట్టభద్రుల ఎమ్మెల్సీ ఓటు నమోదు ప్రక్రియ ఇవాళ్టితో( నవంబర్ 6) తేదీతో పూర్తి కానుంది. మరికొద్ది గంటలే మాత్రమే గడువు ఉంది. అర్హత ఉన్న అభ్యర్థులు వెంటనే దరఖాస్తు చేసుకోవాలని ఎన్నికల సంఘం అధికారులు సూచిస్తున్నారు. ఎమ్మెల్సీ ఓటరు నమోదు గడువు పెంచాలని పలు రాజకీయ పార్టీలతో పాటు గ్రాడ్యుయేట్స్ ఈసీని కోరుతున్నారు. ఈ విషయంపై ఎన్నికల సంఘం నిర్ణయం తీసుకోవాల్సి ఉంటుంది.

నవంబర్ 23న ముసాయిదా జాబితా…!

• ఈ నాలుగు జిల్లాలతో కూడిన ఉపాధ్యాయ, పట్టభద్రుల ఎమ్మెల్సీల కాలపరిమితి 2025 మార్చి 29 నాటితో ముగియనుంది.
• ముందస్తు ఏర్పాట్లలో భాగంగా ఎలక్షన్ కమిషన్ అర్హత కలిగిన ఓటర్లకు పేర్ల నమోదు కోసం అవకాశం కల్పించింది.
• అసిస్టెంట్ ఎలెక్టోరల్ రిజిస్ట్రేషన్ ఆఫీసర్స్ (ఏఈఆర్ఓ) కార్యాలయాల్లో నేరుగా కూడా ఓటర్లు దరఖాస్తులు సమర్పించవచ్చు. గతంలో ఓటు హక్కు వినియోగించుకున్న వారు సైతం మరోసారి తప్పనిసరిగా ఓటు హక్కు నమోదు చేసుకోవాల్సి ఉంటుంది.
• గడువులోపు దాఖలైన దరఖాస్తులను పరిశీలించిన మీదట నవంబర్ 23 న ముసాయిదా ఓటరు జాబితాను ప్రకటించడం జరుగుతుంది.
• ముసాయిదా జాబితాపై ఏవైనా అభ్యంతరాలు ఉంటే నవంబర్ 23 నుండి డిసెంబర్ 09 వ తేదీ వరకు తెలియజేయాలి.
• 2024 డిసెంబర్ 30 న నిజామాబాద్, ఆదిలాబాద్, మెదక్, కరీంనగర్ జిల్లాలతో కూడిన గ్రాడ్యుయేట్స్, టీచర్స్ ఎమ్మెల్సీ నియోజకవర్గ స్థానాలకు సంబంధించిన తుది ఓటరు జాబితాను వెలువరిస్తారు.

ఎమ్మెల్సీ ఓటు దరఖాస్తు విధానం ఎలా..?

• గ్రాడ్యూయేట్ ఓటు నమోదు కోసం ఫారమ్ - 18 ద్వారా ఓటరు నమోదు దరఖాస్తును పూర్తి చేయాలి.
• గ్రాడ్యూయేట్ ఎమ్మెల్సీ ఓటు కోసం ఆఫ్ లైన్ లేదా ఆన్ లైన్ లో దరఖాస్తు చేసుకోవచ్చు.
• ఆన్ లైన్ లో చేసుకోవాలనుకునే వారు ముందుగా https://ceotelangana.nic.in/home.html సైట్ లోకి వెళ్లాలి.
• హోం పేజీలో కనిపించే MLC Graduates - Teacher ఆప్షన్ పై క్లిక్ చేయాలి.
• ఇక్కడ కొత్త విండో ఓపెన్ అవుతుంది. 1) Graduates' - 2024 2) Teachers' - 2024 కనిపిస్తాయి. 3) Form-18 (Graduates') "Apply Online" "Download Offline Form" అనే ఆప్షన్ ఉంది. అప్లయ్ ఆన్ లైన్ పై క్లిక్ చేయాలి.
• ఇక్కడ మీకు ఫామ్ ఓపెన్ అవుతుంది. ముందుగా మీ Graduate Constituencyని ఎంచుకోవాలి. ఆ తర్వాత మీ వివరాలను ఎంట్రీ చేయాలి.
• అడ్రస్, ఆధార్, విద్యార్హతలను ఎంట్రీ చేయాలి. డిగ్రీ సర్టిఫికెట్, ఫొటోను అప్ లోడ్ చేాయాలి.
• చివర్లో మీ మొబైల్ నెంబర్, మెయిల్ అడ్రస్ ఎంట్రీ చేయాల్సి ఉంటుంది.
• ఫైనల్ గా సబ్మిట్ బటన్ పై నొక్కితే అప్లికేషన్ ప్రాసెస్ పూర్తి అవుతుంది. మీకు రిజిస్ట్రేషన్ నెంబర్ జనరేట్ అవుతుంది.
• ఈ రిజిస్ట్రేషన్ నెంబర్ సాయంతో మీ అప్లికేషన్ స్టేటస్ కూడా చెక్ చేసుకోవచ్చు.

కావాల్సిన పత్రాలు:

• డిగ్రీ మోమో
• డిగ్రీ ప్రొవిజినల్ సర్టిఫికెట్
• ఆధార్ కార్డు
• ఓటరు కార్డు
• పాస్ట్ పోర్టు సైజ్ ఫొటో
• ఈమెయిల్ ఐడీ
• ఫోన్ నెంబర్

ఆన్ లైన్ రిజిస్ట్రేషన్ లింక్స్ :

1. గ్రాడ్యూయేషన్ ఓటర్ నమోదు కోసం లింక్ - https://ceotserms2.telangana.gov.in/mlc/form18.aspx
2. టీచర్ ఎమ్మెల్సీ ఓటర్ నమోదు కోసం లింక్ - https://ceotserms2.telangana.gov.in/mlc/form19.aspx