తెలుగు న్యూస్ / తెలంగాణ /
Warangal Market : టన్ను రూ.1.22 లక్షలు...! ‘బంగినపల్లి’ మామిడికి రికార్డు ధర...!
Banginapally Mango Auction : వేసవి వేళ మామిడిపండ్ల సీజన్ మొదలైంది. ఇప్పటికే కోతకు వచ్చిన పంటకు మార్కెట్లకు తరలిస్తున్నారు. అయితే వరంగల్ ఎనుమాముల మార్కెట్ పరిధిలో నిర్వహించిన వేలంలో బంగినపల్లి మామిడి రికార్డు ధర పలికింది. టన్ను మామిడికి రూ.1.22 లక్షలు చెల్లించి కొనుగోలు చేశారు.
బంగినపల్లి మామిడికి రికార్డ్ ధర
వేసవి వచ్చేసింది…! దీంతో తెలుగు రాష్ట్రాల్లో మామిడపండ్ల సీజన్ మొదలైపోయింది. ఇప్పటికే కోతకు వచ్చిన పంటను… మార్కెట్లకు తరలిస్తున్నారు. పలుచోట్ల విక్రయాలు కూడా కొనసాగుతున్నాయి. అయితే ఇందులో బంగినపల్లి మామిడికి మంచి పేరు ఉంటుంది. మామిడిలో ఎన్నో రకాలు ఉన్నప్పటికీ… బంగినపల్లికి ప్రత్యేకమైన గుర్తింపు ఉన్న సంగతి తెలిసిందే.
జిల్లా కలెక్టర్‌ తో పాటు మార్కెటింగ్ శాఖ ఆధ్వర్యంలో తొలిసారిగా మార్కెట్ లో నిర్వహించిన వేలంలో వ్యాపారులు పెద్దఎత్తున పాల్గొన్నారు. ఇందులో బంగినపల్లి మామిడికి టన్ను రూ.1.22 లక్షల వరకు పలికింది. ఈ సీజన్ లోనే కాదు మార్కెట్ చరిత్రలోనే ఇంత ధర పలకటం ఇదే తొలిసారని అధికారులు తెలిపారు.
మహబూబాబాద్ జిల్లా మరిపెడ మండలం చిల్లంచర్ల గ్రామానికి చెందిన విజయపాల్ రెడ్డి ఈ పంటను పండించాడు. మార్కెట్ వేలంలో రూ.1.22 లక్షలు చెల్లించి కొనుగోలు చేశారు.
Maheshwaram Mahendra Chary
మరిన్ని తెలంగాణ తాజా వార్తలు, క్రైమ్ వార్తలు, ట్రెండింగ్ వార్తలు, హైదరాబాద్ వార్తలు, పొలిటికల్ వార్తలు చూడండి.