TG School Holidays : విద్యార్థులు పండగ చేసుకునే న్యూస్.. ఏకంగా 8 రోజులు స్కూళ్లకు సెలవులు
TG School Holidays : విద్యార్థులు ఎగిరి గంతేసే వార్త ఇది. అవును.. తెలంగాణలో స్కూళ్లకు ఏకంగా 8 రోజులు సెలవులు రానున్నాయి. పాఠశాలలకే కాకుండా.. కాలేజీలకు కూడా 8 రోజులు హాలిడేస్ రానున్నాయి. 2025లో మొత్తం 27 రోజులు సాధారణ సెలవులుగా ప్రభుత్వం ఉత్తర్వులు జారీ చేసింది.
తెలంగాణలో పాఠశాలలకు ఏకంగా 8 రోజులు సెలవులు రానున్నాయి. డిసెంబర్ నెలలో 31 రోజులు ఉండగా.. 8 రోజులు స్కూల్స్‌కు హాలిడేస్ వచ్చాయి. డిసెంబర్‌లో క్రిస్మస్ పండగకు ప్రభుత్వం ఇప్పటికే సెలవులు ప్రకటించింది. 25వ తేదీన క్రిస్మస్, 26వ తేదీన బాక్సింగ్ డే ఉంది. ఈ రెండు రోజులు స్కూళ్లకు సెలవులు వచ్చాయి.
ఇక డిసెంబర్ 1వ తేదీ ఆదివారం. 8, 15, 22, 29 తేదీల్లో ఆదివారాలు వచ్చాయి. 14వ తేదీ రెండో శనివారం. కాబట్టి ఆరోజు కూడా స్కూళ్లకు సెలవు. దీంతో మొత్తం డిసెంబర్ నెలలో 8 రోజులు సెలవులు వచ్చాయి. 1, 8, 14, 15, 22, 25, 26, 29 తేదీల్లో స్కూళ్లు, కాలేజీలు బంద్ కానున్నాయి. అయితే వీటిలో కేవలం రెండు సార్లు మాత్రమే వరుసగా సెలవులు వచ్చాయి. 14వ తేదీ రెండో శనివారం, 15 ఆదివారం వరుసగా రెండ్రోజులు సెలవులు ఉన్నాయి. ఆ తర్వాత మళ్లీ డిసెంబర్ 25, 26 తేదీల్లో రెండ్రోజులు సెలవులు వచ్చాయి.
2025లో.. 27 రోజులు..
2025 సంవత్సరంలో సాధారణ, ఐచ్ఛిక, వేతనంతో కూడిన సెలవులపై ప్రభుత్వం ఉత్తర్వులు జారీ చేసింది. 27 రోజులను సాధారణ సెలవులుగా ప్రకటించింది. మరో 23 రోజులను ఐచ్ఛిక సెలవులుగా తెలంగాణ సర్కారు ప్రకటించింది. ప్రభుత్వ ఉద్యోగులు సాధారణ సెలవులు గాక 5 ఆప్షనల్ హాలిడేస్‌ను ఉన్నతాధికారుల అనుమతితో పొందవచ్చని ప్రభుత్వం స్పష్టం చేసింది.
పారిశ్రామిక సంస్థలు, ప్రభుత్వరంగ సంస్థలు, విద్యాసంస్థలు, ప్రజాపనుల శాఖలకు విడిగా ఉత్తర్వులు జారీ చేస్తామని ప్రభుత్వం వెల్లడించింది. సాధారణ సెలవు దినాలతో పాటు ఆది, రెండో శనివారాల్లో ప్రభుత్వ కార్యాలయాలు మూసివేయాలని సూచించింది. జనవరి మొదటి తేదీన సెలవు ఇస్తున్నందున ఫిబ్రవరి 8వ తేదీ రెండో శనివారాన్ని పనిదినంగా ప్రకటిస్తున్నట్లు వివరించింది. సెలవు దినాల్లో ఏమైనా మార్పులుంటే అధికారికంగా ప్రకటిస్తామని తెలంగాణ ప్రభుత్వం వెల్లడించింది.
2025 జనవరిలో.. 1, 13, 14, 26 తేదీల్లో సెలవులు వచ్చాయి. ఫిబ్రవరిలో 26వ తేదీన, మార్చిలో 14, 30, 31వ తేదీల్లో సెలవులు వచ్చాయి. విద్యార్థులకు బ్యాడ్ న్యూస్ ఏంటంటే.. మొత్తం 27 రోజుల సెలవుల్లో.. 5 పండగలు ఆదివారం వచ్చాయి. జనవరి 26 ఆదివారం, మార్చి 30 ఉగాది ఆదివారం, ఏప్రిల్ 6 శ్రీరామనవమి ఆదివారం, జులై 6 మొహరం ఆదివారం, సెప్టెంబర్ 21 బతుకమ్మ పండగ మొదటి రోజు ఆదివారం వచ్చింది. ఈ పండగలు ఇతర వారాల్లో వస్తే.. సెలవుల సంఖ్య 32 రోజులు అయ్యేది.
