Ravishastri on Pant vs Karthik: టీ20 వరల్డ్‌కప్‌లో ఇండియా సెమీస్‌ చేరింది. నాలుగు విజయాలతో గ్రూప్‌ టాపర్‌గా గ్రూప్‌ 1లో రెండోస్థానంలో నిలిచిన ఇంగ్లండ్‌తో ఫైట్‌కు సిద్ధమైంది. అయితే ఈ మ్యాచ్‌లో దినేష్ కార్తీక్‌ లేదా పంత్‌లలో ఎవరిని తీసుకుంటారన్నదానిపై సస్పెన్స్‌ కొనసాగుతోంది. సూపర్‌ 12 స్టేజ్‌లో నాలుగు మ్యాచ్‌లలో కార్తీక్‌ ఆడినా తీవ్రంగా నిరాశపరిచాడు.,దీంతో జింబాబ్వేతో మ్యాచ్‌లో రిషబ్‌ పంత్‌కు ఛాన్సిచ్చారు. అయితే అతడు కూడా ఏమీ మెరుపులు మెరిపించలేదు. 5 బాల్స్‌లో 3 రన్స్‌ చేసి ఔటయ్యాడు. దీంతో ఈ ఇద్దరిలో కీలకమైన సెమీఫైనల్లో ఎవరికి ఛాన్సివ్వాలన్న ప్రశ్న తలెత్తుతోంది. దీనిపై టీమిండియా మాజీ కోచ్‌ రవిశాస్త్రి స్పందిస్తూ.. కార్తీక్‌ స్థానంలో పంత్‌కే అవకాశం ఇవ్వాలని తేల్చి చెప్పడం విశేషం.,"దినేష్ ఓ మంచి టీమ్ ప్లేయర్. కానీ ఇంగ్లండ్‌ లేదా న్యూజిలాండ్‌తో మ్యాచ్ అంటే.. వాళ్ల బౌలింగ్‌ అటాక్‌ చూసినప్పుడు ఓ మ్యాచ్ విన్నర్‌, ధాటిగా ఆడగలిగే లెఫ్ట్ హ్యాండరే ఉండాలి" అని స్టార్‌స్పోర్ట్స్‌తో మాట్లాడుతూ రవిశాస్త్రి చెప్పాడు. పైగా గతంలో పంత్‌ ఇంగ్లండ్‌పై రాణించిన విషయాన్ని కూడా ఈ సందర్భంగా శాస్త్రి గుర్తు చేశాడు.,"ఇంగ్లండ్‌పై పంత్‌ బాగా ఆడాడు. ఇంగ్లండ్‌పై ఓ వన్డే మ్యాచ్‌లో ఒంటిచేత్తో గెలిపించాడు. నా వరకూ పంత్‌కే అవకాశం ఇస్తాను. ఇక్కడ ఆడాడన్న అంశం ఒక్కటే కాదు కానీ ఇంగ్లండ్‌పై అతని అవసరం ఉంది" అని రవిశాస్త్రి స్పష్టం చేశాడు. అడిలైడ్‌ స్టేడియంలో స్క్వేర్‌ బౌండరీలు చిన్నగా ఉండటం కూడా ఓ లెఫ్ట్ హ్యాండర్‌కు కలిసొస్తుందని చెప్పాడు.,"అడిలైడ్‌లో మ్యాచ్ జరగబోతోంది. అక్కడ స్క్వేర్‌ బౌండరీ చిన్నగా ఉన్నాయి. ఇంగ్లండ్‌ బౌలింగ్‌ అటాక్‌ను సమర్థంగా ఎదుర్కోవడానికి అందుకే ఓ లెఫ్ట్ హ్యాండర్‌ అవసరం. ఎక్కువ మంది రైట్‌ హ్యాండర్లు ఉంటే ఒకేలా ఉంటుంది. ఇంగ్లండ్‌ బౌలింగ్‌ బాగుంది. లెఫ్ట్, రైట్‌ హ్యాండర్‌ బౌలర్లు ఉన్నారు. టాప్‌లో 3, 4 వికెట్లు కోల్పోయినా సరే మ్యాచ్‌ను గెలిపించగలిగే లెఫ్ట్ హ్యాండర్‌ ఉండాలి" అని రవిశాస్త్రి అన్నాడు.